木子園 (已結業)

回港的朋友想食中菜，據聞這家館子不錯，遂與友同試。餐廳雅致整潔，氛圍舒適寫意，予人開揚的感覺。開茶後，店員同時送上餐前小食花生豆乾青瓜粒，先開一開胃口。兩個套餐的前菜都是四喜烤麩和紹興酒糟醉雞。烤麩夠入味，有嚼勁，卻又不靭；醉雞酒香尚存，雞肉細嫩，是一道恰宜的前菜。套餐一是咕嚕肉與雞湯小雲吞。豬肉塊頭大，肉質腍滑，裹着酸酸甜甜的咕嚕汁跟爽甜的菠蘿同食，醒神醒胃。雞湯小雲吞的雞湯醇厚芳香，好像雞的精華都煮了入去！雲吞的皮薄而滑，細細粒容易食，份量剛剛好。套餐二是孜然羊肋骨和四川擔擔麵。三件羊肋骨肉質軟綿，孜然的味道完全滲了進去，非凡的惹味！而四川擔擔麵的湯有頗濃的花生醬味，沒有辣味，喝下順喉。麵條較粗，軟硬度恰好，細細碗可以秒速清碗。我們另外要了客蟹肉粟米羹。粟米羹本身的鹹甜味拿捏得很好，不覺落了很多生粉芡，加了蟹肉簡直錦上添花！朋友都給了讚！

約同事食開工 Lunch服務好，用心做食物，質素好，擺盤有心思，位置一流，裝修優雅，仲有打卡位一個 Set Lunch 有前菜，前菜既醉雞好入味，主菜有小菜類，同事叫左咕嚕肉同黑松露蘆筍炒帶子，我叫回鍋肉，主食有點心又有飯麵類揀每款菜味道唔會太濃，都係啱啱好，擔擔麵既香辣唔係死辣，好好味，不過略嫌湯既本身唔夠杰，蘆筍炒帶子超好食，帶子大大粒，超值，小籠包皮薄湯夠熱，讚~同事仲大大力讚鮮搾果汁，粒粒果肉無欺場，覺得叫果汁係精明值得再黎值得推介

朋友介紹話The L place開咗間新川菜，鍾意食辣嘅我梗係唔放過啦！去到門口已經有個搶眼嘅打卡位，入到去環境唔錯，幾舒服。食嘢前去洗手間洗手，都好企理。首先上菜嘅係酸辣湯，酸度辣度適中，超級開胃。之後就係蘿蔔絲酥餅，侍應話係即叫即整，所以等左都有10分鐘，不過係值得既！好酥脆，而且入面足料！到我最期待嘅水煮魚，大大份，一啲都唔孤寒喎，辣椒炒得好香，每一塊魚片切得均勻，完全無骨。值得推薦!而咕嚕肉就不過不失，唔厚粉，用既係新鮮菠蘿食到最後就嗌咗炸雪糕，都幾大嚿，可以三個人分，算係幾抵食呢間會推介朋友，下次再黎試下片皮鴨。