茶湯會 (環球大廈)

營業中

休息中

星期五晚無奈OT，需要補充吓糖份先捱得住-,-諗起之前經過環球大廈地下茶湯會有套餐，同同事落去睇真啲有乜選擇套餐係全日供應，OL嚟講當一餐正餐都夠飽我同同事皆在飲嘢，叫咗一個餐+一杯水果茶三文治（吐司）就share食店內有茶俾客人試飲/解渴另外都有潔手啫喱俾客人唧店員態度有禮認真，唔錯水果茶無得少甜，但同事話甜度okay水果份量都幾多，飲落唔澀同鮮甜，仲有熱情果，火龍果呢啲比較健康嘅生果，同事表示滿意🤣吞拿魚沙律吐司係即叫即製餡料意外地多，吞拿魚沙律嘅食感比想像中輕盈，用嘅沙律醬似洪_珍嗰種，無乜油膩感，幾好鐘意佢另外再夾塊煎蛋皮，令到三文治更加香🤤

約咗朋友係中環畫廊扮下文青，去之前決定搵啲野食落下肚先，發現附近有間茶湯會，未試過嘅我地決定一齊去睇下有咩揀。呢間比其他茶湯會分店好似大啲，又有得坐都幾舒服，後尾先發現原來係旗艦店。-燕麥觀音拿鐵+珍珠 $34佢地新推出咗燕麥飲品系列，平時一向好鍾意飲茶嘅朋友揀咗呢款試，仲額外加咗珍珠，我都偷飲咗幾啖。估唔到觀音味道好突出，朋友揀咗少甜，甜度岩岩好。燕麥比想像中大粒，都幾飽肚。不過我地都覺得可以唔使再額外加配料，珍珠有啲唔夾。-新鮮水果茶 $32水果茶以往我都飲過另一間好出名嘅台式飲品店，茶湯會呢款感覺無咁甜，建議大家都可以再叫少甜，因為水果甜度本身都好夠。水果配料都幾豐富，每啖都飲到百香果粒。-吞拿魚沙律吐司 $31本身以為吐司好似飛碟咁細細塊唔會好飽，但入面好足料，兩個分都差啲食唔晒。吐司除咗有吞拿魚沙律，仲有煎蛋，鹹鹹地幾開胃。