Greyhound Café (時代廣場)

營業中

休息中

原隻龍蝦冬蔭火鍋($328)，大大隻龍蝦，色澤鮮豔，肉質爽口彈牙，冬蔭功湯汁滲晒入隻龍蝦到，好惹味，湯底酸酸辣辣，個人覺得酸味較濃郁一d。香辣金不換和牛飯($158)，和牛粒粒都充滿油份，而且唔韌，金不換葉經過炸去處理，食落幾香口。泰式香燒原隻魷魚筒($138)，這隻魷魚筒不可不食，賣相燒得好靚唔會過燶，而且搽上左醬汁，入味之餘食落仲唔會咁乾身，店鋪仲提供一小碟辣醬汁，辣度的確幾強，我只能頭段挑戰一陣，後黎就冇再點醬，但確係幾刺激。炸魚配青芒果沙律($158)，這個菜式賣相幾特別，起初以為係乳豬仔，夾起見到底部有魚皮形狀先確定冇上錯菜，言歸正傳，魚炸得香脆，口感唔錯，但內裏都會有少少細魚骨，所以要小心食用。芒果千層蛋糕($78)，食飽飽當然要食返個甜品滿足一下，芒果新鮮清甜，蛋糕內餡好彭湃好滿，這蛋糕做法會比較漿一d黏口一d，第一次食這個質感，係另一種層次口感，我覺得唔錯。coconut shake($58)，奶昔口感，好軟滑解渴，椰子味濃郁，再配有椰肉，飲野之餘可以有少少咬口。

已經成年沒有去泰國，今晚和太太來這家位於時代廣場的泰國老字號過江龍Greyhound Café ，試一試這裡的泰菜水準。餐廳裝潢十分型格醒目，感覺摩登時尚，座位亦寬敞舒適，有不少卡座，十分適合慢慢邊食邊傾。餐廳泰菜選擇頗多，小食、沙律、主菜、咖哩、粉麵飯類、甜品各種各樣都有，不單有傳統經典的泰式食品，亦有不少新式泰菜，更有多種特色飲品。Coconut Shake/Thai Iced Milk Tea先點兩杯飲品解解渴，Coconut Shake一吸入口，頓然遍體生涼，暑氣全消，椰子味道清甜可喜，泰式奶茶十分正宗，富有獨特的茶香，同時腴而不膩，是夏日佳饌。炸魚配青芒果沙律前菜點了香港比較少見的青芒果沙律，青芒果味道比青木瓜甜，同時甜中帶酸，口感清爽，配上泰式沙律汁酸甜香辣，而炸魚是外脆內嫩，十分香口，兩者互相配撘，胃口大開。泰式香燒原隻魷魚筒原隻魷魚筒切件上枱，表面烤得香焦惹味，而魷魚肉質仍保持爽口彈牙，鮮味十足，蘸上一旁的泰式辣汁，更有酸辣提鮮的效果。原隻龍蝦冬蔭火鍋一上枱看見湯頭顏色就知道水準高，而原隻龍蝦厚肉彈牙，甘腴可口，先呷一口湯底，味道酸辣刺激但不嗆喉，檸檬葉、香茅、青檸、紅