九井食堂 (香港仔中心) (已結業)

今日去香港仔接表妹仔放學。表妹仔入到心儀中學梗係要請佢食最鍾意的日本菜🍣 。原來香港仔九井食堂做緊學生優惠，全枱只要有一個學生就可以全單八八折，好抵呀！表妹仔好嘢👏。另外汽水、沙冰、咖啡奶茶、麵豉湯任飲；沙律任食。真係抵上加抵。👉角切刺身丼（$88）+ 三文魚刺身（$39）：刺身好新鮮，而且厚切好滿足。👉滑蛋饅魚柳川鍋（$85）+ 炸墨魚咀（$35）：鰻魚大大條，軟滑無刺，滑蛋和洋蔥都夠味，好送飯。👉吉列炸蠔（$38）：估唔到兩隻蠔都非常大隻，炸得外面脆卜卜而蠔並無炸到縮水。👉炙燒原隻魷魚筒（$78）：魷魚夠份量，最重要是烤得剛剛好不硬不韌，照燒汁又惹味。九井真是全香港仔最好食又最抵食的日本飯堂。已和表妹仔約定下次又去接放學😅。

👉幾個月冇食日本嘢啦，要食日本嘢就會諗起《九井食堂》，皆因平靚正，每次都冇令我失望！而家仲有埋手機落單，方便、清楚 一take過👏📌軟殼蟹雜菜沙律 $52 ～ 翠綠生菜🥬墊底，加日式芝麻醬汁，軟殻蟹外脆內軟，仲有一大堆蟹子同吃 ～ 好好feel 😆📌海老天婦羅🍤$45 ～一客4隻天婦羅炸蝦，炸粉輕薄剛好，乾身脆口又唔會食到成口油。天婦羅醬汁都係新鮮即製，一入口即時嘩一聲：同日本食嘅一樣味 ～ 成個組合都突顯師傅功架，都只係$45😱超抵食！📌吉列炸蠔🦪$38 ～ 吉列蠔炸起size啱啱好，炸粉將整隻蠔包住，一咬蠔汁在口中爆發（小心燙口）！點上吉列醬汁，真係天依無縫🤤📌芝士泡菜豚肉鍋定食 $88 ～ 泡菜味突出，甜而不辣，有好多豚肉又大舊，不是薄片好有口感，芝士份量不是太多，但仍可輕易做出拉絲效果。☝️肚餓必點，因為超下飯 ～ 記得無料加飯‼️📌吉列白豚定食 $78 ～ 吉列豚一如以往，保持水準👍

禁晚巿堂食的影響下，很久沒外出用膳了。今日難得到香港仔，就與好友到「九井食堂」醫肚。餐廳採取電子落單，我們左點右點，很快就點到滿枱日本美食，正！雜錦刺身丼（$98）有大約六款刺身，三文魚比想像中厚切，很有口感！九井壽司盛（$108）一次過吃均九款高質壽司，啱晒選擇困難症人士！雜錦天婦羅（$68）最搶眼是那兩條大蝦，即點即炸勁香脆！海苔魷魚（$28）有魷魚圈和魷魚鬚，炸過後仍吃得出魷魚鮮味！吉列炸蠔（$38）必食炸物，廣島蠔勁大隻呢！火炙三文魚腩壽司（$30）三文魚腩勁juicy，嘆完壽司盛都要再吃！軟殼蟹手卷（$25）手卷最重要是紫菜要夠脆，朋友胃口好，最後一起share才埋單！吃了這麼多，埋單每人只是$217，非常抵食！