秘 (享成街)

營業中

休息中

#黃店🇭🇰TW-秘今次去食嘅呢間係位於荃灣既秘🥳之前成日聽荃灣人介紹我去食～～今次終於去食到啦👍🏻環境唔算好大～～所以建議2-4人去食會好D～荃灣嘅呢間分店附近都仲有好多黃店㗎☺️💛👅板燒吉烈牛(⭐9.5/10) $108+$38套餐呢個+$38套餐包左一碗味素飯&大根湯&流心蛋☺️*因為小編食晚市所以一定要+$38～食午市可以選擇+$20既套餐(小碗湯嘅分別)*-吉烈牛好好食！一開頭佢俾咗肥脂我將D油爆出嚟先～然後我將D肉每邊燒大概七成熟到～～外皮香脆，肉完全唔會有靭嘅感覺，再配埋佢俾既醬汁(點一下就可以)😍👍🏻同埋佢完全唔會話得好少肉🥳我食到停唔到口～-味素飯 太足料啦😁足料都有少少鹹鹹地，所以建議下次可以唔使落咁多🥰-個大根湯我原本唔諗住飲～但飲完覺得又幾match😆好似食完肉要飲返啖清啖既湯水咁大家要繼續支持黃店🥲💛🚩地址: 秘 (享成街) (荃灣)荃灣享成街22號地舖🚩其他地址如下1. 佐敦偉晴街11號地下2. 元朗教育路105號鴻運樓地下3號舖3.銅鑼灣謝斐道522號#hkig #foodie #hkfoodblogger#likeforfollow #likeforlikeb

排左2個鐘，先入到去食！我同男朋友叫左兩個set，一份吉烈牛、一份安格斯。其實我哋本身想食味增牛，不過個日入到去都9:30，佢已經賣晒其他啦。吉列牛都係我打住要嘅，我有食過一次。外脆內軟，口感不錯。如果未食過，值得一試！如果兩個人share, 值得要一份。不過吉列牛嘅肉質就冇其他肉咁香牛味。但係佢有佢自己嘅特色，未食過必須要試。另外我覺得嚟到秘，一定要叫飯。因為佢個飯素好好食。個飯配牛食一流，又冇咁膩。我仲加咗個金魚湯，我覺得味道一般，條魚只係一粒蝦餃。同佢又肥又長有啲樣衰，值唔值得影相都見仁見智。至於佢啲果汁汽水，個人覺得蘋果味最好飲。如果大家去食真係早啲去排隊攞定飛。我嗰日見有人8:30去，已經冇飛派！早攞早享受

上星期到呢間「秘」食吉烈牛，竟然出乎意料地好食一開頭過咗第一輪，所以要攞籌等。不過大約20分鐘左右就有位。入到去感覺有啲逼，不過都夠擺整個套餐 (如果有張紙巾比我用會好啲 )。我點咗呢個吉烈牛餐連飯、溏心蛋和湯，價錢大概$140左右，合理價錢。牛嘅品質都不錯，肥瘦均勻，配飯食一流！ 而且最緊要係可以自己燒鍾意嘅熟成度！反而係個湯唔太適合我胃口。以呢個價錢可以食到咁嘅品質，的確係一個意想不到嘅經驗，多謝朋友介紹。

上星期五放工想去鬆一鬆，約埋男友一齊去左公司附近呢間秘我大概7點左右到，當時門口已經有人排緊隊，咁我都當然快快手去攞張飛，店員都好有禮貌，有提示埋如果過左5張飛就冇得補位，現場一齊等緊位前面有4-5張，後來既都有3-4張因為太多人等，小妹唔好意思影下個門口比大家睇，因為係門前等位既人都有啲散落但見到有人係門外影男神profile pic，門面唔算寬闊，但日本味濃。入去前小妹已經睇定食咩，因為已經肚餓，終於終於等左大半個鐘可以入去啦入到去果然係實力小店，唔大間座位唔多，基本都要搭座，不過佢多數係二人合為四人枱，搭座都可分做二人對座登登登登ʕ •ᴥ•ʔ 主菜來了一個吉烈牛定食，98蚊單點+38轉定食一份已經夠晒飽，男生份量係剛好，而且店員送餐後會教你用牛肉既油脂塗均熱石，相當細心照顧埋未食過吉烈牛既人好味過係韓國食，但稍微遜色於係日本當地食可見肉質係鮮嫩既，但就油脂分佈唔夠均勻，吉烈層比較易甩下，但整體味道唔錯，仍然有足夠既牛肉味，岩晒好似小妹一樣鍾意食牛既牛魔王生熟程度任君選擇，小妹建議每面燒10秒其實食左頭先既定食已經夠晒飽，但因為口痕既緣故，一見到芝心既時候早就落左單，所以試埋佢個芝

今晚又黎荃灣搵食，之前見人介紹呢間吉烈牛但要自己燒既餐廳，已經覺得好有趣，所以今日黎試試佢咩玩法同朋友商量後，最終都係一人一份吉烈牛，因為我地兩個都想邊食邊做下野，咁樣好似冇咁罪惡感一上枱，堅係得意喎，舊牛係生但比炸好既吉烈粉包住，一人一個爐仔，上面有舊肥油，比你搽下塊板先燒吉烈牛，跟住即刻燒塊試下先，個吉列牛好好味，好有牛味，同埋因為油脂比較多，所以燒耐d都仲好淋。我本身食開牛扒都鍾意食5成熟，但依個牛我覺得燒熟d先會好味d, 因為個吉列外層會脆d,如果燒得唔夠熟反而好難咬開， 跟住加$38可以有碗飯，一隻溏心蛋同一碗昆布湯，個流心蛋好好味但櫻花昆布湯就好敗筆，可能我唔係好鍾意櫻花味，總之一飲好怪，唔識形容係咩味，總之唔好味總括黎講，個湯你當裝飾，其餘都值得一試咁既價錢真係可以呀