小時光 (已結業)

下雨天總掛念從前，香港人近年講集體回憶，其實台灣人又何嘗不緬懷過去？有人付諸行動，以八十年代台灣校園做主題，開設呢間CAFE。 星期日嘅官塘工業區人跡罕至，唯獨呢度門庭若市，絡繹不絕。等位呢三十分鐘我無浪費到，游走餐廳每一角落。店內以小學為藍本設計，唔計舊物舊玩具，最多嘅係漫畫書，放滿書架隨便翻閱。枱櫈都係小學生SIZE,似班房多過餐廳。 落ORDER好似快餐店咁，先付款後取餐，比完錢店員會比個感應器你，當食物準備好，放喺枱面隻感應器會震到響，提醒你有嘢食。 台灣紅燒牛肉便當($48)牛肉炆得腍滑，非常入味，配葱花榨菜一齊食，口感豐富，入口爽脆，送飯一流！ 夜市鹽酥雞便當($55)炸雞塊香口鬆脆，肉質JUICY,但味道太重，一路食不停要飲嘢同食飯抵消鹹味，充滿台灣風味。 朱古力泡沫($35)傻氣長頸鹿花紋杯，盛載暖笠笠朱古力飲品，可可味濃郁，大熱天氣飲真係全身標汗。 紫薯拿鐵($35)真材實料。紫色奶泡好萌，淡香咖啡味，入口熱辣辣，味道偏甜，又係冬天暖身嘅恩物，但夏天飲就滴晒汗喇平心而論，食物水準中規中

今次黎多左好多隻鹿仔心思的裝飾加分有3小款前菜 麻麻地有少少牛肉汁牛腩牛筋份量幾多唔似係一人份量「無咖啡」的拿鐵靚靚的拉花 是心型飲落唔覺特濃巧克力反而味道唔夠濃

搵食搵到工業區，不過呢道都幾遠下....黎到門口已經好多人排緊隊，消磨時間唯有影下相....等左4,5個字終於入到去啦....環境好古舊!周圍嘅擺設都好復古，仲有好多我好中意嘅長頸鹿!不過座位就唔係好舒服，好逼，由於佢係自助買餐形式，買完攞住舊電子嘢，佢震就有得攞餐，但因為我坐最出，成晚不停讓比人地出出入入，好唔舒服，其他人都覺得唔好意思最後嗌左台灣紅燒牛肉便當同古早味炸排骨便當，本來想嗌紅豆奶茶同乳酸沙冰，但竟然紅豆賣晒同無乳酸供應，好失望最後嗌左杯普通奶茶同焦糖咖啡。佢嘅自助服務做得都幾差，因為收銀嘅時候見到啲機係唔係都震，攞左餐又話嘢飲要後補，要人轉頭返黎。再唔係震左又同人講震錯左-___-"都真係燥燥地....擾釀左一輪終於有得食啦....比較油，不過牛肉嘅份量都幾多同幾腍，唔辣，味道一般。排骨炸到好似食緊柴皮咁-____-"一啲肉汁都無...咖啡係可以嘅，仲好開心有瑪利餅送！點知....一咬落去...塊餅已經腍左=_="點解會咁架?........係杯咖啡飲到尾發現有隻長頸鹿，幾驚喜整體食環境可以，但應該唔會再幫襯/____\"