629雞蛋仔

營業中

休息中

呢一間雞蛋仔係幾年前開嘅時候已經一直幫襯，不過轉咗工之後就唔再近新蒲崗，但係每一次經過附近都一定會過嚟再懷緬一下。呢間舖頭係除咗好食之外，亦都係切切實實的良心小店，老闆定期每個月都會做義賣，然後都會捐錢去兒童癌症基金，亦都會張貼收據比大家睇到♥️ 喺香港開舖已經唔係一件容易嘅事，要考慮成本同交租，真係冇乜幾多個商人可以咁有良心，另外再回饋返社會。原味雞蛋仔 $19 你都唔會話太甜，有雞蛋香，軟身外面脆超勁厚格仔餅 $23勁好勁大份，每一次都可以兩個人食，老闆仲好好會幫你分開袋。

好好評嘅小店，所以我又試下，牌寫明要一個跟一個排隊唔可以order完俾咗錢走開，星期六下午茶時間人都幾多人，所以單都有啲亂，其實如果唔想俾錢買system ,建議自己整號碼牌，咁樣有系統好多，唔使只靠腦記，客人又要企定喺度等，最受歡迎係格仔餅，22蚊，我就要咗雞蛋仔18蚊，等大概10mins , 有牌寫明買咗要即刻食，我當然明白新鮮食係最好味啦！所以都立即除囗罩試，可能我太有期望，以為係超級高手會超級好味，所以有少少失望，咬落蛋味香嘅，不過唔夠脆囗😅，同我預期中有少少出入，同兩大連鎖雞蛋仔相比稍遜，而且周邊衛生環境都好麻麻😞，感覺唔太良好。

即叫即製新鮮雞蛋仔格仔餅佢唔算平但食得出用心製作的高質值得等值得俾多幾蚊去支持原味雞蛋仔 | $17蛋味香濃 外面超脆裡面餡料軟棉絕對係數一數二出色的雞蛋仔烏龍茶雞蛋仔 | $22喜歡茶味的朋友必試❗️極香濃的烏龍茶味 未食已經聞到食落味道更出 好出色🤩原味格仔餅 | $20係超級厚身的格仔餅😈 做得勁脆❗️配上牛油、花生醬、煉奶、砂糖配料份量剛好 甜度剛剛好唯獨係花生醬比較少唔夠香濃但畢竟都係味道上的襯托格仔餅本身才是精髓

原味雞蛋仔 $17雞蛋仔熱辣辣，拎到手會聞到陣陣蛋香🥚質感外脆內軟，外脆部份有啲似食緊蛋捲，內餡口感煙韌，似雞蛋糕🍰雖然聞到有蛋香，但食落冇想像中咁香蛋味🧐不過平心而論，629算係我暫時食過質感最好既雞蛋仔了👍🏻（其實我食過既雞蛋仔並唔多🤫）若蛋味更濃郁，就無敵了！💡仲有記得趁熱食呀！攤凍左外皮會變淋，口感層次就會冇咁豐富嫁啦😋排隊果陣聽街坊講格仔餅都好好食😍下次一於試埋格仔餅🤤

其實真係咁岩行過629就嗅到佢既香味今次冇人排隊可能我真係好好運得一個人做 多幾個人已經做唔切雖然我都有食過唔少雞蛋仔都係原味最好食同睇到師父有幾多技巧佢既雞蛋仔好得意 有小小咸咸地既感覺由完成都吹風都只係1分鍾 已經好脆 外脆內軟個心都多餡 唔似出面果D空心既下次試埋個格仔餅我見有人買都真係好大塊 比平時果D SIZE大一倍