茜廊餐廳 (天盛商場)

三五成群遊玩完南生圍，晚上去了朋友家附近的餐廳晚餐，環境幾寬敞舒適的，播着抒情的愛情歌曲，感覺甚有氣氛。招牌烤雞沙律 $85沙律菜以酸甜黑醋攪拌，爽脆清新，小編覺得個烤雞煮得幾好，微微咸而完全不韌。意大利香草焗紐西蘭羊架 $128羊架帶有好香的香草味，軟滑不韌，而且帶有少少羊羶才味美。新奧良雞翼(4隻) $35雞翼略普通，純碎蕃茄的酸味。白酒煮藍青口 $58青口浸在酒裡，有啖啖的酒香，如果青口肉略大更好。香煎鰽魚柳配溫室菠菜煮蜆 $118賣相很好看，色彩繽紛的，鰽魚柳幾鮮甜，再加上與蜆的互相配合，食味更鮮。朱古力心太軟配雪糕 $48朱古力心太軟似乎焗得耐了，偏硬了少少，流心如果多點會更好。吉士醬燴梨 $45小編覺得呢個甜品幾有心思，梨子批了皮，浸白酒雪凍，伴吉士醬食，清甜又多添細滑口感。平時都少去天水圍，呢次郊遊活動，巧合地讓小編踏足天水圍的餐廳，食物、服務和環境都不錯，有一番驚喜。…查看更多

最近天水圍新開左間西餐廳, 見環境唔錯,menu又多選擇, 一於試吓啦！首先出場嘅係蒜蓉包、餐湯和沙律。田螺配薯蓉本來就好夾, 薯蓉焗到金黃色香噴噴, 但略嫌鹹咗少少。牛柳嘅擺設非常靚, 配菜亦相當豐富。牛柳選擇了七成熟, 可以配燒汁或者蒜蓉汁。魚柳煎得啱啱好,醬汁加入蜆肉黎煮, 非常鮮甜。重點係預留底下的溫室菠菜,菠菜吸收哂醬汁的精華,非常好味。食西餐又點少得精緻的甜品呢！啤梨有淡淡的酒味,吉士醬嘅甜味可以中和啤梨的酒味。估唔到內有乾坤,原來啤梨中間係雲呢拿雪糕,相當有驚喜！…查看更多

番左五日工好攰呀 懶洋洋 唔想出咁遠食飯 只想舒舒服服咁坐低食餐好嘅！經豬先生帶路 發現天水圍有間齋睇門面感覺幾高尚嘅西餐廳 再望一望餐牌 價錢都好合理喎 一於入去試下啦！晚上七時半入座大概已有八成入座率 地方好寬敞 感覺摩登而且富時尚感 :) 以雜誌形式為藍本嘅餐牌 設計上大有諗頭 襯番餐廳形象  豬先生豬小姐叫左兩個dinner set 三款side dish同兩款dessert  dinner set嘅包包用蒜同黑椒輕輕調味 好香口 羅宋湯相當足料！有肉有菜 酸味味 再加啲胡椒粉 唔錯 有對比之下 忌廉湯比較普通 建議揀紅湯！有成十隻八隻藍青口 藍青口尼隻品種嘅青口 本來肉身就係細細粒 雖然如此 但肉質都算帶鮮偏甜 可惜白酒味未能完全滲入藍青口 鵝肝都算大舊 當然不能預期軟滑即溶 但香煎後配上脆脆多士 加上少量沙律菜伴碟 算係好抵食嘅餐前小菜 :) 尼款薯條好特別 唔係將啲黑松露碎灑係面 而係將啲黑松露溝埋落個醬汁到 估唔到都幾夾 薯條粗切熱辣辣 加上特制開胃黑松露沙律醬 零舍滋味可口 放中央嘅珍寶帆立貝好搶鏡 食落都幾爽彈 除左珍寶帆立貝 仲會有啲小貝柱 雜菜 菇菌拌飯 可惜意大利飯煮得過腍 無左個種黏稠帶口感嘅煙韌 而且個忌廉汁唔夠濃郁 水準一般 我地要食自己啦！ 用烤焗而成嘅BB豬仔一分為六 皮層薄脆乾身 選擇左偏瘦嘅BB豬 減輕油膩感 但豬小姐就覺得半肥瘦就會比較香口 純粹個人口味而已 酸意強烈嘅黑醋為BB豬減膩 加上旁邊嘅雜菜沙律平衡營養 唔多好肉嘅豬小姐都忍唔住口食左三件 係有驚喜嘅主菜 甜品環節到啦！完整嘅梨肉得正正係中間 好可愛 梨肉用白酒慢煮而成 口感軟腍而且充滿水份 :) 酒精濃度高 吉士醬同忌廉嘅甜絲絲中和酒精 甜中既帶甘又帶苦 係好複雜嘅味道 不過幾特別 我喜歡 不過完全唔喜歡酒味嘅朋友仔就千其唔好試啦  賣相好可觀 係心型嘅心太軟 心太軟未能做到流心效果 係偏杰身嘅流質 朱古力味頗重 但竟然是咸的 難道是海鹽朱古力嗎？ 豬小姐總覺得朱古力應該是甜蜜蜜的 相反凍棉花糖朱古力感覺就對了！朱古力香濃配上忌廉嘅幼滑係完美配撘 碎冰狀嘅朱古力令人透心涼 但杯身太高飲管太短 飲到最後飲到好辛苦 食飽飽嘅豬小姐充滿番力量啦 聽日要繼續努力工作了！番工搵錢志在食 大家認同嗎？ …查看更多

