伙食工業 (已結業)

無得去台灣，就梗係食下台灣菜思鄉啦！今次走入工廈區，依間離地鐵站有15分鐘斜坡腳程，唔係朋友帶路都應該唔會行過去。餐廳是走工業風，好7、80年代美國工業的感覺，影相打卡一流。可能假期關係無咩人到工業區，下午時間到坐得疏疏落落。今次叫咗兩個主食加1個小食，到銀處下單付款後，等咗大概10分鐘就有。台式甜不辣外面粉漿不厚，炸得香脆，入面煙韌，帶小小魚餅的甜。不用點醬也十分出色台式鹽水雞鹽水雞和飯是分開的，分量勁足。雞有小小鹹鹹地，不過肉質鬆散，無咩雞味。飯較乾身及煙韌，不過加入芝麻令到成個飯很香。台式魯肉飯套餐套餐都幾抵食，飯連拼盤都係$50幾。鹵水拼盤有雞翼、百頁豆腐、雞蛋、豬耳、蘿蔔和海藻。鹵水汁完全入曬味，有驚喜。最中意百頁豆腐，吸滿鹵水汁，一口咬下啲鹵水汁爆曬出嚟另外蘿蔔都十分出色，入味之餘仲很腍。魯肉口感軟綿，送飯一流，不過魯肉汁味道略淡，有小小失望。賣相 4/5口感 3/5味道 3/5番食率 3/5

今日(14-4-2018 Sat)晏晝,去火炭同老公食晏,上呢o度睇附近有咩好食,search到呢間台灣o野,由於之前o係台灣冇食到鹽酥雞同牛肉麵,所以決定o黎呢間.去到,門面一啲都唔似食肆,幾乎唔敢開門入去,開o左門,要上幾級樓梯,老公已經坐o左o係o度,呢o度裝修又係好特別,有好多古舊o野.我o地研究完menu,自己寫低要咩o野,就拎出去俾錢,我o地要o左:6, $28.00o既凍烏梅茶味道唔太濃,清清地普通正常.味道: 3分1. $60.00o既台式香酥雞排麵香酥雞排份量唔少,但落o左辣辣七味粉(唔記得叫/提議走辣),炸得外脆內滑同juicy,味道唔鹹,不過建議可落多少少鹽.而麵呢,都彈彈地牙,湯底就好清淡.味道: 5分2. $60.00o既紅燒半筋半牛肉麵我只黐食一細舊牛筋,好夠腍同夠味,連湯底都有牛肉味. 而牛肉呢,唔係牛肉係牛腩,大大舊,老公話一樣夠腍同好味. 味道: 5分5. $28.00o既熱黑糖奶茶台灣奶茶茶味都係偏淡,奶味重,唔係好甜,裡面o既黑糖粉圓都唔少,而且口感煙韌.味道: 4分4. $35.00 o既薯條我o地揀o左甘梅味,上枱大大碗,熱騰騰,佢o地係洒o左