Hokahoka

營業中

休息中

呢間黃店嘅賣點係燒物、炸物🌟推介：芝士年糕、串燒、廣島蠔、唐揚雞、天婦羅👉🏼壽司、刺身不過不失，飯、烏冬一般般重點係❗️環境裝修好日式、榻榻米房好地道、絕對令大家有返家鄉嘅感覺😌好啱三五知己把酒談心、放工chill下🍻我星期六晚去，食到咁上下，日本人店長自彈自唱🎤Beyond 首海闊天空係必唱！好熱血😭 佢亦非常歡迎食客點歌～當晚咁啱有本地樂隊同場食飯，樂隊主音被邀請下都一齊jam 歌🎸自己歌+連日文歌都唱埋，氣氛高漲💯絕對係好盡興既一晚！味道： 7.5/10 （氣氛已經贏哂）性價比: 7/10 （有少少貴）人均消費： $300+ （睇你叫咩啦，我地有叫刺身拼盤會貴d)🌟建議大家早一兩星期book枱，要book榻榻米（除鞋，但唔洗跪）如果你想感受熱鬧氣氛，聽下live，就weekend晚嚟食，碰碰運氣吧～

久違了的4人飯聚，終於可4人，真係太耐冇一齊食飯了，大家都好積極提議想食咩，田會長搵到幾間心水，因為太想食刺身同想啤啤佢，揀了Hokahoka，黃店告急，thank小機book位。好準時7:00去到，我地4人揀了填資料、量埋體溫就入去了。裝潢是傳統的居酒屋設計，我們4人坐的和室榻榻米房(要脫鞋)，甚有和風之感，當然，都知大家唔會慣到跪坐，坐的是挖洞座位，設有伸腿空間，坐得舒適。居酒屋以酒為主，牆上貼有介紹多款日本酒的海報，木架上擺放了日本酒作裝飾。設有搓手液及餐廳鈴，方便同衛生。前菜。餐牌，來得呢到，當然要把酒，佐酒小食唔少得，同時亦有刺身丼、雜炊及茶漬等食物。晚上8點多店長更會出來唱live炒熱個場，氣氛熱鬧。(唔知係味每晚有，詳情留意FB)。客人(似乎係熟客)點歌同店長合唱，nice。Plum sour ，$38。梅酒，$38。Sapporo 生啤，$68。乾杯！雜錦刺身飯，$150，放工太肚餓，叫了刺身丼，(好少晚餐會係居酒屋食丼...但太餓了wwwww)賣相吸引，刺身新鮮。燒牛舌(兩串)，$68，口感軟腍惹味。吉列蠔，$85，好大件的吉列蠔，入口香脆，炸粉唔厚，蠔肥美夠鮮味，讚

今晚難得可以撐枱腳 於是揀咗靚仔店主Hokahoka之前已經食過一次因為值得留戀 所以再次光顧叫返上次好味嘅嘢再試吓新嘢招呼好好 店主員工十分親切食客食食吓 會變咗好朋友一齊暢飲傾偈不分你我 的確係一個輕鬆聚會嘅好地方今晚適逢係限聚令後首日重開全場滿座 當然係合法地兩人同坐現場即興店主高歌一曲將全晚氣氛帶進高潮食物水準依舊保持良好必吃的牛油帶子 壽司刺身全部新鮮各類酒精飲品 選擇多串燒食品全部新鮮製作一定大力支持店主

尖沙咀一日遊飲食之旅既終點站，就係黎呢度食晚餐啦。由於朋友一早講左想食日本菜，所以就搵左呢度食晚飯。是日呢個晚飯都食得幾早，我地六點幾已經黎到，因為... 我要趕返屋企睇九姑娘 XD。六點幾黎到都營業緊架啦，入到去見一個客都無，即刻安排左個卡位俾我地坐。坐左一陣見好似有D日本人坐係吧檯食串燒(?)，陸陸續續都有D客人的，不過都幾唔滿下... 唔知係咪我地太早呢？呢度環境幾舒服，坐卡位自成一角講大聲少少都得，無咩客所以唔驚嘈親人=P。一坐前已經有個小前菜啦，之前講過唔再飲酒既人竟然提出要飲Asahi... 兩個人就一人叫左一杯細既。之後就開始叫野食啦，不過成日都不停食既我們是晚都叫左幾多野食，食完朋友話十成飽喎。朋友想食帶子刺身，店員話 3 款拼盤都有的，所以最後我地叫左個最少的 櫻 刺身拼盤，黎到有三文魚，吞拿魚，鱆紅魚，帶子同八爪魚，唔算好豐富，不過基本上我地都好滿意。刺身首先解凍得夠，而且切得幾厚身，唔會有冰碎加上鮮味十足，真係唔差的，起碼無咩邊款我覺得難食。帶子最好味，因為鮮味好出呢。比起上次我去灣仔某食店... 連冰碎都食到... 真係.... 叫了幾個小食，燒牛舌一客兩串唔駛