阿堂魚湯 (已結業)

記得第一次來食晏，見檯面餐牌印上幾款三十幾蚊一個午市定食，心諗...嘩咁筍 ! 即刻叫人落單 ，待應望一望我指既餐牌 ，隨即輕輕指向餐牌一角，上面印住"學生餐"。原來午市餐牌係分兩張，一張係學生餐 ，價錢平D，另一組係正價午餐。今次已經係第二次來食晏，當然唔會再睇錯餐牌。(上)汁燒雞扒定食 午巿價48蚊(下)吉列豬扒定食~午巿價48蚊(轉烏冬加3蚊)吉列豬扒定食  午巿價48蚊(轉烏冬加3蚊)豬扒賣相不俗 ，厚薄適中，外脆內軟，一點也不覺油膩；烏冬彈牙有啃口，唔係好似出面茶餐廳果D又硬又實既貨色，不過魚湯湯底我覺得不夠鮮甜，魚味較淡。汁燒雞扒定食 午巿價48蚊雞扒皮脆肉嫩 ，份量十足，配燒汁十分惹味論質素，餐廳水準不俗，用上沙律菜伴碟，定食份量足，以午市價錢黎講其實算抵食。祈望下次再來 ，魚湯味道會有改善。

係炎炎中午，從太子地鐵站走左一段路，為既係鯛魚魚湯烏冬非常抵食，中午只係48蚊，簡直係抗通漲。魚湯一入口有鯛魚既鮮味，湯底濃厚順喉，唔咸，應該無放味精，因為筆者飲晒d 魚湯都無覺得口渴料方面我最鐘意佢既鮮魚片，好味而且有鮮甜味，其他配料1條蟹柳，一粒蝦，2舊魷魚。另外仲有跟d 菜，配上魚湯味道好夾，烏冬方面係我鐘意既煙煙un un 口感，good👍🏻👍🏻老公鐘意香口野，簡左吉利豬扒定食豬扒炸到酥脆，有厚度，咸咸地有點點胡椒味，非常對我地既胃口😍跟餐既係一小碗鯛魚湯，大滿足😆到太子旺角唔洗每次都打邊爐放題，可以試一試魚湯料理