湘肴世家

營業中

休息中

湘餚世家餐廳係正彌敦道,都幾就腳,而且仲係我最中意既辣野,但因為要上一層樓梯先到,懶人如我就一直都無去。今日終於的起心肝跟同樣嗜辣既老豆去食喇.食湘菜當然必食口水雞,平時食開既地方都有一層芝麻舖係面,依度無,取而代之既係辣椒溶.濕濕地,顏色比蒜溶深,磨得比蒜溶細,大概只係中小辣程度。整體沖汁料只有辣味,有啲寡雞係主角,又就係致命傷.雞本身無乜味,雞肉應該無醃過,咁都正常既.最大問題係雞肉相當梅,絕大部分餐廳都用冰鮮雞,都有相同問題,其實如果唔特別嚴重都唔會專登提起.鴛鴦魚頭係將魚頭左右切半,2邊既煮法係一樣既,最後再係各自灑上唔同既配料,分別係紅/綠辣椒,侍應介紹果陣話紅辣椒果邊係純辣,綠辣椒果邊既酸辣,可能因為食咗紅色,即係濃味果邊先,再食綠色果邊時又唔覺酸辣喎,紅色綠色其實味道差別不大,辣度比口水雞再輕一啲,所以仲食到魚既味道。依種水庫鯇魚都幾滑喎,唔錯.豬手煮到林曬,夾上筷子有啲甩皮甩骨,我比較中意好咬口既豬手,依種質感應該較適合老人家喇,而且完全唔辣.男侍應非常勤力,一個人走全場,相反幾個女侍應成日圍埋傾計唔望枱,搞到叫餸,酙水,擺餐牌都要搵男侍應,真係唔係咁好意思.

朋友介紹嘅湘菜館，一入到房就有砂糖桔食，應節得黎又十分細心。環境幾好，有獨立房，成班人幾嘈都得，冷氣又好夠，食到成身熱辣辣個時咁岩可以散下熱！我地一黎就點左幾個餸，我地一行八人個個都食到讚不絕口，辣道岩岩好，對我一個本身吾係太食得辣嘅人黎講 叫小辣 就啱啱好。原本都幾十分擔心水煮牛 水煮魚 香芋地瓜圓依d要油炸、滾油。依家出面好多地方都用萬年油，次次食親地瓜圓見到外皮深啡色都好擔心，但依到嘅地瓜圓外皮金黃色，食落冇油益味，睇到都十分放心。水晶粉係勁辣推介，第一啖食落去以為冇野，之後個幾啖勁辣嘅香味慢慢係個口到滲出黎紅燒肉雖然都係辣，不過食到一半個口已經超辣個時食返少少腩肉個感覺中和咗其他野食嘅辣味絕對值得再黎，今次係同朋友來食，下次必定帶同親朋戚友光臨。