Lagom Kaffe (已結業)

Lagom Kaffe 好似叫樂感，原本諗住今餐晚餐輕食，估唔到咁叫都飽，係食到好好飽咁😆Order 了台灣風味牛肉千層麵 & 炸魚薯條配青檸沙沙醬等了10分鐘 先上的是fish & chips 右手邊有四件炸魚，左手邊係一堆薯條，中間就係沙律。薯條粗身，新鮮熱炸，而炸魚外表脆，内裡好林好滑當食完炸魚薯條，時間剛剛好的，接著上牛肉千層麵，呢個用焗爐即刻焗好的，我差啲焫親咀😂唔明點解叫台灣牛肉🤔🤔 但係我食落就係意大利芝士千層麵，另外仲有蕃茄嘅酸酸地嘅味，大家一齊share食，唔可以睇少呢個芝士千層麵，外表唔大份但係夠哂飽。甜品要咗鮮草莓🍓 吉士撻上面鋪滿了切好的草莓🍓，密鋪個面，甜度適中，吉士餅底餐廳有一直播歌，中間仲聽到 MC 張天賦 - 時候不早

夜晚喺觀塘想搵間坐得好舒服嘅Cafe同朋友靜靜地傾吓計😇於是揀咗去觀塘海濱嘅呢間Cafe喺樓下見到中午外賣咖啡半價，對附近嘅打工仔嚟講，可能係一個幾好嘅消息🎉環境同想像一樣咁舒服，佢有戶外嘅座位，呢個天氣坐外面其實都幾好feel，之後先發現仲係寵物友善嘅餐廳。睇嚟要搵個星期六日再嚟睇吓有冇得同動物玩下🤣同朋友叫咗個二人餐，首先有凱撒沙律。個沙律入邊有秋葵，都幾令我驚喜，而且個車厘茄仲好甜好好食😋除咗沙律，仲叫咗個軟殼蟹漢堡，個漢堡醬汁好特別係牛油果配紅咖喱。軟殼蟹唔會好油，配埋啲生菜同蕃茄就啱啱好唔會覺得滯😝另外佢啲薯條真係好好食，即使放耐咗都仲可以保持到好脆🍟另外個水牛城雞翼，佢唔會辣，啱晒怕食辣嘅人，個雞翼有六隻份量好足雞翼之後試咗台灣牛肉千層麵，個芝士好香食得出係用咗幾種唔同嘅芝士，雖然餐牌寫辣度固定，不過其實唔會好辣，反而個立面更加可以帶出個牛肉肉醬嘅香味。最後仲嗌咗兩杯熱飲，綠茶味比較清啲，焙茶味比較濃。嘢飲有靚靚拉花睇到個人都開心啲😃最後我哋都坐到差不多9:30先離開，喺觀塘一個鬧市入邊可以chill下嘅地方，而且餐廳啲份量好足夠，嗌咗二人餐兩個女仔都有食淨野🫣🫣

呢間cafe環境食物都唔錯，下次encore台灣風味牛肉千層麵一上枱勁香牛肉味，雖然辣度係固定但只係少少麻辣味～牛肉粒分佈左係每層麵中間，食得出即叫即焗側邊嘅麵係焦焦地，芝士仲keep到拉芝效果，整體好惹味港式香辣軟殼蟹意粉首先呢碟意思份量勁多🤣sauce係類似避風塘mix鹹蛋黃有驚喜意思硬度岩岩好唔會太淋，sauce仲沾滿左每條意粉，軟殼蟹炸到表面金黃色而且脆口～芝士蘑菇釀雞翼小食叫左釀雞翼，雞翼入面fill滿左芝士同蘑菇脹卜卜，sauce估唔到係有少少檸檬味食落都幾match，雞翼一樣炸到外脆內軟，好滿足👍🏻

