古早味休閒台灣 (已結業)

🧆古早味牛肉牛筋麵濃厚嘅湯底 好有牛肉味試真啲仲有少少藥材味甜甜地 好飲！估唔到一碗下午茶湯麵配料可以咁豐富厚切牛𦟌加埋牛筋😋煮得恰到好處唔會太淋 保持彈性加埋彈牙嘅刀削麵估唔到咁嘅價錢 有咁好嘅水準小編仲回味中😋如果加多少少辣辣地就💯🧆酥炸大雞扒肉厚多汁嘅雞扒炸到外表金黃熱辣辣上碟好香口邊邊都炸到好脆但略嫌炸粉太厚.🧆檸檬冬瓜愛玉飲品.....+$4(跟餐補差價)少甜 但都太甜了但愛玉係唔甜又冇味🥺仲有一層硬左嘅啫喱🥺🥺.🧆蜂蜜檸檬綠茶.............+$2(跟餐補差價)本來諗住加埋仙草🙈但落單人唔記得左令到有少少失望

是晚拍拖去麥花臣睇周國賢演唱會，所以收工之後就快快脆係附近食個晚飯，男朋友就揀左食台灣野，search openrice睇呢間古早味都幾多好評喎，一於去try try啦。古早味牛肉牛筋麵牛肉牛筋份量都算幾多，燘得好淋好入味，寬條麵口感似手打烏龍麵咁，有咬口！古早味湯底係甜版的紅燒牛肉麵湯底，個人就覺得味道一般般。涼拌蘆筍嫩蘆筍配上芝麻醬，簡簡單單，開胃小菜。五味雞睇menu見到有個菜叫五味雞，好奇之下叫左泥食，點知中哂伏！初頭諗五味雞ge味道係點ge呢？原來係一碟冇味ge雞，配5種醬料，其中中間ge wasabi味真係好難食，完全唔match，諗起都想嘔！養生雞湯2人份量大大碗的養生雞湯，用料十足，不過唔知係米個湯落得太多蒜頭和人參，入口偏苦，唔係個個都岩飲，我就覺得可以接受，感覺真係好養生，但男朋友就表示太苦，飲左幾啖就放棄。呢到係要收加一服務費，但就感覺員工服務態度比較懶散，有待改善啦。

週日難得和家姊有空出外，去年年尾才到台灣旅遊的她不時喊着掛念那時光和當地美食，於是她提議在這間餐廳吃午飯後再購物。午市套餐除了主食還包括了三款前菜及一杯價值 $16 或以下的飲品。每個套餐可以半價加點小食。我們各自都要了碗古早牛肉牛筋麵 （$68），另外加點了一客酥炸鹽酥雞（$19）。前菜有竹筍、中華沙律及海蟄。牛肉麵不論份量大小都很慷慨，每件牛肉和牛筋都煮得恰好，味美嫩滑。牛肉片近似牛展，厚身卻不韌。麵條像刀削麵，清淡質地滑溜軟身，可以再黏韌和香口點，不過還是適合跟帶山藥味的湯底一起吃的。鹽酥雞炸得夠乾身不油膩，調味不會過鹹，反而甜味較突出，吃完也不會太上火。若果炸得再香脆則更佳。飲品方面，我們點了杯無糖冷高山紅茶和炭燒烏龍，其中紅茶帶點花香解膩。這頓台灣菜總算暫時滿足了家姊的癮，牛肉麵是不錯的，按價錢份量和質素說是可以一試。

之前食過鑼鑼灣嘅古早味午市套餐，覺得頗為實惠，最近旺角都開咗分店，當然要去捧下場。喺先達望過對面馬路，已經見到大大個古早味招牌，呢個位置嘅交通真係好便利。轉入女人街，就會見到古早味嘅外賣部，主打飽類和甜品，陳列非常吸引。外賣部旁邊就有樓梯上去用餐區，牆壁是很有特色的手繪畫。Lunch Set $50左右就有交易喇，仲跟埋飲品同小食，真係幾抵。奶蓋烏龍茶：跟餐+$7，茶味清新中帶點微甘，奶蓋帶點芝士味，幾好。奶蓋紅茶：跟餐+$7，紅茶甜甜地，撈埋奶蓋一齊飲，可以當係餐前甜品。古早味牛肉牛筋麵 $68上菜傳來陣陣的牛肉湯香氣，跟餐小食有3款，有木耳，中華沙律同埋酥炸蝦。牛𦟌厚切，非常入味，燜到香腍；牛筋亦相當出色，入口軟滑，唔錯！古早滷肉蛋包飯 $55份量十足，跟3款小食同埋海帶豆腐湯，海帶湯很清新。古早滷肉的味道非常濃郁，細心留意材料，會發現古早滷肉除咗有腩肉粒之外，仲有豬軟骨同埋豬大腸，唔怪得味道同口感都咁豐富！而飯有用蛋、甘筍粒、粟米粒同埋青豆炒過，淨食或撈埋滷肉食都唔錯。兩個人lunch埋單100頭，非常抵食！