燒房焗 (已結業)

睇杜汶澤介紹，見老闆咁搞笑，無諗過間餐廳會係咁高級優雅既居酒屋🏮。環境好恬靜，座位闊落，好岩飲下酒傾下計。員工服務態度非常好，令餐廳更有高尚感。👆🏻極度推介呢碟麻辣花螺！雖然真係好辣！！！但佢既花螺唔單止好鮮甜，佢既汁係好有層次，唔係一味得個辣字。一食落口最初會食到甜甜地，最尾啲辣先慢慢滲返出黎，最尾又辣又甜咁，好滿足！👆🏻吉列炸蝦超級好食！個炸粉好薄片好鬆脆，好有口感！隻蝦真係好大隻仲好新鮮，竟然搵到咁西利既食材！推介啊！最後，爆粗雞翼，真係辣到爆哂粗🤣🤣！我自問唔係真係好食得辣，聞到陣味已經投降！朋友雖然係成隻食晒，但係個嘴又紅又腫要加杯牛奶先得！隔離枱叫咗個辣到阿媽都唔認得麵，睇住佢食簡直係慘不忍睹！我淨係知佢講咗好多句粗口，同埋叫咗兩杯牛奶。望一望全場原來每一枱都至少會有一杯牛奶！笑死！不過都真係幾full，建議大家早啲訂枱！🌶🌶🌶🌶🌶

抗疫又如何, OT 是人生.... 又焗又濕, 情景又灰... 但托OT 洪福, 近宵夜時段返而訂到位!!反智新例下, 餐廳都做得好足, 人與人都分很開, 但間時都會聽到老闆、店員、唔同枱客人, 互相搭訕講笑, 氣氛仍然好好, 只難為佢地生意難做... 先來個冷稻庭烏冬爽爽 (之前介紹過, 唔再多講)Daily special 有汁燒日本烏賊當然要試試, 海鮮多多都無問題!! 驚喜燒汁唔會好多好甜, 燒到有微焦但少少燶味都沒有, 而且烏賊 (係原隻) 爽身鮮味, 火候掌握得非常好 新鮮沙律菜加沙沙檸檬汁係洗口腔好細心嘅配搭 今晚到來, 其實最想搵今期好「紅」的「蝦仔」為自己打打氣!! (大心急要食, 影到 out 晒 focus =.=")的確, 食得我好滿足! 唔單止大, 仲甜鮮, 加埋大大塊蝦膏 (老闆話蝦膏係bonus唔好週圍同人講)餐廳仲好好比 Yellow Discount, 但既然支持得, 差少少唔多啦!! 看似食好少, 但都飽到上眼眉, $500 鬆啲, 美味、支持!!!