老厝邊

營業中

休息中

作為一個芋泥fans，我一直都好想試吓依間嘅芋泥蛋餅☺️今日終於捉咗阿爸阿媽同我去食🥰🧡超濃芋泥蛋餅🧡💵$38係我期待咗好耐嘅蛋餅啊～除咗芋泥仲有啲拉絲嘅芝士同肉鬆，好吸引😍芋泥好綿密，都幾香芋頭味😋加埋隻又鹹又甜嘅豉油真係幾有台灣風味😍💛塔香鹹酥雞💛💵$38呢個鹹酥雞真係炸得超！級！香！脆！炸衣係真係用台灣嗰種木薯粉炸漿，再加啲椒鹽，勁惹味😍不過都有少少過鹹嘅～裡面啲雞肉都好juicy～推薦🥰🤎古早味滷排骨便當🤎💵$62依一個便當真係幾抵食，有大大塊滷排骨同飯、半隻滷水蛋、一小碟麻婆豆腐同埋一小碟椰菜😍個滷排骨仲要煎好俾你方便啲食～不過我唔算好鍾意依隻滷水汁味🤭但係CP值係高嘅～💜紅燒牛三寶麵💜💵$78牛三寶即係有齊牛肉、牛肚同牛筋☺️佢一碗嘅份量都好多，牛筋好冧好入味😍，牛肉同牛肚都唔錯～不過我覺得佢個湯底牛味唔濃，雖然顔色好濃咁，但係有種偏向味精嘅感覺🙈💚滷肉飯（小）💚💵$30依個滷肉飯嘅味道比我想像中好🥰滷肉係切碎嘅腩肉，油香感十足😋加上滷水汁嘅味道啱啱好，鹹中帶甜～🤍綿密芋頭鮮奶🤍💵$30依個芋頭鮮奶都係好多人推薦嘅item嚟～雖然佢嘅芋泥都好香好濃，但係真係幾甜下🤭我覺得有其他

幫襯嗰日並不是平日，所以冇餐，只有散叫，但冇所謂啦。古早味滷排骨便當（$62）、酥炸排骨便當（$60）開頭以為滷排骨，即係炆煮形式，但原來都係炸嘅，2蚊嘅分別就係塊豬扒炸完再浸落啲滷汁度（講真覺得有少少中伏嘅，但唔可以怪店家，只係自己先入為主，自以為是啫）。講番塊豬扒，超大塊，應該係即炸，炸得亦都唔錯，外皮好脆，唔會油𣺉𣺉，可惜塊豬扒嘅肉質就比較一般，但整體都OK嘅。便當包兩款配菜（粉絲、娃娃菜）、蛋、涼菜（微辣芽菜），都幾豐富，絕對夠飽（本來諗緊叫唔叫蛋餅，好在冇嗌啫）。珍珠苿莉奶綠（$24）、蜂蜜檸檬愛玉（$22）預計之內的正常味道。

前排約咗閨蜜撐枱腳、傾計談心😜 我哋當日係星期一晚大約7:30pm左右嚟到，竟然好好彩地門口泊到個錶位，仲要直入餐廳唔洗等位，Lucky!! 👏👏👏 眼闊肚窄嘅兩個女仔，今餐叫咗勁多嘢食！---------------------------👉 古早味滷排骨便當 ($62)份量超多，排骨勁大塊！相信一個好大食嘅男人都會夠飽😂 排骨嘅口感同味道好特別，外層就炸得非常酥脆、內層排骨就鮮嫩多汁而且滷水味香濃，暫時係我食過最好味嘅台式排骨。而白飯係用上珍珠米，不過就唔算好有飯香。.👉 大腸麵線 (小) ($30)超正！蒜香味濃、帶有少許濃稠口感，勁有台灣風味！而且大腸亦唔會過肥，份量都適中，大約有5-6舊。小碗嘅份量，岩晒一般女仔嘅食量。.👉 滷肉飯 (小) ($30)滷肉肥瘦適中，而且滷肉粒大小亦剛剛好。.👉 塔香鹹酥雞 ($38)炸得非常酥脆，炸粉唔會太厚，雞粒大小適中，油炸過後仍然保留到雞肉嫩滑多汁，而且帶有淡淡嘅塔香，唔錯唔錯。.👉 超濃芋泥蛋餅 ($38)本身對芋泥冇太大喜好，不過今次朋友揀嘅蛋餅真心幾好味，味道非常近似喺台灣食到嘅味道，有滿滿嘅芋泥、唔會太甜，而且芝士餡料有拉絲效果

門面花綠，推開薄荷綠框的門，內裡水泥牆設計，像極弄堂，最盡頭就像台灣地道食店的門面，環境先帶我入「老厝邊」(鄰居)台灣。毫不猶豫點了排骨便當及蛋餅，食材配搭使我會心微笑，是「老厝邊」的用心，把我的味蕾短暫帶回思念的台灣古早味。-#古早味滷排骨便當 $62兩大塊滷排骨酥香味撲鼻，稍黏的薄薯粉包裹肉排，此皮有點像在台吃的蚵仔煎外皮，但最外層經炸過。一口而入，同時嚐到外面脆甜與內在嫩軟，肉滋味、沒有滷得過鹹，是為大滿足。伴碟有炒嫩菜心、翠玉瓜及紅蘿蔔、酸漬金針菇，想必是「老厝邊」貼心考量了我們的蔬菜攝取量。還有兩小塊菜脯煎蛋喔，像極在台吃過的、飯菜滿到溢的便當。整體份量多，男生也能吃得飽飽。-#起司肉鬆蛋餅 $35台式蛋餅做法不一，這裡的外脆內微煙韌，蛋味在舌上微微漾開。夾一卷，肉鬆或慵懶散開，或緊黏白芝士，料沒有澎湃，但量剛好，再抹一下台式微辣醬更為美味，就「醬」，我又想起去年在台早餐店吃過的蛋餅。台灣啊，何時再可親親你?-

大角咀近來都開咗啲台灣嘢，食唔到「那個」，都有第二間揀呀，不過呢間一樣分分鐘爆場，點都要等吓位㗎喇好彩我地排第一啫，好快有位一嚟食啲小食先，鹽酥雞炸得好乾爽，一啲都唔油呢個唔係普通嘅蛋餅，而係爆芋泥餡嘅蛋餅，同芝士一甜一鹹，一唱一和完美交搭午市加$10就有嘢飲，仲可以任揀甜度同冰量雞髀滷得好腍，好易就將骨肉分離，證明有幾嫩鐵觀音沖出嚟嘅奶茶，別有一番台味牛肉麵點可以唔食呢？麵俾湯入晒味，依然彈牙牛肉仲厚過大胃嘅面皮呀，但都好軟滑古早味排骨都係炸得好爽身脆卜卜，而且便當有大量不同惹味嘅蔬菜，又健康又滿足