小食糖 (已結業)

完全想不到，在鬧市的美麗華商場裡，會有間裝修成學校課室的台灣小食店「小食糖」，還要是良心黃店！一進門，已見收銀櫃台下的黑板，寫滿了香港人的訴求，課室窗台則貼滿了各式各樣的反送中文宣！小店以課室為設計主題，令你重拾那些年的感覺！店內放有不少80年代的舊漫畫書，玩味十足！「小食糖」採取自助式服務，自己出去點餐，自己收拾餐具。看過餐牌後，我就到櫃台點餐。點餐後，你會收到這通訊器。不過由於環境細人又多，很多時都分不清是自己的響還是隔籬枱的響，非常搞笑！宜蘭蔥餡餅（$45）熱辣香口，味道似添了蔥的生煎包！台式豆腐雞（$48）台灣風味，不油膩但香脆十足！台式紅燒牛肉麵（$60）平時我很抗拒半肥瘦，但這碗牛肉麵的牛根卻出奇地滑，正！而且，以60元在尖沙咀區吃一碗牛肉麵，真心抵！凍黑糖珍珠奶茶（$28）用實驗室器具分開盛載奶茶和珍珠，很搞鬼！不過，黑糖在哪？吃罷，記住自己抹枱，自己收拾餐具，做個負責任食客！

我想試這家店很久了！我終於來了。座落在商場的一個角落，位置不多，只有兩位店員，他們採用自助式的概念，點餐自取，吃完再自己清理。我很愛店裡的裝潢，很有家的感覺。擺放很多小飾品，也有很多漫畫書供大家閱讀。桌子竟然是以前上學用的木桌，好特別，好有意思！由於最近這店家很受歡迎，晚餐時間很多食物已經賣完了，選擇不多。台式紅燒牛肉麵—這碗牛肉麵跟平時吃的很不一樣。湯頭有著淡淡的牛骨湯頭，但是有著滿濃郁的酸菜味和少少的辣椒味， 還蠻特別的。麵條爽口，有嚼勁。牛肉和牛筋燜得很入味，入口即化。古早味滷排骨湯麵—這碗湯麵，不是開玩笑，我吃了兩碗！清湯配上爽口麵條，加上清脆的青瓜絲，口感很棒。排骨滷得很入味，很香，配著醃製的白菜和獨家辣醬。天啊！好好吃啊！香酥雞湯麵—他的湯麵和排骨湯麵是同一種的！雞排炸得恰到好處，外脆內軟多汁，表面再撒上椒鹽辣椒粉，為雞排增添更多味覺的享受。如果你在尖沙嘴，不妨試一試！

同朋友食飯，因為唔想食太貴，所以揀左呢間睇落平平地既餐廳。餐廳裝修有特色，模仿成一間班房，周圍仲有漫畫添。枱同椅子都係學生時間個啲，好懷念啊。不過大家都知道，呢款椅子唔會話坐得好舒服。我地4個人叫左5個餐，原本以為綜合水餃只有餃子，原來有麵架囉，搞到最後好飽食剩左少少。佢個台式紅燒牛肉麵同古早味滷排骨湯麵中規中矩啦，肉同麵既比例合理。台南鹽水意麵套餐最抵食，有齊牛肉，蘿蔔同雞蛋等餸菜，而且個意麵仲好食，彈牙爽口。台式醉雞冷麵個醉雞好正，好濃酒味之餘個雞好滑，而且份量係超多。唯一唔好係個米線，一堆堆咁唔易食，但個麵都好重酒味。綜合餃子唔記得影相，一般貨色啦。

小食糖係一間台式麵食店，裝修模仿課室，裏面嘅枱似小學生書枱，枱面放咗好多漫畫書，相信係比大家一路食麵，一路睇漫畫，角落放了一個坐地書櫃，亦放滿了漫畫書，餐廳座位不多，只有54個，部份係室外位，地方唔算闊落，但仍可接受。不過佢地做食物嘅時間太耐，我見到廚房兩位年青人真係好唔熟手，結果我等了10多20分鐘才有得食，以做兩碗麵計似不太合理。食物方面，味道尚可，可惜紅燒牛肉麵整到好似清湯腩，香酥雞因為火候唔夠，成碟雞都係油，同茶木比較，小食糖差一大截，今次要俾劣評，希望快快改善，下次再加分。