居食屋「和民」 (1亞太中心) (已結業)

朋友有和民卡，所以訂定枱七點半黎晚飯。入到去，我地一行七人被安排坐在有獨立板間的長枱 (其實印象中和民係無圓枱的), 私隱度唔錯.見套餐啲菜式都啱食，就叫左個四人餐同二人餐。未開動前, 竟然發現某些碗筷上有飯粒, 所以衛生扣分.食左凱撒沙律同和民沙律, 和民沙律比較特別, 有羅馬生菜, 西蘭花, 車厘茄, 燒雞, 蝦仁, 吞拿魚蛋黃醬.整體而言, 和民沙律蛋味豐腴, 同D材料幾夾.  不過雖然蔬菜新鮮爽甜, 但燒雞口感一般, 切得太薄了, 而蝦仁無鮮味, 全靠蛋黃醬調味.仲試左炸雞軟骨同溫泉蛋雞扖煮, 呢兩樣推介的之後仲有漁師風壽司係自己用紫菜包住D飯黎食, 呢個壽司飯都係無得輸 不過估唔到呢度的刺身唔好食, 外觀同味道都唔得.呢餐還有牛肉鍋, 嫩雞鍋同其他中規中矩食物. 總結, 和民的食物有好有唔好, 但好處係無時限, 所以不失為傾計食飯的一選擇.

今晚約左成班觀塘人聚舊，就去左和呢食，貪佢坐得C服可以傾耐D。開始梗係食沙律la, 食左咁多年都係叫和民沙律$58，全份4個人食都夠，而且照燒雞入味，不過cut細件D個比較好。再黎柚子鹽脆雞翼$38......冇味lor，even 我食最多柚子鹽個隻都係～冇～味......入直路就黎個池魚燒$56及關西章魚燒餅$53，池魚ok, 肉厚唔魚星，不過記得要襯熟食。關西章魚燒餅都好味既，不過份子比較少，一人分得一個角仔。最後到甜品，鮮果in蜜糖吐司盒子$53，個名長到呢......不過呢個要強推！Presentation靚，料足，雪糕麵包加生果冇得輸，不過cream就實在太多，我要避開晒先食到。