影片
更多
2024-03-27
831 瀏覽
🏮就嚟富妹生日，生日咁大件事，梗係要慶祝吓啦！富妹成日投訴熊妹成日食西餐，🆗，生日同富妹再食好啲，揀間日本居酒屋，日本菜仲唔夠高級？📌要近富妹屋企附近，就當然喺九龍城搵食。去到打鼓嶺道，見到有間日本居酒屋《禮》，望入去櫥窗，擺滿咗好多個唔同大細，唔同款式的招財貓🐱，咁日本風情就呢間喇！📌店舖唔算好大，有四至五張四人枱，仲有二人枱同埋門口bar枱位，用上木枱木椅，天花板上吊起幾個日式居酒屋燈籠，牆上有個木架，放滿了一些日式擺設🎎同sake杯🍶，呢個杯架真係好吸睛，餐廳仲不停播放住日文歌🎶，成件事就係居酒屋的格局！📌居酒屋初期原本是讓上班族過來飲酒輕鬆一下，後期引入了各款日式菜式，以串燒、佐酒小食為主，與友人把酒歡談的同時，又可以品嚐佳餚，「一啖串燒一啖酒」，正正就是居酒屋引人入勝的地方。📌除了串燒之外，《禮》居酒屋仲有好多日式食品，例如前菜小食、沙律、他他、炸物、燒物、烏冬、丼飯、日式甜品等等，再配合返香港人近期熱愛燒牛舌同炸雞，仲推出咗一連串嘅牛舌款式同埋炸雞口味，所以話係居酒屋又有得食又有得暢飲，真係一個有氣氛又輕鬆的餐飲地方。📌《禮》仲推出咗個9️⃣大排行榜，即係招牌菜式啦，熊妹同富妹
🏮就嚟富妹生日，生日咁大件事，梗係要慶祝吓啦！富妹成日投訴熊妹成日食西餐，🆗，生日同富妹再食好啲，揀間日本居酒屋，日本菜仲唔夠高級？
📌要近富妹屋企附近，就當然喺九龍城搵食。去到打鼓嶺道，見到有間日本居酒屋《禮》，望入去櫥窗，擺滿咗好多個唔同大細，唔同款式的招財貓🐱，咁日本風情就呢間喇！
📌店舖唔算好大，有四至五張四人枱，仲有二人枱同埋門口bar枱位，用上木枱木椅，天花板上吊起幾個日式居酒屋燈籠，牆上有個木架，放滿了一些日式擺設🎎同sake杯🍶，呢個杯架真係好吸睛，餐廳仲不停播放住日文歌🎶，成件事就係居酒屋的格局！
📌居酒屋初期原本是讓上班族過來飲酒輕鬆一下，後期引入了各款日式菜式，以串燒、佐酒小食為主，與友人把酒歡談的同時，又可以品嚐佳餚，「一啖串燒一啖酒」，正正就是居酒屋引人入勝的地方。
📌除了串燒之外，《禮》居酒屋仲有好多日式食品，例如前菜小食、沙律、他他、炸物、燒物、烏冬、丼飯、日式甜品等等，再配合返香港人近期熱愛燒牛舌同炸雞，仲推出咗一連串嘅牛舌款式同埋炸雞口味，所以話係居酒屋又有得食又有得暢飲，真係一個有氣氛又輕鬆的餐飲地方。
📌《禮》仲推出咗個9️⃣大排行榜，即係招牌菜式啦，熊妹同富妹本身都唔食得多野，決定今晚係串燒之夜🍢，「一啖串燒一啖酒」，入圍的串燒當然要嗌晒去啦！
📌嚟到居酒屋，梗係要飲番杯先啦！原來有兩小時啤酒或者清酒任飲優惠🍺，每位都係$98，嚟到居酒屋一定要用酒先可以釋除一天的辛勞。
📌事不宜遲，乾杯🍻！
前菜
14 瀏覽
0 讚好
0 留言
好多時候日本餐飲都會有一兩碟前菜小食，佐吓酒，開下胃，今晚《禮》的前菜係醃製咗嘅醬油牛腩蘿蔔粒，牛腩粒咬落去好似食牛肉乾咁，好有咬口，醃製咗醬油味超濃，熊妹幾鍾意呢款小食喎！
啤酒任飲二小時
$98
27 瀏覽
0 讚好
0 留言
蒜頭漬以日本前菜嚟講都幾出名，蒜頭粒粒好有咬口，用上香濃嘅醬汁醃製而成，食一粒，全個口腔都已經充滿蒜頭鹹味，真係幾好嘅送酒前菜。
牛蒡醬油漬，$38
本身熊妹都唔係幾好牛蒡味，不過呢個牛蒡經醃製之後減少咗好多牛蒡味，食落去好爽口，好似食鹹味嘅蘿蔔咁。
古早蟹籽沙律
$58
21 瀏覽
0 讚好
0 留言
不嬲熊妹食大餐之前都要食沙律，呢個古早沙律，聽個名都好特別，唔知古早係咩呢？
