銘興山西刀削麵 (大同新邨) (已搬遷) 新店位置

之前多數都叫花雕醉雞刀削麵，今次就試吓口水雞刀削麵。今日嚟到係外賣自取，估唔到落完單唔使10分鐘就有得攞。叫咗個口水雞刀削麵，再加一杯凍檸茶，外賣有九折，總共係$57。刀削麵麵粉有少少彈性，配埋個湯清清地，幾好食。重點係個雞，之前叫佢花雕雞都係大大碟，今次叫口水雞都唔例外，一樣係大大碟，一個人未必食得晒。個人覺得口水雞嘅味道，唔算太好食，好似唔係太辣，味道一般，都係花雕醉雞好食d。凍檸茶正正常常，啲茶唔會澀，檸檬都幾多。

朋友話佢屋企附近新開左一間刀削麵，因為朋友好想食所以我地就去食，呢度地方大又乾淨，店員仲好有禮貌添呢到啲刀削麵碗碗都好大碗，有湯麵、冷麵、麻辣刀削麵任你揀，呢到啲刀削麵每日手製，即叫即做。枱上仲有一樽好大樽既開胃醃蘿蔔🤩，切到大大舊，勁爽脆，仲可以買走，有3個不同size，細盒 $15，中盒 $35，大盒 $55，抵食夾大盒 (我地買咗一盒大及一盒中帶走🤭)特色冷刀削麵 $52青瓜絲🥒、擔擔醬(少少辣🌶)、沙律醬、牛肉絲、雞蛋🥚刀削麵每一條都切得好均勻，彈牙厚實，食到好lamlam脷。呢碗係冷麵，有好多配料撈埋一齊噌食，少少辣，辣得黎仲好惹味，令你胃口大增。口水雞刀削麵 $55雞肉夠嫩滑，仲辣辣地，食得🌶辣既朋友真係啱哂，個湯夠哂味，熱食刀削麵，麵質厚實，夠哂咬口，仲好好味🌶涼拌皮蛋 $20刺激你既胃口，個辣汁伴皮蛋，好正🌶涼拌青瓜 $20又抵食又大碟，又爽又脆既青瓜🥒，辣得黎夠惹味，個辣油汁仲好正，開胃小食阿華田脆脆🍫 跟餐 +$8 x2香濃既華田味，仲有華田脆脆，甜甜地，好好飲凍利賓納🍇 $17凍柚子蜜🍊 $17

話說今日去開朋友係大角咀既studio，見都差唔多食飯時間，諗住早d去搵間餐廳食起碼有位坐。行到埃華街見到黎間銘興山西刀削麵似係新開，裏面裝修都幾新下，所以同朋友入左去試下。一坐低已經見到枱面有一大甖醃蘿蔔，仲要係自己任攞任食，二話不說即刻畢咗黎試先睇餐牌。個味道都唔錯，唔會醃得太酸，少少甜食落好開胃。一開始梗係試吓啲小食先啦，今次都叫得幾多，事關我都幾喜歡食麻辣嘢，首先我哋嗌左個麻辣皮蛋，佢唔似坊間嘅皮蛋辣辣地，反而蒜蓉加埋個醋汁，食落都唔錯。而牛展切得好薄身，好適合一啖一塊，加埋上邊少少嘅蒜泥，一齊咁食又係另一種刺激。口水雞非常嫩滑，一啲都唔鞋口，而個麻辣汁都好野味，令到人越食越想食。終於嚟到主菜啦，朋友叫咗個墨魚丸湯刀削麵，墨魚丸唔係話太大驚喜，但食落都唔會好粉。反而個刀削麵麵底就非常唔錯，食得出個面本身係新鮮整，非常有咬口。我自己就叫咗個麻辣金錢肚冷刀削麵，個面一上枱個份量有少少俾佢嚇親，淨係見佢面上比嘅配料已經知道呢個面唔簡單，夾起少少面睇啲汁係底分開咗兩邊，望落估計係啲麻辣紅油加埋日本芝麻醬，再撈埋上邊嘅麻辣肉碎同埋金錢肚，簡直係一啖一滿足。