京都勝牛 (MONTEREY Place) (已結業)

去開將軍澳DONKI行下，見未停雨就順便試下最近進駐將軍澳南嘅京都勝牛，期待咗好耐終於食到🤣原本都知道呢間出名食吉列牛，但係食落都好有驚喜，加上採用日系風格裝修，環境好闊落，坐得都好舒服！每個主菜都分別有唔同醬汁畀你點吉列牛食。一上菜侍應都會同你簡單介紹下有咩醬汁。包括芥末醬汁（較經典食法）、山椒鹽、招牌牛排醬、咖喱醬等。翼板牛食落好嫩，唔會過老，質感香軟。大蝦真係勁大隻，差唔多有碟嘅直徑咁長，亦好新鮮。個人最鍾意點甜甜地嘅咖喱汁，同吉列牛最夾！牛肉質感都一樣咁嫩，而呢個套餐除咗大海老套餐嘅醬汁之外，亦都可以點蔥花蘿蔔蓉汁，味道酸酸甜甜幾開胃，可以解膩。而食炸鰻魚嘅感覺好特別，有平時食蒲燒鰻魚嘅味道😂棉花糖表面一邊係黃豆粉，一邊係苦苦地嘅抹茶粉，碗鋪咗啲朱古力曲奇、抹茶粉、消化餅碎可以點。棉花糖有燒過，有焦糖味道，比較偏甜，但配合雪糕食就可以中和返，冇咁膩。送上檯嘅時候仲係暖暖地，蛋糕食落濕潤，而且流心，果然抹茶同紅豆先係perfect match。特登叫少冰，整體味道偏淡咗少少。白桃蒟蒻冰茶 $32飲落酸酸甜甜，叫咗少甜，甜味剛好，蒟蒻可以更q彈。