💛 #觀塘 @lagomkaffe 收工同朋友去咗公司附近嘅cafe食飯，今日揀咗呢間商廈入面嘅「#樂感」食，餐廳分為戶外、戶內兩部分，日頭可以坐室外享受陽光同暖風🥰 我哋食晚餐就選擇咗室內座位，室內座位都好大，坐得好舒服㗎💓🐷 威士忌糖漿豬排配薯泥 焦糖蘋果 （$168）威士忌糖漿酒味唔會太重，而且好夠香甜，好味😋！ 焦糖蘋果超好食！豬排好厚肉之餘仲夠粉嫩軟腍🤭 薯泥就好似冇咁「結」嘅薯蓉，軟啲creamy啲更match軟腍嘅豬肉！🍝 台灣風味牛肉千層麵 （辛）（$148）雖然話要製作15-20分鐘，但結果比豬排更快上枱😳 千層麵好大個！ 蕃茄同芝士味超香，仲係超級拉絲㗎🤤 牛肉粒佈滿每一層，仲有少少麻辣香味～

今次又再踏足觀塘搵好野食，見到有間幾有空間感既餐廳就入去試下啦。店員好有禮貌問坐室内定室外，仲溫馨提示室外有活動，可能會比較嘈，非常體貼。餐廳坐位與坐位之間寬敞，有背景音樂，如果音樂細聲一點會更好。可以自助拎紙巾牙簽呢！平時鍾意影餐牌，呢間係QR code落單，所以無影到。見到有杯玫瑰蜂蜜手工氣酒寫住「超推薦」，所以試下。又真係大杯又好味，甜甜地啱女仔飲，不過就無咩玫瑰味。個杯好靚呀，好有feel。頭盤點了巴拿馬芝士火腿，份量比想像中多，芝士粒有成差唔多十粒，總共有三款芝士，仲用上比較貴既新鮮無花果，連餅乾同麵包都夠晒你配搭，唔錯唔錯！直得一提係三文魚上的蟹子，好新鮮食落好爽。另外點了個台灣風味牛肉千層麵，制作時間約15-20分鐘，呢個真係有驚喜！有少少台灣牛肉麵果種麻香味，但又唔會辣，千層麵唔會焗到太乾或太濕，而且有咬口，真係好啱我口味。芝士份量亦足夠。出面有啲舖頭用兩三層就算，呢到有五六層，好足料。原本好細食既我都食左好多下次想試下個台灣牛肉意粉，好期待呢！

今晚去朋友返工附近食晚飯 朋友介紹去食呢間🥰🥰 環境真係大有驚喜🤩 餐廳環境好大 好舒適明亮 主要分為室內室外區見天氣咁凍🥶都係坐返入室內區先 -餐廳食物款式主要以西式 crossover港式食物 好有創意💖💖最期待就係佢地嘅拉花熱飲😍 唔係咖啡都可以拉花 見到靚靚拉花超開心😍-🍝台灣風味牛肉千層麵 $148表面有好多芝士 焗到好香噴噴🤩 食落辣辣地 有啲似川菜嘅麻辣味道好惹味😋😋 一層層嘅麵 口感勁豐富🤓-🐷威士忌糖漿豬排配薯泥焦糖蘋果 $168食完辣辣地嘅食物 食返啲甜野先豬排用了威士忌去炮製 肉質好軟腍 配上香甜嘅糖漿及焦糖蘋果 感覺唔會好油膩☺️☺️ 薯泥質感好香滑 細密😋 不知不覺食晒咁滯😁 -🐥水牛城雞中翼（6隻）$78本身想食芝士磨菇雞翼 但太受歡迎已經賣晒啦😳呢款雞翼 味道辣辣地 雞翼好入味 但唔會太鹹👍🏻 表面灑上芝麻 賣相不錯👍🏻-🍫多明尼加朱古力奶（熱）$48用咗來自多明尼加嘅朱古力粉泡製而成廚師好有心思 拉咗一隻好靚嘅獨角馬🦄 奶泡好細密 拉花圖案做得好仔細😍😍 朱古力奶味道濃郁 帶有少少可可嘅苦味 但較易入口😋😋 -🍵焙茶鮮奶 （熱）$78一端枱已經聞到好香嘅焙茶

