So Doughlicious (已結業)

習慣一年去葵廣一至兩次掃街 今日經過見到即叫即做既冬甩 即刻買個吉士嚟試吓 等大概八分鐘左右 熱辣辣既冬甩整好 個冬甩非常鬆軟 好好味 即使係剛炸起個又唔會熱到食唔到 整體味道同某連鎖Pizza店有9成相似 但這𥚃價錢又比這間Pizza店更便宜 下次經開一定會再幫襯😊

星期一紅日同朋友約好去葵廣掃街一早已搵定幾間心水必食小店要去試下呢間一睇到就勁想試，加上見好多人推薦， 所以食到好飽都要叫一個share黎試下。本身想試lemon cream cheese 但黎到見到sold out , 問朋友， 話試吉士味， 咁就叫左一個吉士味$28， 即叫即炸既關係，要等15-20分鐘。 拎到手， 店員好貼心比埋紙巾， 個冬甩熱辣辣， 睇見都正！（要小心辣親口） 一咬落去爆晒漿， 超 級 好 食 ！ 吉士醬唔會好甜， 即使外面裹左好多砂糖，成個食落去都唔會好甜。 $28一個絕對值。下次要試下檸檬同伯爵茶味