Samsen 泰麵

營業中

休息中

我用左45分鐘等，眼見有人揸車叫外賣，跟住企起車尾食，好誇張咁啊。真係咁好食？結論：無下次。😌和牛船麵：牛是靚的(3-4塊吧)，牛腩夠林，牛丸普通野，河粉都彈牙，可惜最重要的湯底無特別。相比下，我都係去番銅鑼灣世貿對面一小店，或西環有間3個數字命名的更好；價錢只是一半甚至1/3，不用排隊，性價比高好多。蟹肉炒飯：不錯，蟹肉多，但出邊好少少泰菜都會食到，所以我不會因佢那炒飯再去。味道：咸和重口味，應該有不少味精。環境：迫和音樂好嘈奉勸：比比皆是，不用排隊。

wagyu noodle:soup is very creamy with excessive beef taste, one sip u cam tell its boiled with real ingredient for hours to get all the extract and taste from the bones and meat.noodle texture is very great, not over cook, still remain the chewy thats what thai noodle suppose to be!size is big enuf for adult.crab fry rices:compared to noodles above it just a normal dishes that can be found in other thai restaurant. i can tell the ingredient is rich only.*****most important, waichai shop table is

今日搵開女朋友食lunch, 就揀左佢公司附近依間試下佢地最聞名既船麵。其實之前都有興趣係度食dinner, 但排隊既人流太誇張了。見佢opening hour係12點開始，我地已經12點15分到，但已經full house要排隊。係排隊過程中waitress已經會問你要唔要飲住野先，都算細心。先講講依個招牌菜，船麵既湯頭好濃郁，杰身，濃得黎好甘香，應該係有九層塔係度。佢上面會配有啲脆豬皮，好香口但掂到湯都好快淋，建議快食。佢既面似係粉絲個種，幼身但煙韌。反而面上既牛肉用唔用和牛我都覺得唔太重要，因為個湯同麵都夠晒加分。枱頭有啲辣椒油俾客人加，但建議唔落重好，因為落完我覺得有啲影響原湯既味，後悔落左。依個蟹肉炒飯都好夠味，蟹肉份量唔會太少，都大粒。唔落佢個dip都好夠味。但論深刻就不及個船麵。

近排啲同事講起喺灣仔食過一間泰國菜，佢地形容為”就算大排長龍都值得等”。咁啱呢排又想食泰國嘢又去開港島呢頭，就決定試吓呢間餐廳。我哋特登早啲去，因為知道七點之後都一定會多人，點知都要等位。眼見前面都有七至八張枱要等，好彩待應同我地講話有位會打俾我哋，所以我地去附近行左陣。呢個service都唔錯，最後我哋等左30分鐘度就可以入座。間餐廳嘅裝修都算簡樸，亦見到好多懷舊嘅擺設，令你覺得好似去咗外國一樣。我哋order左最多人叫嘅和牛船麵。碗麵好快送到，驟眼望落去見到個湯好濃郁，碗麵都好足料。事後上網睇返先知原來濃湯係以豬肉、豬血同牛血熬足兩個幾鐘先完成，唔怪之得個味可以咁Rich。至於船麵裏面嘅和牛、牛腩肉質到好腍。牛丸亦冇得輸。雖然碗麵嘅定價係比較貴，但係食到出邊食唔到嘅味道我覺得都值得。除咗船麵我地都叫左pad thai，雖然都好食，但係一定冇和牛船麵咁驚喜。

因無預先訂台好聰明地係星期五晚上8點幾極繁忙時間去左食一去到就見到一大堆人落左名服務員話至少等50分鐘咁唯有等等等等等好似最黎等到個半鐘先入到座到食都已經十點個湯真係好濃不過佢既麵好少 連坐我隔離位男士都不禁驚嘆好少麵（都138一碗麵 預期食飽正常吧）再點一個炒粉 鍋氣夠晒 好味甜點無晒芒果糯米飯 所以食椰子雪糕 椰子味濃 配焗過既花生增添口感 再加我好鐘意晚粟米整體而言 如果唔駛等可以考慮但等太耐加份量細 試一次夠lu

去過泰國，但未食過船麵反而係香港見到灣仔既船麵咁多人排隊，身為KONG girl既我，搵左男友陪我排左成個鐘辛苦哂佢我地今餐叫左和牛船麵，豬頸肉，仲有pad Thai . 首先講左個和牛船麵(排咁耐就一定要試呢個) ，我諗係呢到最出名同多人講既，的確湯底濃郁，牛丸夠爽，牛肉林，麵應該係粉絲，有口感。Pad Thai 就個蝦都大隻，質感唔會”梅”左，okay 既。豬頸肉都okay ~ 反而我覺得做得出色，有心思係最尾個甜品🤣班蘭椰子湯丸，我本人唔係好鐘意班蘭同椰子。但今次又覺得幾夾，湯丸有椰子絲，花生，再加啲椰子淋上面，覺廚師好有heart整，花心思P.s 如果多人排隊等得耐，可以去利東街逛下，肚餓可以試埋卡樂b 商店整既薯片(可算是即整薯片)打定底今次既食評係咁多，多謝收看。