呢間無限時Cafe主打悠閒路線，店名Lagom係瑞典語指「不多不少，剛剛好」，加上全店室內+室外有8,700呎，可以享受下慢活樂趣。室內裝修以木為主，戶外空間感好大唔會覺得壓逼，日頭同夜晚有唔同既感覺☀️🌙而且仲係寵物友善餐廳，去完觀塘海濱可以帶埋毛孩黎呢度食個下午茶😚不過留意返，惹蚊既朋友坐戶外記得帶定蚊怕水，依家12月我都被咬到成腳都係好痕啊🥲.夜市酥炸海鮮 HKD138呢個拼盤有魚柳、魷魚圈、洋蔥圈同豆，份量都幾多菇菇煙燻明太子奶油章魚燉飯 HKD138章魚腳幾大條，奶油燉飯好creamy，配埋菇、三文魚、溫泉蛋、蔥花、黑色藜麥脆片，口感好豐富😛不過唔係好食到明太子味台灣風味牛肉千層麵 HKD148千層麵需時15-20分鐘，焗得幾靚，滿滿既芝士同肉碎，帶少少辣，味道幾特別🍝多明尼加朱古力奶 HKD48比較厚身，面頭加左塊橙干點綴🍫朱古力紅莓脆脆慕斯蛋糕 HKD68幾鍾意呢款甜品😋啖啖朱古力慕斯，加埋面頭紅莓朱古力既微酸味，軟綿綿既口感好適合秋冬時候食.Lagom Kaffe 地址 ｜牛頭角觀塘道348號國際貿易中心1樓101號舖

呢間近住觀塘碼頭既cafe超大間，好多主人帶狗狗去食野，而家天氣好坐室外仲好舒服！┄┅┄┅┄┅┄┅┄𖣒 菇菇燻鮭明太子奶油章魚燉飯 $138冇估到隻八爪魚係咁大🤣 雖然咁大條但一啲都唔韌，點埋芥末醬仲好開胃。燉飯creamy得黎又唔膩，加埋三文魚好香！不過隻溫泉蛋熟左少少冇流心🥲評分：🌕🌕🌕🌖🌑-𖣒 台灣風味牛肉千層麵 $148味道就好似肉醬意粉咁，但多左一陣花椒味，千層麵有麻香味幾特別。評分：🌕🌕🌕🌗🌑-𖣒 茉莉花蘋果撻 $29撻皮幾乾身同香口，蘋果唔算好甜，加埋茉莉花好清新。評分：🌕🌕🌕🌗🌑-𖣒 波納香料茶鮮奶 $53Chai既味道唔算濃，但飲落好舒服。評分：🌕🌕🌕🌗🌑

一直都想嚟觀塘分店嘅樂感食飯，今日終於有機會啦！約咗男朋友放工陪我食飯，原來入面好闊落，平日晚飯時間都唔使等位直接入得！佢用電子落單，唔使周圍搵店員好快就落好單，如果一埋朋友嚟嗌嘢食都好方便呀，落單冇耐就會送上餐包！豬太郎好快就決定嗌咗沙律同小食先！分別係 — 夏季香橙烤豬肉沙拉 $98同埋 烤雞翼佐明太子香吉士酸辣醬 $68烤豬肉沙拉上枱後都要快手食，有齊清爽嘅香橙同沙拉菜，又有香烤惹味嘅豬肉，前菜嚟講好豐富！第一次覺得雞翼佐明太子咁好食！咬落滿滿嘅明太子，小小香辣。好啱男友口味，佢仲即刻問可唔可以學下點整呢款雞翼 ！我哋當然有嗌主食啦，不過Menu寫明要等 15-20 分鐘，食完雞翼同沙拉就差唔多時間！等咗 3 個字嘅台灣風味牛肉千層麵 $148 都無令我哋失望！睇落好似普通肉醬千層麵，咬開個陣有少少台式牛肉麵嘅香味，微辣。本身都覺得份量有啲多，再加埋勁拉絲嘅芝士，食完好滿足！離APM 8-10分鐘路程就可以食到啲非連鎖餐廳嘅美食，絕對值得行多兩步！

