竺扶大班燒味

營業中

休息中

👨🏻‍🍳竺扶大班燒味 (灣仔)📍灣仔三角街2-3號華欣閣地下3號舖 暫時食過最好食既燒味飯🥲Lunch time好多人🙈不過都好快有位❤️ 🍽️叉燒燒鵝飯主動問你要吾要半肥瘦叉燒😻勁好😻脂油不榎，有小小入口即溶既感覺，吾算太燶😻😻古井燒鵝🥲好香好甜既燻味、肥美不膩🥲同普通燒味店既燻法不同，有D似太興燒鵝個種味，吾識形容🙈總之 讚🫶🏻 🍽️燒鵝五寶飯叉燒、古井燒鵝、玫瑰紅腸、燒腩仔、咸蛋一樣咁讚🤤燒腩仔配蜜糖芥末，原來幾夾😝 豉油另上的😻可以叫員工拎比你🙈❤️

今日經過灣仔想搵個地方食午餐，然後朋友介紹咗呢間俾我，去到門口都等咗大約15至20分鐘先有得入去，不過可能午餐時間同其他人搭枱都有少少迫。坐低咗之後叫咗個叉燒燒鵝飯同凍奶茶，個店員仲好細心問我叉燒要唔要半肥瘦，等咗差唔多1分鐘之後所有嘢都到齊，叉燒同燒鵝份量同味道都OK，整體成個飯都係好食嘅，唯獨係個飯冇乜汁有少少乾。最令我有驚喜，竟然係杯凍奶茶。以加$7嘅價錢黎講完全係超水準。個茶底飲落濃度啱啱好唔會偏淡，加上落奶嘅比例都控制得好好，同一般茶餐廳提供嘅凍奶茶完全係兩個級數，建議去食嘅朋友一定要試吓！😋

食竺扶大班燒味前，以為冇咩人等位啦，點知lunch時間原來好受街坊或白領歡迎，就算位於係街市中，都源源不絕地有食客拎飛等位😂可見餐廳一定有其魅力之處！叉燒同燒鵝色澤相當吸引，個人覺得燒鵝好食啲，皮脆肉嫩，仲要係燒鵝髀肉，正。值得一提既係，店內酸梅醬係自行添加，酸味會較甜味多，色澤上偏黃，有別於平時見到紅橙色的酸梅醬。用尼"送"飯一流～跟餐加$7有凍飲，加$6就有日日不同款的靚湯飲。Btw仲有店員黃色T-shirt制服非常搶眼吸睛，好有香港特式，見過你就知🤣🤣🤣

聽同事介紹呢間燒味，個個都讚好食。又等我黎會一會佢先！ 今次揀左12:00中午時段黎，店舖位置都幾易搵，而且幾突出！ 正因店舖四周係街市，佢裝修新穎同光猛，好容易一眼就睇到。呢個時段黎到唔係好多人，仲有一半空位，店內裝修同其他食評所講一樣，是擺脫左一貫對燒味店嘅老舊，地板油淋淋嘅感覺留意到每枱食客都食緊叉燒，又等我試試先！ 我揀左個叉燒+燒鵝飯 $58一大碗，飯量十足叉燒：半肥瘦+燶邊， 食落一啲都唔肥膩，肉質淋淋地而且有咬口，唔會燒到好乾一條柴咁🤤有d 食評會話佢太燶，我望落又無咁嘅事，覺得岩岩好，又鍾意佢夠甜！燒鵝： 皮脆肉嫩！我食嘅位置剛好肉，骨各半，有少少肥膏，食落好香炭燒味，又無一陣騷味而酸梅醬，好傑身，唔係稀林林，酸甜剛好白飯+燒汁：不得不讚埋，佢嘅飯係粒粒分明，有咬口，好有口感，加埋燒汁一流，唔會太淋身！ 仲有個燒汁，一啲都唔肥膩，唔會見到係油淹咁款，同埋係好清澈（見唔到有渣滓）顏色淡淡，但味道一啲都唔淡！再試埋冰燒鳳凰雞飯+ 辣汁 ($52)係雞扒黎，而唔係燒味雞第一次見燒味舖用雞扒， 感覺幾新鮮可惜，略嫌有d 硬同乾身而辣汁，辣中帶酸，有少少泰式風味，十分惹味開胃每日