今次係第二次到Samsen 食飯見到門口好似唔係好多人以爲唔駛等好多張枱但咁諗真係錯晒因爲間餐廳問左你幾多人之後係會攞埋你電話，等到差唔多有位就會打黎叫你返黎好多人都留左名之後到附近既酒吧一路飲酒一路等位話說個侍應一開頭話要一個鐘，但結果係等左兩個鐘先有位由唔餓到餓又變返唔餓到終於等到電話話有位入去叫左和牛濃湯河 — 不愧爲招牌湯河，唔單止啲餸好味，個湯簡直係精華所正，每一啖麵都掛左好多湯喺上面👍🏻蟹肉奄列—泰式蠔仔奄列既蟹肉牌，啖啖都有蟹肉之餘又唔會好似蠔仔奄列咁有陣腥味，配埋個辣醬真係一絕椰子荳冰—鐘意椰子既話就要試下喇，不過要快啲飲，啲冰融左之係杯嘢會溝希左芒果百香果冰—有好濃既芒果同熱情果味斑蘭椰子湯丸—斑蘭湯丸入面唔知包左啲乜嘢😂（椰子乾？）加上咸咸既椰奶，份量有啲細但味道有驚喜椰子雪榚—唔駛多講—必食食物飲品樣樣都好，難怪咁多人黎食但值唔值得等咁耐就見仁見智

於灣仔人氣甚高的米芝蓮推介泰菜, 顧客以外籍人士為主, 舖面不大, 所以閒日晚上都要等成粒鐘, 幸好可以用電話通知, 而不用在門口等. 招牌和牛船麵非常好食, 湯底加上豬血非常濃郁好味, 配料有幾片和牛及兩件牛腩, 入口腍滑, 而牛丸和幼河粉都彈牙. 還有幾塊炸豬皮加添香味和口感. 不過, 其他配菜及小食方面就太貴了, 芥蘭炒燒肉索價過百, 味道一般, 跟一般泰菜餐廳沒分別, 完全不值. 炸豬頸肉也很普通, 豬頸肉像普通豬扒, 沒有豬頸肉的爽脆.

今次專誠嚟到灣仔米之蓮得獎餐廳食船麵，灣仔地鐵站行10分鐘就到，去到時候已經見到人龍，等左唔洗10分鐘已經可以入座。我地叫左2個和牛船麵(包飲品),飲品叫左2杯泰式奶茶。我覺得係自家炒既辣椒醬料。不過我地都唔食得辣...和牛船麵。 和牛船麵有牛丸、牛腩、牛肉。湯底濃郁，湯底可以掛係麵上，非常好味，差唔多飲晒成碗。牛腩好淋，不過都係牛肉最好味。泰式奶茶。呢杯奶茶，係我係香港飲過最最最有泰國味道既泰底奶茶。 總結。我同男朋友都係覺得麵既份量比較小，但係以味道黎講，係絕對值得呢個價錢$128加一。

因為地點比較偏僻，任何時間都大排長龍，午市過黎既意欲大減，有次難得時間充裕少少就試下啦~虎蝦炒金邊粉 lunch set ($118) 配凍青檸茶足料4隻虎蝦爽口彈牙，金邊粉夠哂鑊氣、味道正宗，難得唔係得個甜字。 伴碟有青木瓜沙律、花生粒、大量香料同埋九唔搭八既一棵蔥，加埋台面幾款辣醬好惹味。 跟餐既青檸茶 甜甜酸酸，由原個青檸榨汁製成，茶膽有好特別既幽香。和牛船麵 lunch set ($128)深褐色湯底牛味濃郁，有金不換、紅蔥頭等香氣，鮮甜得黎唔會膩，似金邊粉既軟滑麵底索滿湯汁一流。 和牛、牛筋丸同牛腩都好夠牛味，但牛肉薄切，料同麵既份量偏少，有機會食唔飽。炸魚皮 ($18)炸魚皮厚度似薯片，夠脆但確喉死咸。烈日下排左大半個鐘，味道冇咩大驚喜，最有泰國風味係全程由排隊至入座都曬到喊，試一次就夠。

和牛船麵：有聽過泰國有名的船麵醬嗎？湯底用生豬血和黑醬油熬成，有濃烈的香料和中藥味，配料的部分有和牛，牛腩，牛肉丸子，佐適量的通菜，食的時候還可以加用辣椒特調的醋！最近好像對東南亞菜上癮了！中午跑到灣仔藍屋附近的泰麵，沒想到人龍排到街尾，唯有觀望一下開放式的餐廳擺設和廚房吧！除了地磚和桌子是牆壁是懷舊風格的瓷磚，中式的裝修播放的西方音樂拼在一起原來沒有什麼違和感哈哈