彤粵菜小館 (已結業)

很久沒有試過這樣差的用餐體驗😕看到前人讃好食評，決定跟屋企人試吓小店晚飯，因為可以無限時暢敘。當晚6 時到達只得我們一枱，當時播出音樂很清靜舒服環境不錯，打開餐牌時才發現大部分菜式跟新年前比加價接近30%🙄， 有點驚訝！菜式擺盤精緻但餐量偏小…炒班球魚肉鬆散淡味，菜太淋已不成形，咕嚕肉質比較爽像黑毛豬較爽可惜豬騒味濃😖受不了，蟹肉銀絲煲$318 但份量偏小只有一小煲仔載着且佈滿薑粒，完全將鮮味蓋過。最差的是店舖安排，當晚中段陸續開始入座，其中有相熟顧客佔用店內中間幾台全部位置，他們不斷喝酒大聲呼叫像開party 似的，由於店舖偏小樓底矮沒有隔板及房間，聲音遍佈整間舖，我完全聽不到屋企人說話，吵到我頭痛欲裂，我們被迫早點離開⋯⋯以這個價位，不計食物質數，應該最少也有個舒適的用餐環境，如其給人包場開party 就不應該接街外客，4 個人付$1320 實在有太多更好選擇！

今日諗住食點心，點知今日沒有點心餐牌😔😔😔超級失望，只有小菜套餐,心情即刻跌到谷底。但都沒有辦法已經坐下了，我哋唯有叫了小菜套餐我們叫了蟲草蒸雞、同咕嚕肉和燉湯。當個燉湯一到，我立刻飲一啖湯先真係喜出望外清甜溫度又夠，味道鮮甜重點係沒有味精，如果有多一碗就正啦😜。個咕嚕肉味道適中而且個個脆皮係剛剛好啖啖肉並唔似得其他店的咕嚕肉的肉粉太多只吃到粉同骨。至於個蟲草蒸雞，雞肉滑有肉汁 用來撈飯一流😚我的心情由谷底慢慢變成驚喜，真係柳暗花明又一村🤭。不單如此，店員的服務態度一流，又會同你傾下計，值得－讚👍🏻。

上次嚟呢座大廈食飯見到呢間新餐廳裝修好似幾好，今日等老婆收工去尖沙咀買嘢，就上去試吓，一入到，個環境真係幾好好有古典味道樓面安排我哋坐係中間位置，枱與枱之間距離都唔錯，我哋點左每人一個燉湯，咕嚕肉，青咖哩雞，蟹肉粉絲，個咕嚕肉真心掂👍🏻😋個青咖哩雞超驚喜，好香咖哩味，雞都好滑，再配埋個薄餅真係超得，原本老婆仲話我做咩叫埋呢啲茶餐廳菜式😒點知佢就係食得最多囉，一路食就一路話好正，最後仲忍唔住叫埋碗飯送汁🤣，真係超值得試，蟹肉粉絲都好味，如果蟹肉再多啲仲更好，之後部長見我哋食飽問吓我哋意見，傾傾吓原來呢個個廚係以前龍璽做的，終於明白點解呢餸咁掂啦，原來係大廚出品😎，最後部長叫我哋唔飽就要試吓佢哋個租品芝麻卷😍，我一聽到就話好，呢啲兒時回憶點都要試吓呢個芝麻卷好香芝麻味同唔太甜，睇得出呢度個廚房好有heart，總結今餐好驚喜，中餐來講好有水準，一啲都唔係大排檔貨式，下次會再約多兩個朋友，可以再試多幾個菜👍🏻

之前試過佢哋既午市套餐，覺得食物同環境都唔錯，所以星期日就帶埋屋企人一齊再去試佢哋既晚餐我哋6點半到，已有兩枱客，香港人越來越早食飯🤣，我哋一行4人，點左兩個杏汁豬肺燉湯，而家做緊買一送一，好抵飲👍🏻，燉湯依然同之前一樣咁足料👍🏻杏汁味道剛剛好，唔會太濃烈蓋晒啲味道。點左兩個前菜，紫薑皮蛋同咸蛋炸魚皮，主菜就叫左咕嚕肉、乳鴿、蟹肉粉絲煲同蒜蓉炒菜芯，前菜既魚皮好嘢味，主菜既咕嚕肉依然同上次午餐一樣咁好味，外脆內軟好juice蟹肉粉絲煲個粉絲做得好乾身味道不錯，不過如果蟹肉多啲就更好🤣，乳鴿同菜都係大路野最後甜左兩個甜品蔗汁糕同芝麻糕，個蔗汁好特別，第一次食，好香蔗汁味同埋唔太甜，啱晒唔喜歡甜既我🤣，芝麻糕好香芝麻味，賣相味道都好得，阿囡話啱晒打卡🤣。我哋一家人慢慢食慢慢傾，成晚唔使趕，坐到10點😅舒舒服服食咗一頓Sunday Dinner 👏🏻 媽咪話下次可以再去😎

見到派宣單優惠，午市燉湯午餐四人同行一人免費，膽粗粗就同3個同事去試吓，環境幾靚坐得都舒服。我哋每人叫左一個燉湯湯午餐，燉湯有驚喜👍🏻足料好味😋小菜份量適中，午餐來講都唔錯，我哋4個餐最平嗰個免費，我哋二口同聲都話可以再encore 😋😎見到佢哋既晚市餐牌價錢都唔貴，我哋收工晚飯又多個地方😎