仁芝初

營業中

休息中

係旺角食完飯最岩就係食返碗湯水🌙 呢間小店位置唔大但係中式湯水既選擇都好多🏮 甜度適中比起一般港式糖水鋪質素更高❤️ 而且價錢合理CP值好高😊 特別可以試下主打既合桃露 味道同口感都唔錯🤎⭐️ 合桃露拼芝麻糊 ☯️個人最鍾意既中式糖水之一😋 合桃露口感好幼滑而且不失果仁香🥜 配上芝麻就比較香濃🖤 唔會過甜食到香濃既味道⭐️ 冰花燉蛋 🍳同樣滑得黎帶滿滿蛋香🥚 口感唔會過硬火候控制得好好🔥⭐️ 桑寄生蓮子蛋茶 🍵淡淡的藥材味整體感覺好滋補🌿甜度適中好暖胃😊

旺角抵食中式糖水仁芝初真係好好食，同女朋友喺旺角食完晚飯想搵間平平哋嘅中式甜品，啱哂！每人都係$35咋…… $38芒果椰汁紫米露$32熱香濃合桃露雙拼-芝麻糊兩碗都好正又唔會太甜，芒果仲要大大粒又夠凍。芝麻糊喺底，杏仁露喺面，想溝埋食又得，想分開慢慢食都得！推薦🙌🏻但餐廳座位就相對黎講少,到食甜品時間一般都要等下位。同埋依個價錢黎講，服務你都唔知可以expect 太多🤣食就就閃。同埋好似只收現金，大家去就醒水啦。

仁芝初 📍旺角通菜街2Q-2Z號鴻輝大廈地下6號舖━━━━━━━━━━━━━━━━━━━━━━━━━━━━有陣時食多咗西式嘅甜品就會莫名想念中式糖水 經過見到糖水鋪 雖然趕時間但都決定拎兩碗翻屋企我覺得呢間小店特色在於可以雙拼 而且有十幾款揀 啫係等於兩碗嘅價錢可以食到四款 啱曬好想試多幾款嘅人👍🏻━━━━━━━━━━━━━━━━━━━━━━━━━━━━合桃露拼芝麻糊 $29 凍▶︎ 先試芝麻糊 冇想像中乾粘稠 入口係食到芝麻沙沙嘅感覺 可能嗌咗凍所以芝麻香味唔算太出▶︎ 合桃露亦都絲滑 相比之下味道較溫和 係後勁會感覺到核桃嘅油香😙▶︎ 兩者融合之後意外地不錯 先係黑芝麻嘅味道 再到核桃😲好味指數:●●●●○━━━━━━━━━━━━━━━━━━━━━━━━━━━━芋蓉西米露拼紅豆沙 $27 熱▶︎ 見到芋頭就決定咗嗌呢個 不過其實食之前想像唔到呢兩▶︎ 芋頭西米露係將打成蓉嘅潔身質感 比起芝麻同核桃露都會更加濃稠 芋香重 不過莫名有種我唔太鐘意嘅味 至於西米好似淋得滯▶︎ 紅豆沙火候好好 起沙得嚟又見到粒粒紅豆 不過陳皮味都幾出 ▶︎ 兩者加埋一齊會覺得有啲偏甜漏🧐好味指數:●●●○○━━━━━━

食完晚飯 行下街 買返碗糖水返去做宵夜先🤤🤤 外賣拎返屋企再稍稍翻熱就食得😋😋 買比屋企人食 食返啲滋潤嘅糖水先-🥚桑寄生蓮子蛋茶 $30飲落去 感覺好舒服好暖胃❤️用桑寄生 蓮子 去熬煮而成 感覺好滋補 甜度適中 唔會甜得滯 亦無好重苦澀嘅藥材味👍🏻👍🏻 連同隻雞蛋一齊食 甜而不膩😊😊 如果雞蛋更入味 會更加正 😆😆-🍐雪梨燉川貝 $48 又一滋潤養生嘅糖水款式✨ 呢個平時都好少見到🌞 原隻去皮去芯嘅雪梨 加上桂圓 南北杏等配料燉煮味道好清甜 入口舒服😌 -🍽 合桃露拼芝麻糊 $29 即磨嘅味道真係唔同啲☺️😆 真材實料 食落好濃郁既合桃及芝麻香味🤤 甜度適中 濃杰度唔會太杰身 口感香滑帶有粒粒既芝麻口感😌 雙併口味 先食到合桃露的味道 然後又有濃郁既芝麻味不過芝麻味濃郁過 合桃露🙈 下次要單叫合桃露 嗒真啲個味先🤤🤤-🍽🍴總結 🍽🍴店舖位於女人街街口附近 掃完食街 食埋糖水/take away 都好方便😆😆 店舖環境乾淨企理😆 價錢合理抵食👍🏻👍🏻 下次經過都可以再幫襯😛😛

今日嚟到旺角睇戲，睇戲睇完喺附近兜下，路過通菜街見到呢間店舖名好得意，腦海即時浮現三字經的文字😂原來店鋪專門售賣手工中式糖水，由於見到價錢唔貴又幾多選擇，一於入去試吓<法式紫米露> $38難得見到一間買中式糖水嘅店舖有賣西式甜品，而且又喺店舖推介。呢個combination喺法式燉蛋加椰汁紫米露，上層有啫喱，層次分明。 紫米香明顯，筋道嚼勁；燉蛋滑溜，口感細膩，估唔到中西合璧的甜品都令人有驚喜😌<紫薯芋茸蓮子西米露> $30粉嫰的紫色睇上去好夢幻 💜用料十足，紫薯蓮子份量頗多<合桃露拼芝麻糊> $29質感杰身，甜度適中，不過主要品嚐到芝麻香氣🖤建議單拼更能食到各自的味道

間嘢食字食到咁，係人都知一定係主打中式糖水啦😏menu D 野大部份都係$30樓下，幾抵咁！Btw勁好，仲有廁所可以去🥹-<合桃露拼芝麻糊>💰$29選擇困難症嘅我梗係揀雙拼啦😛合桃糊唔算太杰，幾滑咁～芝麻糊就質地杰d，雖然芝麻味唔算好出，但係都幾香。整體甜度適中，呢個價錢幾抵食！！回頭率：🥣🥣🥣🥣/5幸福感：🥣🥣🥣🥣/5飽肚感：🥣🥣🥣/5性價比：🥣🥣🥣🥣/5不專業評分：8/10👉🏻簡而精咁形容：鍾意芝麻糊多啲💗-<冰花燉蛋>💰$28見到有幾個人入嚟買外賣都係叫呢個，所以即刻叫嚟試吓🤣雖然面頭少少皺皮，但係入面都幾滑🥰甜度就比芝麻糊合桃個啲冇咁甜～回頭率：🐣🐣🐣🐣/5幸福感：🐣🐣🐣/5飽肚感：🐣🐣/5性價比：🐣🐣🐣/5不專業評分：8/10👉🏻簡而精咁形容：入面幾滑～-💗旺角通菜街鴻輝大廈B座鴻輝大廈地下06號💗