唐記包點 (港鐵青衣站)

營業中

休息中

唐記包點總有一間係左近今次出完街諗住買返個晚餐返家食行經唐記包點決定買些蒸飯、點心、蒸包返家做晚餐可能都開始晏了，好多包點都已賣清，呢間唐記平時都好多人會買早餐、午餐，常常會見到排曬長龍先排隊比錢再等叫號碼，好快便買了一袋外賣回家了今次買了兩個包，一個叉燒包，好大個比起係酒樓吃的。又多汁又多餡，好好味另一款買了蕃薯包，見比較少見，所以便買來試試呢個包比較飽肚，因為蕃薯本身都飽飽的，但味道唔錯，甜甜的買了三款點心，有我最愛的春蛋燒賣，呢款點心好多酒樓都冇得賣了，呢度仲可以食到，而且味道不錯的。燒賣啖啖肉又惹味，好彈牙。另外鮮竹卷有3條，好多汁，好味雞札大大件，入面有豬肚、雞、棉花、好好味，而且腐皮都做到好入面，好正我們仲點了一個蒸飯，章魚肉餅飯白飯份量不少，而且肉餅混入了章魚，好惹味及有咬口，肉餅一向都用來送飯一流，唔錯唔錯。近近地又可以買到點心外賣返家吃，正。

雖然天氣開始變得和暖，但無減我買凍包返屋企加熱的喜好！行街經過見到有黑麻蓉包，久久未試便決定買一個，再加一個叉燒包做早餐。點知翻蒸之後，個包超大個！個宜家家私碗我平時用來裝麵同湯的，都叫做大個，但個麻蓉包直徑竟然同個碗差不多！好大個喔！包身Q彈，餡料唔會好甜，但略嫌芝麻唔夠乾身同幼滑，好甜的我希望再甜啲，同埋似湯丸隻餡就最好啦！叉燒包則保持一貫好品質，餡料多，有汁有肉，唔會只是多汁多肥膏，繼續是我必買之選！一鹹一甜好滿足😊

平時早餐起身鍾意食啲熱野 又趕時間返學 買個蒸包食就岩曬今次唐記包點新既紅豆包 真係有驚喜呢！紅豆包連包皮都有粒粒紅豆！紅豆味都幾重，餡就係混合紅豆蓉同紅豆粒 甜度比芋頭包高 但因為配住無乜味既饅頭 食落甜度都可以接受 喜歡甜蜜滋味的人會覺得不錯！食叉燒包最怕勁多肥膏或者醬太咸，但唐記包點真的做得不錯！叉燒包好食呢！叉燒頗多的又不會好肥 大部分都是瘦肉 而且醬汁甜甜地 吾會過咸！用皮薄餡多來形容正正適合你愛吃奶皇包嗎？我就不嬲都鍾意食一啲奶味重蛋味香嘅包包，依家唐記嘅奶皇包，皮轉左黃色 唔知會唔會好食左呢？奶皇包食落味道麻麻地，只係奶味嘅吉士醬，無咩蛋香，質感吾滑！不過呢個價錢都唔可以奢求啲乜嘢，朝早食個暖粒粒嘅包係唔錯嘅～但就唔係好推薦奶皇包⋯唐記新出的素菜包，好有驚喜呢！素菜包估吾到佢超足料呢！入面有粉葛、椰菜、香菇、木耳等，包混合紅蘿蔔絲 顏色靚仔啲之餘，仲添加更多蔬菜纖維！饅頭依舊鬆軟綿密！呢個價錢呢個質素 真係值得食芋頭包呢個係甜包入面我最愛，芋頭餡實在，感覺天然，甜度適中！香氣撲鼻既芋泥味，熱辣辣食真係無得頂！