📍觀塘 𝙺𝚠𝚞𝚗 𝚃𝚘𝚗𝚐❝台灣x西式風味☕️坐得舒服既cafe ❞環境好靚坐得好舒服 仲有室外位置飲下酒shisha好chill🍸😚食物質素又唔錯😙但個日去到menu選擇唔多 想食既tiramisu都賣晒🥺會想回頭再食🤣值得一提呢度唔洗切餅費✨首先想講下餐前麵包好出色🍞係歐式toast外脆內軟 有口感 搽埋佢個香草牛油🌿🧈好好食😍🐮🍅台灣風味牛肉千層麵 $148 (4/5)帶點麻辣既千層麵😋味道豐富 上面芝士焗到香脆🧀😬🐙🍄菇菇燻鮭明太子奶油章魚燉飯 $138 (4/5)個醬汁撈risotto好好食 配料都好多 飯粒煙韌🤩章魚煮到好腍 朋友覺得太腍冇左咬感 我反而覺得ok😙🦑🐟夜市酥炸海鮮🦐 $138 (3.5/5)好份量好多🤣有魚🐟蝦🍤魷魚🦑洋蔥圈🧅四季豆💚炸得香脆 點芥辣沙律醬好食😚꧁꧁ ——𝓂𝑜𝓇𝑒 𝒾𝓃𝒻𝑜𝓇𝓂𝒶𝓉𝒾𝑜𝓃—— ꧂꧂📍Lagom Kaffe觀塘偉業街180號Two Harbour Square1樓🗺𝘐𝘯 𝘵𝘩𝘦 𝘴𝘢𝘮𝘦 𝘭𝘰𝘤𝘢𝘵𝘪𝘰𝘯…#joys_觀塘🔖𝘔𝘰𝘳𝘦 𝘴𝘪𝘮𝘪𝘭𝘢𝘳 𝘤𝘶𝘪𝘴𝘪𝘯𝘦 /𝘧𝘰𝘰𝘥…#joys_西式

Lagom係瑞典語意思係不多不少剛剛好要離別時想起當初能夠遇上大家, 不遲亦不早感激這時辰剛好, 才能成就一段段美好的回憶這裡的食物也是fusion得剛剛好 有川味花椒lagsana 🍅 香麻而不算辣, 配千層麵的番茄醬十分濃郁, 而且加了芝士更加不會覺得太刺激, 是想不到的好味也有炸漿薄而香脆的seafood platter tempura 🍤 有魷魚、魚柳和蝦, 豆角天婦羅也是驚喜地好吃!抹茶芝士蛋糕🍵是用basque burnt cheesecake做法, 不會太焦但很香濃, 口感也很細綿滑溜用鮮果打成的果昔, 有燕麥口感更豐富, 有特別口味肉桂蘋果, 是our cup of "shake"加上免費的餐包, 兩個人兩個main加一件蛋糕恰到好處, 不用$200一個人, 鹹甜都有. 最重要是坐得很舒適, 地方很大

樂感喺牛頭角開咗一段時間，一直bookmark咗但未有機會去。原來而家觀塘都開咗分店，約埋喺附近返工嘅朋友去試下。坐低無耐就有餐前麵包盤，有兩款麵包同香草牛油。麵包係歐式包，食落有嚼勁，搽埋香草牛油好好味。晚餐時段主食選擇唔算多，我哋幾個人都麻麻地沙律同三文治，所以叫咗三款燉飯同一個千層麵。花雕雞風味奶油雞肉燉飯呢個配搭好有創意，食落有花雕味但唔會太重酒味。除咗面頭嘅三塊花雕雞，燉飯入面仲有啲雞肉粒。干貝燻鮭蘆筍燉飯賣相好靚，帆立貝煎得夠香而且唔算細粒。煙三文魚卷住好似一朵花，另外仲有翠玉瓜片喺飯面做裝飾。燉飯入面有煙三文魚碎，同奶油燉飯好夾。至於蘆筍就無乜存在感，同樣係切碎喺燉飯入面。意大利飯最常見係松露磨菇味，呢個飯用咗大啡菇，仲配埋酒漬藍莓幾特別。面頭啲芝士粉同炸金菇撈埋落燉飯，令個飯唔只係菇味松露味咁單調。本來想食台北牛肉意粉，但原來晚餐時段無。見到有台灣風味牛肉千層麵，所以都叫咗嚟試下。千層麵都幾大份，裡面好多芝士仲可以拉絲。牛肉有少少椒麻味，呢個台灣風味幾有趣而且好味我哋一坐低就點咗咖啡，但都等咗十幾分鐘先有。點咗latte, flat white同mochahouse b

