鳥羽名古屋料理 (已結業)

環境優美，安靜雅致，燈光昏暗，甚有情調。裝潢有格調，用了精美的酒杯作裝飾，很有意境，洋溢著滿滿的日本氣息。所有定市套餐包括精選沙律、麵豉湯和甜品，還送了一杯西瓜汁。名古屋特製燒鰻魚飯 ($210)鰻魚飯圓形木盒盛載著，佐料有漬物、紫菜絲、山葵、葱花和一壼鰻骨清湯。鰻魚烤得外皮焦香，非常脆口，肉質仍然保持軟滑彈牙，甜度恰當。鰻魚身厚，甚有膠質。甜品方面有雪糕(咖啡/芝蔴)或朱古力布甸選擇。雪糕咖啡味道非常濃郁，質感幼滑，非常好吃。

衝住佢個鰻魚飯有三食先嚟，見評價好似唔錯，所以對個鰻魚飯好大期望。諗住早啲去，唔洗book檯，點知去到淨翻吧檯位，其他檯都book曬。由於時間尚早，加埋我哋得三檯客，一店員遞咗餐牌後，幾個店員一字排開企曬我哋隔離，感覺好怪，好似有好多對眼望住咁😑。最主要為咗個鰻魚飯三食而嚟，所以唔諗住再叫其他嘢食，兩客燒鰻魚飯 + 一份串燒牛舌就夠啦。後來先知lunch time個鰻魚飯先$198，抵食好多。- 串燒牛舌（$58）店員遞上牛舌，香味撲鼻，燒得啱啱好。牛舌肉質厚身，而且juicy，仲有好濃郁嘅牛味。正！！！- 名古屋特製燒鰻魚飯（$288）店員遞上鰻魚飯後會目無表情咁「快速」講解食法後就即刻走咗去，咁嘅服務態度？鰻魚肉質新鮮肥美，飯有飯香，配合燒汁一齊食，口味不過不失，但無想像中咁好味。嘗試三種食法後，個人覺得第一種原始食法會更好帶出鰻魚、米飯、燒汁本身的味道。Ummm... 覺得唔抵食同埋咁嘅價錢唔值。服務態度真係有待改進。