放工後近近地去左天水圍搵食，揀左間近來網上平價不錯兼開業不久的西餐廳「茜廊」。係西鐵站落車行約五分鐘就到，頗方便的。.餐廳的環境充滿歐陸風情的裝潢，牆上有些薄餅裝飾，樓底夠高坐得舒服。.最前方這個位置可以睇到店員即製薄餅，今晚外賣薄餅買一送一，見到店員密密整不停！.部份餐牌.夏日炎炎餐廳推出左數款養生特飲，檸檬薏米水 (跟餐+$16)及越南清葡涼 $36。兩杯飲品都用透明的玻璃小樽載著，飲的時候直接將蓋揭開即可。而且望得出兩杯都好足料，薏米水內有不少薏米和檸檬片，甜度不高，有肋清熱去濕；他點的清補涼有綠豆、海帶，桂圓肉、紅棗和蓮子等，有肪清熱。.再黎跟餐羅宋湯同蒜蓉包，大力推薦個羅宋湯超足料好好飲好開胃；蒜蓉包微熱咬落脆卜卜幾好食！.西式焗田螺 $38田螺除左食到芝士和薯蓉外，仲食到一陣惹味的蒜蓉香，田螺有咬口，幾好食。.黑松露香脆薯條 $38薯條炸得香脆，不過所配的黑松露醬味道不夠濃。.巴黎鐵塔千層麵 $88這款千層麵同平時食開的有點不同，食開的千層麵裡面係夾埋肉醬一齊拎去焗。這裡的醬同肉分開的，兩旁紅色的係蕃茄醬，千層麵入面夾左不少肉碎和蘑菇，上面有少許焗至金黃色的芝士。小妹食左少少，味道正常的，麵粉感頗重。肉醬狂的他就覺得幾好食，好快成碟清光，不過就覺得唔夠醬汁。.葡式烤BB豬配雜菜沙律 (套餐跟湯&包) $148烤BB豬的外皮咬落香脆，連下層的脂肪一同咀嚼好惹味邪惡，裡頭的肉質都夠嫩滑多汁，整體黎講這葡式豬係幾有水準的，有驚喜！另外配上的雜菜沙律同黑醋剛好可以平衡了飽滯的感覺。.吉士醬燴梨 $45一款法國的傳統甜品，賣相也是不錯的，當然小妹也沒有很期待味道的。梨下的係吉士醬，梨肉入口帶有清甜味道和醉人酒香，但卻不會很濃郁。將梨切開後入面仲釀有雪梨，滿特別的。.黃金雪山塔 (二人份) $68小妹好鍾意食某間連鎖店的甜品多士磚，所以見到呢個雪山塔就好想試下。個雪山塔黎到其實都幾失望，因為放係側邊的生果竟然係罐頭生果 （好奇怪！）；而且粒粒多士應該係無搽牛油就咁拎去烘，食落質地好乾好鞋又唔香，有球雪糕同忌廉都無補於事，食左兩粒就放棄了。…查看更多

