傷心酸辣粉 (砵蘭街)

營業中

休息中

好耐無食過傷心酸辣粉 今次黎到令我好有驚喜 因為除左麵類 仲有好多唔同種類既小食 所以叫左好幾款黎試 真係好似食緊川菜👍🏻👍🏻其中我覺得最好味係地獄雞翼 雖然黎到個樣好似好辣 但係佢係我字典裡面係屬於中小辣 唔係真係辣到噴火既地獄 好惹味 雞肉好嫩滑 推薦❤️另外涼拌茄子以為係冷盤 但係食落係熱既 我地問店員係咪黎錯左 店員話因為茄子整完要拎去炸 所以係熱食黎既😂好攪笑 但係味道係似串燒燒完既茄子甘 「林林地」有少少麻辣 正～口水雞套餐係跟米線或者薯粉 我地揀左米線 好喜歡米線既麻辣湯底 少麻少辣 剛剛好 口水雞好滑 正常麻辣程度 食到少少辣既都可以試下～因為之前既小食實在太出色 相對地涼拌鳳爪比較普通 另外手撕包菜都係好出色既小食 炒得好有穫氣 食菜有麻辣 好香好好味👍🏻今次食傷心酸辣粉改變左平時對佢既印象 原來唔食粉麵都有好多唔同選擇 如果夜晚想食川菜 我都會推薦傷心酸辣粉❤️

都有好耐冇食過傷心酸辣粉了今日突然好想食，所以決定去試下叫咗個2人餐跟有4個小食同酸辣粉2碗另外單點咗酸菜魚$138不跟不講真係退步咗好多，無以前咁好食叫咗中辣，但一d都唔辣。。紅油肚絲，中規中矩，唔錯口水雞正配埋啲花生好脆，清曬，中意嘅可以散叫一碗(膠兜)$10份量十足，正常花枝丸即叫即炸，熱辣辣，彈牙咁多種小食都無令我失望，保持到水準，係唔錯。酸菜魚 中辣份量足，都幾多酸菜魚肉滑，有水晶粉係底總括嚟講都唔錯，但招牌菜傷心酸辣粉卻有點失色！

朗晴坊有好多野食，今次去左食1樓的傷心酸辣粉。叫左個口水雞同豬耳、海蜇配小寬麵，個主食黎左成15-20分鐘後，個麵先至黎，但份量都較少，有d失望係個湯低不太夠熱。口水雞雖然不夠入味，但海蜇和豬耳都夠入味呢！

其實我不嬲去開傷心酸辣粉食中辣嘅，不過今次去食俾隔離枱笑我食吾食到咁辣咪鬼食la串我。不過酸辣粉一到我面前，我一邊食一邊飲湯，仲係以前嗰個味道無變過，紅薯粉好彈牙，我最鍾意就係佢啲酸菜同肉碎。我哋仲叫咗口水雞黎食

身為學生哥既我，又唔想日日食頹M記，唯有呢到去下個到去下，務求搵到一間抵食又飽肚架啦。無意之中比我搵到呢間野！呢間野主打既係酸辣粉，聽個名好似好辣咁，但係店主好貼心，將湯底分為幾個辣度，唔食辣既人都可以試到佢種麻味，正呀食個陣咁岩係星期一至五既下午茶時間，只係一至五先有架炸！口水雞餐 包一碗酸辣粉 連杯野飲，都只係＄40炸