老厝邊

營業中

休息中

幫襯嗰日並不是平日，所以冇餐，只有散叫，但冇所謂啦。古早味滷排骨便當（$62）、酥炸排骨便當（$60）開頭以為滷排骨，即係炆煮形式，但原來都係炸嘅，2蚊嘅分別就係塊豬扒炸完再浸落啲滷汁度（講真覺得有少少中伏嘅，但唔可以怪店家，只係自己先入為主，自以為是啫）。講番塊豬扒，超大塊，應該係即炸，炸得亦都唔錯，外皮好脆，唔會油𣺉𣺉，可惜塊豬扒嘅肉質就比較一般，但整體都OK嘅。便當包兩款配菜（粉絲、娃娃菜）、蛋、涼菜（微辣芽菜），都幾豐富，絕對夠飽（本來諗緊叫唔叫蛋餅，好在冇嗌啫）。珍珠苿莉奶綠（$24）、蜂蜜檸檬愛玉（$22）預計之內的正常味道。