天水圍終於有啲好野食 雖然我最愛係北江既譚X 但今次帶屋企人出街食 就搵左間西餐 開心下好鐘意依啲雜誌復古風既Menudinner menu 質素ok既話依個價錢我接受到 未食之前有少少期待嗌左2個set 一個係係dinner set入面 一個係menu再加28蚊配套餐再加錢轉特飲 飲品分別加左16蚊同14蚊 檸檬薏米水同埋越南清補涼 一問之下原來我嗌依兩杯都係餐廳自己煲既 而其他就沖出泥 甘我當然揀健康既 俾屋企人飲薏米水勁健康 成日見人係台灣買個啲即沖既番泥 但忙到甩轆都無乜機會食到 今次係餐廳飲到都好啊 仲有紅棗添 岩晒女仔 篤下檸檬仲有啲增添左個層次 吾洗齋齋薏米水味 唯薏米用左大薏米 仲有粒芯係度 咬落有點苦越南清補涼 清補涼甜甜地又多料 有海帶 龍眼肉(我最愛) 同埋啲qq粉絲 好清涼set入面既湯同蒜蓉包 包好脆 但皮稍硬 可以點忌廉湯食 羅宋湯有辣度 好耐無飲過依隻正宗味道羅宋湯 平時有啲就無辣 有啲就淨係似蕃茄湯 酸到呢婆婆鐘意食魚 就係menu度揀左依個 香煎鰽魚柳配配溫室菠菜煮蜆$118 魚質吾會太淋 有口感 而蜆既海水味咸左啲 但口感一流 因為吾會煮到over左 好滑嗌左個pizza 黑松露野菌薄餅 9吋 $98 9吋都吾細 最後都食吾晒 我愛菇但依個味道比較單一 pizza底薄啲 自家製既餅底 有些少煙韌 中間有d芝士 有拉到啲甘多絲 黑松露味都算出整pizza既open area美國西冷牛扒薯菜 $108 上扒既時先知係鐵板上 滋滋聲流晒口水 配左黑椒汁 員工會幫你倒埋汁 所以睇吾太清啲坑紋啲坑紋真心正 吾知原來天盛都出品 坑紋牛扒啊lol上左扒之後員工好細心甘問我要英芥定法芥 我淨係知嗆吾嗆鼻既分別 食左之後又吾覺嗆 原來英芥係嗆既 我要左英芥 但如果配依個牛扒法芥應該會正啲 但英芥真心爽算係粉嫩 因為屋企人吾食啲血淋淋既肉 所以嗌左7成 但除左依忽 其他都好似100%甘 一係因為鐵板烘得更熟 而相入面既嫩度同牛味係足既:):)最後上既主食係西西里海鮮意粉 $98 有我愛既青口 個汁偏向蕃茄汁 但又微帶好小既辣既剌激 入面既海鮮極多 帶子魷魚蜆勁嫩既魚 好滿足 加上意粉掛到佢既汁 都幾正吉士醬燴梨 $45 想食好耐 好藝術既甜品 而一入口梨既口感係介乎淋與爽中間 所以岩岩好 而食落食到有白酒味 問番員工先知用左西班牙白酒 陣味好心心眼 入面仲有隱藏左既雲呢拿雪糕 仲蘸埋朱古力ok ahTOTAL嗌左2個甜品 依個蕉焦朱古力布朗尼雪芭係我自己私心 因為我鐘意蕉 所以周邊有兩條焦糖香蕉 中間有個brownies 偏甜 而最上個球青檸雪糕先正 係酸既所以就襯brownies岩岩好…查看更多

天水圍再不是鄉下地方！依加真係多左好多野行好多野食，哩日就同朋友黎到新裝修既天盛入面哩間西餐食晚飯入到去既感覺好舒服好骨子。叫左既pizza由大廚喺open kitchen即刻整，總覺得親眼望到既製作過程係最正最新鮮既！海鮮至尊薄餅…熱辣辣食pizza係最正既！海鮮種類同份量都幾多，薄餅醬一改傳統唔用千島醬，用上白汁味道都幾夾嫁。而且芝士量都唔少，襯熱都拉哂絲嫁。薄批底微脆，質感比較乾，但夾埋配料食就岩岩好，不過如果批底可以柔韌d既我覺得會仲好味黑松露香脆薯條… 粗薯條一直係我至愛，哩個做到外脆內薯！個黑松露醬味道都唔錯，但質感稀左少少啊…葡式烤BB豬配雜菜沙律… 估唔到哩度都有烤豬食當然有叫黎試下啦！佢同中菜既乳豬唔同，哩個皮好脆口！肉嫩多汁，不過就有好多肥膏，食完都幾大罪惡感但一層脆一層肉一層油脂咁樣食又真係幾好味😳😳 美國牛柳配薯菜… 哩個牛柳係個好推介兩舊牛柳份量足，牛肉味豐富，七成熟既牛柳夠厚之餘仲煎得好有水準，保持到粉嫩紅色仲唔會韌，好好味！前：綠茶雪糕日本紅豆冰，後：朱古力牛奶抹茶… 兩杯野飲都好消暑，前面果杯味道幾濃，但其實都幾甜，嗜甜既你就岩喇… 後面果杯就幾特別，有朱古力味又有茶味，但如果抹茶既甘苦味突出d應該會更好味丫！食飯當然要用甜品黎作結！吉士醬燴梨… 哩個梨整得好靚，梨用酒煮過所以食落有啖啖酒香，但又唔會蓋過梨本身既甜味，質感半淋半爽都幾特別，可以一試嫁…查看更多

