純寿司 (已搬遷) 新店位置

是日懶諗食咩 用Yohomall apps取票排隊 見呢間有就殺入啦😂第二次食呢間 上次食個兒童餐（好似$48）湯圓就唔太愛啲熟壽司 淨係愛甜品 咁今次改變策略啦迷你蝦天婦羅烏冬 $42有兩隻蝦 都清清地 蝦肉都唔少 烏冬亦滑溜彈牙 湯圓食唔晒我地又有得分啦布甸餐 $16有布甸同支益力多 價格普通啦 志在可以慢慢比佢自己食波子汽水 $18 唔係間間有得飲波子汽水 熱辣辣爽下先 酷兒白提子汁 $6 俾湯圓妹飲埋 唔知咩味辣味魚背軍艦（前）$16 OK 似辣味八爪魚果類 正正常常啦北海三點盛（後）$58 算鮮甜味美特大廣島炸蠔 $39 大而無當 炸粉太厚 蠔又酸左啲 徙晒挪威三文魚腩 $22 OK名物！等等蒸蛋 $38 蒸籠上都幾得意 蛋滑溜又帶有高湯香氣檸檬沙冰水晶 $32 夏天食呢個係爽既 店員細心建議唔好落咁多糖漿 唔係到底會好甜 呢個酸酸甜甜入口即散都唔錯

成個商場間間食肆都門可羅雀，唯獨呢間好多人等，7點幾拎飛後約8點就有位，上次8個人食都無機會自己揀想食嘅，今次得2個人，可以認真揀野食，用平板電腦落單更方便。首先黎嘅係軟殼蟹卷，好肚餓時食覺得好好味，出面係黑色嘅蟹籽，食完棚牙會黑哂。厚切三文魚，切開左一格格同有炸蒜喺面，好食。魚腩盛，唔大舊無咁漏，好味。豚骨湯餃子，有個爐仔坐熱，味道ok，湯底好濃。大盛親子軍艦，我唔食咁大粒嘅橙色野嘅，但男友人話好正。名物！等等蒸蛋，好味嘅，又有個爐坐住，入面唔係平時嘅魚蛋草菇，係新鮮蟹肉鰻魚。特大海鰻魚，唔好講笑，真係好長，無骨嘅，好味。白身三点盛，即係油甘魚，油甘魚腩同魚背，其中魚背幾特別，好味。海胆魚背兩味，我唔食海膽，男友人話呢隻海胆唔係平時嘅海膽，但講唔出係好味定唔好味。北海三点盛，即係海膽，三文魚子，葱粒呑拿魚腩，另外兩舊係螃蟹羔醬，梳，我真係覺得好核突，男友人話麻麻。雞翼餃子，無乜特別。千尋海老刺身，男友人話好味過甜蝦。最後獨食左碗迷你烏冬，好滿足。題外話，隔離枱坐左兩個港孩同佢地媽媽，兩個𡃁妹好大聲用英文傾計，類似celine tone但又唔係特別好聽，好騷擾，我地講緊嘅topic佢地