八方台式麵屋 (九龍城廣場)

營業中

休息中

見好耐無去九龍城，諗住搵下嗰頭有無咩好野食啦⋯⋯點知落車就落雨，即刻乜mood都無曬。唔想淋住雨搵食，唯有求衝去九龍城廣場hea食算了，咁⋯⋯就搵到呢間台式食店啦。開餐啦1. 台式風味系列餐 $68 （麵食）+ $14（茶）* 鹽酥雞台式肉燥麵* 南投桂花烏龍 鹽酥雞 同麵係分開上既，鹽酥雞有一飯碗既份量，唔知係咪跟餐關系，舊雞既尺寸係比較細件既，係女仔可以一口食到既尺寸。粉漿同雞肉比例ok，炸得好乾爽，唔油膩。雞肉食落唔乾柴，調味夠，咬落勁香脆，極之邪惡呀。而個 台式肉燥麵 呢，係撈麵黎。一上枱，見到碗面同蛋都唔係好夠色水，d肉燥一粒粒咁，d汁又好似好水咁，有d伏伏地既感覺⋯⋯咁叫左都要食架⋯⋯咁就先啪粒旦！咦？原來又OK架WoW! 係我膚淺，雖然佢淺色，但原來係夠滷味架。 Sorry, 我係唔應該以貌取旦既。啪完蛋，輪到個麵啦！先將d麵同碟底既汁狂撈先！ 咦？原來個麵幾正架WOW, 麵身幼過米線少少，質地軟身既，但軟得來食落係有少少軟糯感，唔係死林嗰種。個麵都好索汁下，所以條條麵都索滿滷汁，所以食落都好夠味。而肉燥呢，佢用左半肥瘦既豬粒，你單獨食佢一粒粒肉係屬軟淋同夠味既，但撈麵

見喺附近表演，第一次嚟到九龍城廣場，呢頭聽講好多嘢食，一路行，哇！遲啲表演完真係要話嚟試下先得，太多食肆了，正！但係因為一陣要跳舞，唔想食太飽，見有台灣麵食就揀咗去呢度。平日人流唔多，一入到去就有位坐，唔洗等。簡簡單單嗌咗一個套餐，一個麵同餃子🥟要先到櫃檯俾錢落單好快就到，份量比想像中少左啲，但係好食嘅仲有煎餃子，比手指粗返少少，正常味道如果當晚餐，唔夠飽，下午茶可以，以份糧計，價錢少貴，但味道係好食嘅

台灣乾拌麵系列(套餐$52)麻醬椒香乾拌麵+小食皮蛋豆腐+ 加飲品珍珠奶茶(+$12)乾拌麵質地爽彈，麻醬香濃，雖然話係辣，但其實只係小小辣，唔食得辣嘅人都可以接受。有半隻糖心蛋，有少少蛋黃醬流出嚟撈埋拌麵食口感更香濃。皮蛋豆腐係凍盤，豆腐比較硬身，醬汁似日本燒八爪魚丸嗰隻燒醬汁，甜而濃味。仲灑滿好多嘅木魚片及蔥粒，蔥粒味道增添清新可口。 台灣湯麵餐($54)台式雲吞麵+小食鍋貼五隻+ 飲品珍珠奶茶(+12)台式雲吞麵湯底清甜, 仲有滿滿嘅紫菜, 小雲吞有6,7隻咁多, 雖然唔算好大隻, 但勝在皮薄餡靚, 裏面都係啖啖肉。又長又大條嘅鍋貼, 煎得脆卜卜, 鍋貼內材料豐富, 都係啖啖肉, 就算唔點調味料唔加醋都好惹味。

昨晚到九龍城廣場的八方台式麵屋吃晚飯， 點了兩個餐～（台灣肉燥麵＋ 原味鍋貼五隻 ＋ 冷泡桂花烏龍加$12）$52 和( 基隆廟口麵線 + 香酥炸雲吞 + 蜂蜜檸檬加$10）$48， 再加一個小食大腸拼小腸$27。基隆廟口麵線 ～鹹香但不膩口， 還有豬大腸和貢丸， 兩者都好味。台灣肉燥麵～ 濃郁的肉燥， 配上Q彈的麵條， 味道唔錯。原味鍋貼～ 餡味香美， 煎得金香。大腸拼小腸～ 每次到台灣必到夜市吃大腸拼小腸，大腸包小腸是台灣一種小吃，俗稱台式熱狗，烤得剛剛好，配上酸菜， 提升了整體的味道。香酥炸雲吞～ 炸得香酥嘣脆， 一啖一口。冷泡桂花烏龍～ 茶味清香可口， 非常推介。蜂蜜檸檬～ 酸中帶甜，好好味呀！充滿台灣風味的八方台式麵屋， 價錢超值， 值得一試。