話說早排我經過天水圍，行過天盛商場，發現了新開的茜廊餐廳，環境看來不錯，而且很久以前去過九龍灣的店舖，食過都覺得不錯，所以我諗天水圍新店都應該好食吧。於是趁某位住天水圍的朋友生日，便約他來茜廊食晚飯了。餐廳的面積頗大，座位都幾寬敞舒適，黑色的天花板讓光線比較暗，但亦掛上多支柔和的黃燈光，卻加點浪漫的感覺。而餐桌面的蠟燭卻為黑暗加點光，相機食先的話都還可以啊。用再生紙印製的 menu，設計得很像一份報紙，除了餐廳的菜式，裡面亦介紹了餐廳的歷史和設計概念，相當有特色。我們今次各自叫了兩個 set dinner，可選擇餐湯配餐包，或者沙律配餐飽，一款主菜，再加一杯飲品。我叫的是羅宋湯（餐湯）配餐飽。餐飽是很香脆的焗蒜蓉飽，而羅宋湯都相當足料，看見大大塊的牛肉在湯裡，實在喜出望外。朋友的什菜沙律配餐包，餐包同樣是香脆的焗蒜蓉飽，沙律菜份量適中，沾上一些酸甜的芝麻醬，食少少幫助消化之餘，份量剛剛好唔會食到飽。Set dinner 再加優惠價，便可選特色飲品，咁我叫了一杯綠茶雪糕日本紅豆冰。綠茶雪糕的味道，既有清香的綠茶味，亦有一點奶香，不苦澀而平易近人，但可能天氣熱，所以都頗快溶。我又嫌奶的份量太多，紅豆太少，整體而言奶味比較重，紅豆的甜有點不足。西式焗田螺，上層的焗芝士，味道有點鹹香，加埋大顆又帶不同鹹味的田螺，還有綿泥的薯蓉，味道都幾引人入勝。意式雲吞溫泉蛋，上碟的時候便聞到陣陣黑松露香味，這款的雲吞皮比中式雲吞厚一些，但非常煙靭，所以不易篤穿。輕鹹的白汁淋在雲吞上，肉餡是混入了雜菜碎的豬肉餅，每件細細件幾啖便食完，我覺得幾岩和朋友每人幾件一齊share。而中間的溫泉蛋，軟軟的蛋白一篤即穿，鮮橙黃色的蛋黃汁隨即如湧泉般流出，軟軟而滑潺潺的蛋白，沾上蛋黃汁的香甜，亦都相當好味。芥末焗英國保濕豬柳薯菜，一塊約2隻手掌大，約一吋厚的豬柳，被灑滿一層密麻麻的乾蒜蓉碎，並墊住一層鮮紅色的蕃茄蓉，旁邊是一隻長青椒，吸睛度相當高。豬柳除了厚切鬆軟，但一點肥膏都沒有，濕度亦調節得剛剛好，不太乾亦不油膩。豬柳既沾有蒜蓉碎的鹹香，點了蕃茄蓉之後，細味下還感到淡淡的芥末香，味道相當豐富而具層次感。豬柳的份量亦比較大，切開一件一件分給朋友 share 就最好。朋友是咖啡的超級粉絲，理所當然地叫了鮮奶咖啡 (Latte)，侍應在下單時亦主動問朋友是否需要後上，而他們也應朋友的要求，待主菜食完後才送上咖啡。據朋友說飲落都幾有咖啡香，口感都幾綿滑，咖啡和奶泡的比例恰到好處。朱古力心太軟，呈心型蛋糕的設計，感覺都幾冧死人~ 配以雲呢嗱雪糕球，而雪糕球上的藍苺粒，加上朱古力醬的 signature 和果仁碎，令賣相加分。蛋糕外挺內鬆軟，並非一切即塌。朱古力流心雖然杰身了一點而不太流心，但黑濃的朱古力好甜，好有朱古力味，甜到漏～而蛋糕本身暖烘烘，點上凍冰冰的雲呢嗱雪糕，一冷一暖的口感又幾過癮，而朱古力及雲呢嗱截然不同的甜味，卻剛好為濃甜的味道轉換緩衡一下，不致於因為過甜而放棄。這碟吉士醬燴梨，是廚師的拿手菜之一。梨已經略為煮過，梨肉變得稍稍軟稔，仍保留清新的甜味，還帶有淡淡的白酒香，切開一片片梨肉，舐些柔滑香甜的吉士醬，便搖身一變成為回味無窮的甜品，梨及吉士醬兩者截然不同的甜，感覺有趣但甜度剛好，不會給人飽滯感。而且這款精心製作的甜品只賣 $45，感覺 C.P. 值相當高。雖然我們兩人這晚叫了很多東西，大家都吃到飽飽，但埋單大概 $410，平均每人都係 $200 多些，以環境、服務和食物來說，感覺都幾超值。…查看更多