觀塘人氣咖啡店☕️每份晚餐都會配一份餐前麵包，比較欣賞佢哋嘅牛油有特別調味🧈台灣風味牛肉千層麵 $148呢個千層麵同之前試過嘅燉牛肉意粉飲類似嘅味道，不過就冇咗花椒油嗰種辣🌶有好多芝士，做到拉絲嘅效果🧀而且亦都有好多醬，絕對係一個可以同人分享嘅餐花雕雞風味雞肉奶油燉飯$128雞肉有好強烈嘅花雕酒味，而且肉質非常嫩滑🥰燉飯口感比較硬，有好濃嘅忌廉，調味適中，同樣係一個飽腹感非常強嘅餐非洲寶石$48杯茶有強烈嘅口味，類似少少薄荷，飲落會涼涼地嘅茶😂不過都係比較建議你哋飲佢哋嘅咖啡，因為佢哋嘅咖啡質素真係幾高嫁☕️環境方面，餐廳環境非常空曠，而且有好多嘅座位，裝修亦都好舒適。落單係運用QR code，方便快捷🧡總括而言，呢間餐廳嘅適合兩口子傾計，有多款咖啡☕️選擇😃chill下都okay🧡Lagom Kaffe (觀塘)觀塘偉業街180號Two Harbour Square1樓

去附近探朋友問佢有咩推介餐廳，佢就介紹左呢間。雖然有黎開呢一頭但真係唔知呢度一樓竟然開左間咁靚既餐廳。入到去就見到好大既西式水吧位同露天座位位置，好可惜今晚太熱，如果唔係一定會坐出面好好嘆吓。一坐低唔理三七廿一叫左飲品先，實在太熱。見有draft beer真係好興奮，點知一黎到...嘩勁大杯！叫完野食，好快就黎左餐前麵包，估唔到係正宗歐式麵包再配埋香草牛油，有香草同果實既味道因為我同Fd都唔太餓，只係叫左一個主菜：台灣風味牛肉千層麵。叫果陣真係唔知台灣風味會係點，諗住試一試啦。黎到熱辣辣似係岩岩焗起，仲好香，但麵諗唔到係咩味，直到試左啖先知，原來係台灣牛肉麵既口味，好香既花椒，加埋蕃茄既甜味同微微既辣，真心好食！唔肚餓都差啲自己食左成個。甜品就叫左道焙茶芝士蛋糕同Fd一齊share，雖然唔大但都好夠，本身個蛋糕唔係太甜，加埋個焙茶醬就岩岩好，個賣相冇想像中咁靚但係好食既。心滿意足既一餐，同Fd 吹水食飯又一晚。

呢間貴為桔梗嘅姊妹店 一開張已經見到勁多foodie有介紹😆終於約到成班frd一齊去😛今次就去左位於觀塘一間商廈嘅一樓!舖頭面積好大 有outdoor位可以坐 裝修偏向係藍棕調木頭feel🤍我地就揀左坐outdoor位 有好大個rooftop 而且會見到有bartender即場調酒🥳比較似一間rooftop bar indoor就反而係cafe感比較重! 呢間同桔梗一樣都係主打台式西餐 晚餐限時90分鐘😬🔺干貝燻鮭蘆筍燉飯 $178評分：8.5/10全部frd一致認同呢個真係好好食!😋白汁蘆筍本身就係一個唔會出錯嘅combo 味道夠香濃 燉飯軟綿有咬口🥰唔會比汁浸到濕曬 干貝外層有輕微燒過嘅痕跡 食落彈牙鮮甜👍🏻份量都唔細 而且有幾塊薄切翠玉瓜 爽口解膩 呢個真係值得一試!😚🔺台灣風味牛肉千層麵 $148評分：8/10表面芝士味濃郁 本身以為係典型嘅千層麵 但竟然食到麻辣味😳相信呢個就係佢嘅台式風味! 整體調味適中 唔會過鹹 牛肉味都突出 算係有驚喜嘅一道菜🤘🏻🔺龍蝦蟹肉香草沙拉 $158評分：7/10上碟個下比佢個擺盤impress到🤩跟住都抱住好大期望 但食落又有少少平平無奇🤥似係