台灣郎

營業中

休息中

短期內冇得去台灣 唯有食下正宗台灣餐廳 呢間餐廳裝修充滿台灣風味 有圓木枱 燈籠 仲會播啲好有台灣風情既老歌 又幾有feel喎台灣馳名鹹酥雞好得意呀🐣 唔好睇佢以為好細份 其實份量都唔少 🍗鹹酥雞冇平時岀面既咁鹹 酥脆唔太油 食完唔覺口渴 不過略嫌有小小乾 肉質唔太嫩滑祖傳牛肉羹質地好似碗仔翅 稠稠的 清清地 🐮牛肉好滑彈牙 有啲似魚肉既質地 份量都唔少 有驚喜台南魯肉飯🐷魯肉半肥瘦 肥膏部分入口即融 略嫌唔夠香口 🥗碗面頭其中四分之一係好健康既菜 如果魯肉份量多啲就好啦 魯肉同汁都略為唔夠撈飯

今日和太太晚上往西營盤台灣郎食台灣菜, 我們點了酥炸五香雞卷, 蝦米仔炒芥菜、72小時慢煮朱軟骨飯、台南魯肉飯、阿嬤魯朱腳、洛神花茶和凍珍珠奶茶。酥炸五香雞卷炸得乾身, 食落鬆脆, 牌肉肉質鮮嫩, 雞肉內有蒜片食落惹味, 整份酥炸五香雞卷食落惹味, 佐酒一流；蝦米仔炒芥菜老婆笑說我們點了「10月芥菜」, 芥菜食落新鮮爽口, 果然10月食芥菜是有理據的, 蝦米仔食落味道適中；72小時慢煮朱軟骨飯朱軟骨入口即熔, 食落軟腍啖啖肉, 口感十足, 紅蘿蔔食落鮮甜, 飯食落軟綿, 足料美味的72小時慢煮朱軟骨飯；台南魯肉飯魯肉大大粒, 肉質肥瘦均勻, 肉質鮮甜味美, 配菜能中和魯肉的油膩感, 份量十足；阿嬤魯朱腳賣相吸引, 朱腳肉質鮮甜, 入口即熔, 食落不感到油膩, 醬汁鮮甜味美；最後珍珠奶茶茶味香濃, 甜度適中, 珠大小適中, 口感十足。餐廳座位舒適, 座位形式有點似基隆的廟口夜市, 而且有很多台灣夜市的相片,連餐具也跟足夜市用的餐具似的, 加上餐廳播放著懷舊的台灣流行曲, 感覺好似置身台灣夜市似的,餐廳食物美味, 份量十足, 價錢合理, 猶如去了台灣夜市食了一餐好味高質台灣菜