爆丼屋 (已搬遷) 新店位置

生日正日去爆丼屋超正🎊2人同行就有生日優惠🎂仲要免左壽星加1服務費🥳我選了原隻龍蝦盛丼$238❤️友人選了六重相撲爆盛丼$198當初以為只免費最平的一個丼飯點知原來係壽星任選，所以免費了$238❤️勁開心🥳🥳🥳

爆丼屋都heat過一陣子，以前食閑閑哋都要排返個零兩個鐘，今次晚飯時間入場，雖然唔使排隊，但現場都坐咗八九成滿。原隻龍蝦盛丼$228上枱嘅時候真係嚇咗一下嚇，霸氣外型非常吸睛，實質龍蝦肉只有旁邊兩大塊，而且唔算十分鮮，反而中間嘅拖羅蓉同魚生碎仲正，整體未到難食，只不過視覺效果同食果下有少少落差😂😂北海豪勢丼$198反而呢個唔錯，丼飯包括有牡丹蝦、海膽、帆立貝、左口魚同大三文魚籽，做到爆丼效果之餘，每一種食材都好鮮。

由新開張到今時今日都有留意餐廳。但始終每次經過都好多人係門口等位7點都未到已經開始要攞飛。鋪位唔大，枱與枱之間緊貼著，入座都麻煩小小為左食都照排！每日限定: 原隻龍蝦盛丼好壯觀，真係原隻龍蝦上上面有吞拿魚溶，三文魚刺身。起筷喇，要搬起哂d餸先食到d飯，夾起個龍蝦，原來係個裝飾來架，d肉已拆出來方便食。炙燒龍蝦肉上面再加左d芝工再一啖飯一啖魚生食下食下就見底喇。若果可以多小小刺身，少d吞拿魚溶會好d每個飯都配有味噌湯架，唔怕食到口乾乾

前兩日同朋友食飯，朋友book左呢間試下，入去睇餐牌都覺得好好食，兩個人叫左兩個餐，第一個系爆盛慢燒牛肉丼是此店的招牌飯，首先是滿滿的鮮嫩牛肉，牛肉的量多到驚人，吃的時候還要小心D將牛肉分開兩份先得，否則隨時可能令牛肉滑出碗。當然啦，量永遠唔夠質吸引人，牛肉D熟嫩度恰到好處，你可以好明顯見到牛肉唔系燒得太熟，入口感覺好爽口。加上店內的獨特醬汁，唔會比口感過膩。如此分量足夠的牛肉飯，食客們簡直是欲罷不能。另一份系原隻龍蝦盛丼。如圖所見，真系成隻龍蝦擺響上面！單單是視覺上的衝擊感就已經好震撼啦！而且店家仲好細心，將龍蝦肉都剔除出來，方便食客。配合龍蝦肉送飯，簡直系尚級享受。蝦肉的鮮美度都好正，Q彈爽滑，好有嚼勁。其次可以根據個人口感，試下芥辣，都系唔錯的選擇。

嘩!每天限量的龍蝦盛丼📸📸📸📸📸📸📸 店員提示~蝦頭d內臟勿食(細看，內裡已清左d內臟)，原來蝦尾(是殼)，蝦肉已在飯中好多吞拿魚蓉，三文魚粒厚切，醬汁滿滿魚生新鲜，蝦肉爽口(但龍蝦肉很小)三色海膽丼嘩!滿佈金黄色海膽(好靚)韓國紫海膽(好creamy)加拿大海膽(肉厚)北海道海膽(好甜)其實3款海膽都好甜(好味)入左口~分唔出那款甜d~3款海膽，入口即溶，好正!湯(清清地)令人回味的晚餐