品香樓中西風味餐廳

營業中

休息中

真係撞鬼，依篇食評既相，我足足Upload左2個星期有多。有時Upload到1,2張相，有時1張都Upload唔到今次係太婆生日食飯，因為就老人家唔去得遠；所以就係佢地家附近既品香食晚飯啦。品香，曾經係我家成日去食飯既地方，Lunch又去，Dinner又去，因為又近又好食嘛。以前既排骨粗炒，上海粗炒都好好味呢；重有炸鮮尤，炸銀絲卷。不過依家有D野冇左囉，質素亦冇以前咁好食；價錢重貴左好多添。落完單冇耐，好快就上左2隻乳鴿。我自己就對乳鴿一般，但在場的其他親友都話好好味。糯米飯，因為有臘腸，我聞到陣味就唔想食啦。但係公公食左幾碗話好好味。鮮腐竹好好味，但係旺菜切得勁大舊，一舊已冇左1/4碟。跟住就算舊細舊D的，都重係好大舊依個牛肉一上枱就好吸引，因為要點火既；不過係賣相囉，味道就冇乜特別啦。而且一直燒住，其實夾餸時都有D麻煩。西蘭花墨魚帶子，好一般既菜食，冇話特別好唔好食。帶子份量都幾足；我地有8個人左右，一人最少食到一粒。令人失望冇味的炸鮮尤，曾經品香既炸鮮尤係好好味架；但係依碟真係唔得，完全冇味，炸得又唔夠，總係差DD咁。老人家同小朋友最愛的咕嚕肉，就咁睇好似只係得肉，其實D青椒，菠

學校係石硤尾，所以間中都會尼品香樓食飯，質素同附近餐廳相比已經算上品(當然價錢亦成正比)。今次適逢朋友生日，聽講品香晚市同午市係唔同主廚，而晚市質素更好，於是我地就book左位晚上7點去品香食生日飯~是次一共點左6道小菜：咕嚕肉、椒鹽豆腐、魚香茄子煲、中式牛柳、蝦醬通菜炒鮮魷同埋賽螃蟹。咕嚕肉: 好好味! 平時都已經好鐘意食咕嚕肉，真係冇得彈呀。絕對唔會好似食緊粉團咁，啖啖肉不過唔知係咪因為我地多人，覺得肉塊偏少，我地好快就搶完喇，哈哈。椒鹽豆腐: 推介! 尤其是岩岩上菜既時候一定要趁熱食(小心辣口XD)，因為真係外脆內滑，食到停唔到口，唔洗點醬都咁好食~魚香茄子煲: 因為平時都唔食魚香茄子，所以不作評論。   蝦醬通菜炒鮮魷: 每條通菜都入晒蝦醬味! 真係好耐冇食過蝦醬炒通菜喇，用尼送飯一流呀 魷魚我最愛!! 好滑好好味。中式牛柳: 一件件好大塊既牛柳又係入晒味，肉質嫩滑稔軟。一碟都有好多件，勁抵食。賽螃蟹: 第一次食，撈飯絕配，啲蛋白好滑呀，又真係幾似食緊蟹咁我地差唔多個個都叫左呢度招牌既凍朱古力($16)，見到樓面姐姐一杯又一杯咁拎出去就知道真係好高人氣呀晚市既朱古力係有忌廉係上

成日都聽人講品香樓又好味又抵食，今日同朋友去開石硤尾做義工，夜晚就決定黎呢道試一試啦!由於係星期六，所以鋪頭門口都大排長龍。好彩我地得兩個人 ，等左20分鐘左右就有位。難得黎到呢道，梗係要試下最出名既凍朱古力啦。濃濃既朱古力加上香甜既cream，真係好飲到停唔到。D飯送仲未到果陣我就已經飲左大半杯。由於得兩個人，所以我地淨係叫左兩個餸，分別係魚香茄子同咕嚕肉。味道不錯值得一試。如果魚香茄子味道淡返小小會更佳!食緊果陣見到好多枱都係一大班人一齊黎食，氣氛好好，仲可嗌到成枱餸下次我都約多幾個人，咁就可以叫左幾個小菜PS 朱古力實在太好飲，下次一於飲兩杯 

大約一年前已食過頂頂有名的品香樓，但當時得4人未能點太多菜式嘗試，今次約齊朋友共10人再試品香樓。朋友早一天訂座並預留了有名的風沙雞，本來是想要手撕雞但已被人訂光........，8時正到達被安排到新舖(越做越大了)因已訂座不需等候，該店位於舊屋村商場內，而內裡跟修也算新淨，兩邊卡位中間放圓檯，早上茶餐廳晚上小菜。開始點菜：1. 風沙雞 - 已預留，像炸子雞而加了很多熟蒜，外皮脆卜卜雞肉軟滑多汁，蒜味滲入肉裡齒頰留香，好吃。2. 生炒糯米飯 - 朋友上次食過後返尋味，材料有蛋、花生、蝦米、蔥，但這次覺得飯炒得太濕及味道不夠濃。3. 黃金花枝片 - 看上去有點像椒監鮮魷，花枝片食落比鮮魷煙韌亦鮮味足，可惜脆漿太稔。4. 泰式肥牛脆豆腐 - 玉子豆腐炸到外皮脆，牛肉像是灼熟較韌欠牛味，整碟菜淋上奈式酸甜汁，味道真是一般，失敗之作。5. 咕嚕肉 - 本來點生炒骨但無，改吃咕嚕肉，傳統菜式，咕嚕肉做得外皮脆肉嫩，配上酸甜汁，味道不錯。6. 南乳炸豬手 - 又是翻尋味，上次一吃難忘今次必點，而且還點了兩碟，炸豬手炸至豬皮脆卜卜豬手本身仍有肉汁兼南乳入味，再灑上熟蒜，好好吃。7. 麻辣干鍋大腸 -

IMG:6]又抵食...又好味...落的士後行幾步就到...9個人食埋單$840...環境ok，但唔清楚洗手間清潔程度...服務ok，樓面嬸嬸清檯速度快，蛋糕也隨即送上...手撕雞較大件、撕得幼細少少會更好...不可不吃首選 - 生炒糯米飯，比一般大酒樓出色...不可不吃次選 - 南乳炸豬手，不吃南乳及豬手的我，也忍不著吃了兩件...其他菜式亦可以...