Silver Mine Bake

營業中

休息中

聽講上環呢間麻糬波波好出名，作為一個麻糬控，點都要買返一袋試試佢啦，一袋6粒可以最多混合兩款口味，啱晒第一次買又想試多隻口味嘅人啊～✨原味麻糬波波表面有少少芝麻粒粒，一咬開就見到裡面比較實心，甜度剛剛好，煙韌Q彈～✨朱古力味麻糬波波呢到嘅朱古力味麻糬波波好特別，唔係平時嗰隻粒粒朱古力，而係裡面有少少溶咗嘅朱古力醬嘅感覺，係唔甜嘅黑朱古力味啊，推薦～

唔洗入到離島 而家好多地方都開設左呢間人氣梅窩麻糬王嘅分店😚已經回購過好多次 終於試齊晒全部味💕店員話下星期會出榴槤味 鍾意食嘅千祈唔好放過🧡.📌有餡mix $35/6麻糬波波口感唔錯 煙韌有咬口 外層帶點硬脆🥰但略嫌包體太薄 冇軟糯口感 餡料都唔算多 好空心🙈.1️⃣原味食落出奇地蛋味濃郁又香甜 再加入粒粒黑芝麻 更香口 個味有啲似芝麻蛋卷🖤.2️⃣肉鬆內餡係鹹鹹甜甜嘅肉鬆 好有咬口 同香甜原味包身嘅芝麻好夾🐷.3️⃣朱古力深啡外表唔係得個樣 內外都有朱古力粒粒 焗熱番半融 可可甘甜味幾濃郁 唔會好甜🍫.4️⃣芝士夾心係車打芝士片 但同包身好分離 食落甜味較重 芝士鹹香唔突出 感覺似係原味 再加啖芝士咁🧀️.5️⃣抹茶紅豆茶底夠苦澀 有茶香 但少左份回甘 味道偏似綠茶多過抹茶🍵紅豆蓉香甜綿滑 仲帶點原粒咬口🫘.6️⃣紫薯上環分店獨有口味✨紫薯餡綿密香滑 味道清甜 不過原本包身帶甜味 配合起嚟甜度相對較高 但呢款內餡同包體比例好好💜

早兩日見到有Foodie介紹，咁啱嗰日出開去中上環，一search見到間舖喺正正我去嘅地方附近，不得了，即日去買嚟試試❤️雖然地址寫中環，但喺港鐵上環站E1出口行過去近啲，只係往中環方向行一條街就到～本身我唔係澱粉質人，但我個仔勁鍾意食麵包，尤其是 #麻糬波波 ，我係因為佢鍾意食我先試，試完鍾意咗😂 買咗 #原味麻糬波波 $25/6個 同 #朱古力麻糬波波 $35/6個 ，一個個圓碌碌咁好可愛❤️ 質感非常煙靭，口感十足～ 個朱古力味好好食，個面同餡都有朱古力，唔太甜，味道剛好～ 下次出開去要再買！！