湯。雞

營業中

休息中

位於葵涌廣場頂樓。今天行完街，想坐低好好休息一下，見到餐廳門口雖然細細，但入面應該起碼有二十幾位，都算坐得舒舒服服。坐下看一看餐牌，可選擇種類算做幾多，但就沒有午餐或晚餐之分，相信全日都只有一個餐牌。有點選擇困難，餐牌設計上有待改善，由其是我屬於一個懶人，行到累累地，真係只想選ABC餐就算😛。講到食物質素，都算對得起個價錢，食雞有雞味。叫了口水雞飯，有藥膳湯送，湯非常非常之濃味，喜歡與否我相信係見仁見智。另外叫了醉三寶，牛舌最唔出色，雖然好厚，但好可惜沒有味道，果然呢間餐廳都係做雞最出色。

去親葵芳都一定去葵涌廣場食， 今次經過見到呢間 #湯。雞， 餐牌同價錢都好吸引，又咁啱有位... 咁就飄左入去啦～ 口水雞跟淮山麵 - 雞算嫩， 唔係好麻， 辣度都還好，不過食食下個香辣味都足夠。 跟配個碗雞湯淮山麵就真係正到爆！ 麵彈牙， 入味，軟硬度剛剛好。醉雞藥膳養生麵 - 原來佢地醉雞用陳年花雕就再跟自己調配的桂花蜜去醃， 確實好入味， 雖則夠味但唔搶本身雞嘅味道。 藥膳湯好鮮甜， 麵香彈牙另外小食醉鴨舌 👍 夠入味！ 一定會再返黎幫襯！

之前去過一次葵廣，記得有好多嘢睇買同食今日咁啱又係附近整完結婚嘅嘢大概六點左右，就諗住不如去望下，睇下有咩特別嘢食，由第一層開始行，行到3樓就開始肚餓本身諗住食地下個間鹽水雞，其實大部分人都係就咁買完企附近食，不過K話係街企喺度食都好似唔係幾好住，因為葵廣都多人，咁啱我地行過見到jollibee，本身諗住坐低食算，不過見到隔離有間店望落都幾吸引望一望餐牌竟然有我最鍾意嘅花膠雞湯 K不嬲都好鐘意食口水雞，所以我地就決定試下因為我介緊碳水所以淨係飲湯同埋食咗幾件雞，K就叫咗飯同埋Fanta 口水雞辣得嚟好香好好食，老闆話係廚房入面自己炒㗎，唔係出面買一樽樽開好個d唔知係咪食完口水雞， 個湯飲落就唔係好夠咸，不過都好好味有兩大舊花膠，仲有魚唇，魚翅，同埋細細粒嘅金華火腿