亞坤 (已結業)

有一種味道是吃過會留戀，有一種情懷是留戀嘗過的美味。一年仲有機會飛一兩次新加坡，無論旅行定轉機，一定少不了食返幾碗新鮮滾熱辣的叻沙。新加坡叻沙有許多品牌，佢地各自都有自己的特色。近年來，好多品牌都有在香港插旗，港人都好有口福，在自家門前就有得品嘗異地風味。好似呢間「亞坤」，我每次去尖東做運動之前，都慣左來食個飯，回味下新加坡的味道。同新加坡店的裝修大致相似，以朱紅色為主格調，簡單清爽的店面甚有南洋特色。門口有介紹創始人亞坤的事跡，同香港人介紹下佢地既歷史。遠遠就看到門口的旗幟🚩始于1944年。餐牌有好多選擇，我揀左叻沙+咖椰牛油土司（1片）+亞坤傳統奶茶，另加兩蚊轉奶茶大杯。食飽先有力氣減肥嘛...呢度除左有特色主食，仲有土司套餐，如果想食下午茶，呢度絕對滿足到需求。值得一提既糸，亞坤的招牌系咖椰牛油土司，糖心蛋，奶茶☕️好濃郁的湯底，見到口水都流，陣陣椰香，好正宗一啖米線一啖湯，好滋味湯底配料好豐富，豆卜入味，魚腐彈牙，蝦仁大粒，雞蛋一分為二，好滿足。湯有小小辣，幾乎不怎麼辣，晤食得辣既朋友其實都可以嘗試一下。湯底仲可以見到香料葉子。真的好正宗，同新加坡店冇分別，好開心。在香港都可以食

口淡淡，天氣又乾，找點刺激來振奮一下食慾。選到曾在星加坡吃過的亞坤。未知在港如何，小人就如常的點了碗叻沙。誰知湯底很粉，濃味又說不上；麵太腍而餸極少，蝦肉實蛋又老魚片少……一句到尾，不喜歡。吃亞坤，還是到星加坡吧。

空肚出街既我，約左朋友出尖沙咀，第一時間拉左朋友去食亞坤，懷緬下新加坡既風味。係地鐵站p3出口行過2條街就到，十分就腳。見到餐牌有好多野都想食，於是我地三個人嗌左2個套餐:叻沙&椰漿飯，1個單點主食:咖哩雞飯share食。套餐會配咖椰牛油吐司同傳統咖啡/奶茶。食物好快上齊，但都唔係好夠熱。我每樣都試左d，叻沙d粉同我新加坡食過既唔同，硬身d。椰漿飯就不過不失，但d雞係凍既。咖哩雞好椰味，朋友同我都覺得咖哩雞最好味。奶茶就無咩茶味，個人覺得普通茶餐廳飲到既奶茶仲好飲。吐司唔知係咪最後食，凍左不過都夠脆。總結:不過不失既一餐，食物質素可以改善，但價錢就真係好抵，套餐$42-$64，可以食到好飽。