原來材料就係吞拿魚沙律、沙律菜同埋面頭鋪咗一大堆蟹籽，撈上芝麻柚子醋汁，食落酸味味之餘又有啲吞拿魚肉嘅口感，相信古早就真係經典嘅意思，用上嘅材料都係典型沙律嘅材料，又幾開胃喎！
蟹羔玉子燒
$88
13 瀏覽
0 讚好
0 留言
9大排行榜第6️⃣名，蟹羔玉子燒。一碟切成六件，面頭鋪滿左蟹籽，望落去橙橙黃黃已經好吸睛。玉子燒要燒得靚絕對好考師傅嘅功架，一層一層蛋皮煎起再包起又唔可以見到任何燒焦嘅虎皮紋，煎嘅時候一定會全神貫注，小看1秒都會失手。
蟹羔玉子燒
$88
12 瀏覽
0 讚好
0 留言
富士蘋果煙肉卷
$48
187 瀏覽
0 讚好
0 留言
9大排行榜第4️⃣名，厚切牛舌芯。一串牛舌有四大件，目測起碼有3cm×3cm，厚切嚟講真係幾厚，應該有0.5 cm嘅厚度，調味唔需要多，輕輕嘅鹽味已經好配牛舌，牛舌芯厚到食落好爽口，好有嚼勁，咬下咬下，食一件已經好滿足。
富士蘋果煙肉卷（中），$48
煙肉卷配蕃茄仔就食得多，配富士蘋果就未食過。一串有三件，外皮煙肉卷包住一大粒富士蘋果，外皮嘅煙肉煎到剛好唔乾，咬落去有油脂分泌，再配合清新清甜的蘋果🍎，富士蘋果食落好爽口，可以解煙肉脂肪嘅油膩之餘，又好似食飯後果咁清一清口腔嘅煙燻味，比起配蕃茄仔確實係唔同食法。
媽媽鹹蛋豬肉棒（右），$48
9大排行榜第3️⃣名，媽媽鹹蛋豬肉棒。免治豬肉製成嘅串燒棒，面頭鋪上媽媽鹹蛋黃醬，豬肉棒啖啖肉，調味唔重先配合到媽媽鹹蛋黃嘅鹹香味，呢個鹹蛋黃醬真係幾特別，好簡單嘅豬肉鹹蛋黃食材，就係想帶出童年母親燒菜的味道。
京蔥雞肉串
$48
6 瀏覽
0 讚好
0 留言
9大排行榜第1️⃣名，脆皮白鱔。第一名喎！一串有兩大件白鱔，白鱔係厚切，塗上燒汁去燒再慢慢滲入鱔肉入邊，火候燒到剛剛好，食落係爽口，而唔係淋生魚肉，與燒汁嘅配合一啲都唔腥，明顯用料上乘，火候十足，難怪可以登上第一名的寶座🏆。
京蔥雞肉串（中），$48
表面搽上醬汁，一啖雞肉一啖京蔥，梅花間竹咁食，就可以食到雞肉同蔥味兩者交織的配搭，係經典的串燒款。
青森青提豚肉卷（右），$48
9大排行榜第2️⃣名，青森青提豚肉卷。比起煙肉卷，這份豚肉卷少了份煙燻味，加重了豚肉嘅味道，內裏包住青提子，驚喜地發現連提子皮衣都剝開了，一咬落去，清甜嘅青提子汁就會泌出來，衝激豚肉片，又鹹又甜，油膩盡消，果然係夠特別的第二名！
免治雞肉棒配醬油蛋
$48
4 瀏覽
0 讚好
0 留言
9大排行榜第9️⃣名，免治雞肉棒配醬油蛋。免治雞肉棒在熊妹心目中，一直以來都係第一名！免治雞肉棒入邊用上打雞肉及攪碎了的雞軟骨混合製成，咬落去有肉嘅口感又有雞軟骨嘅卜卜脆，重點係點上月見醬油汁，加一點醬油味道之餘，仲有好濃郁嘅日本蛋黃味，生蛋黃漿住喺雞肉棒上面，再提升咗成份雞肉棒的味覺享受。
南蠻炸雞
$78
11 瀏覽
0 讚好
0 留言
除了串燒，炸雞送酒都非常一流，炸雞款式入面南螿蒜香都幾特別。
一碟有五大件，炸雞超脆口，用上奇趣炸，雞皮有一定嘅厚度同油膩，炸得通透食唔出炸粉，係連骨嘅雞肉位，大大塊雞肉啖啖肉，南螿蒜香經油炸咗之後味道更出，最後連骨頭都噀埋好有味道。
日本枝豆
$38
13 瀏覽
0 讚好
0 留言
又一送酒佳品！呢碟日本枝豆份量都幾多下，有20條或以上，簡簡單單用鹽水煮滾，食落去已經好充滿鹽味，煮熟咗嘅枝豆皮變軟，喺枝豆中間將一粒枝豆咇出來再滲透出鹽水，清鹹嘅青豆味，食一條再送一啖酒，就係佐酒小食的意義。
11 瀏覽
0 讚好
0 留言
23 瀏覽
0 讚好
0 留言
張貼
