Asobu Bistro (已結業)

為左個蛋包飯黎 佢間舖好細 大約坐到16個人左右 兩個人去好大機會要搭枱 去到大約7點，等左4張大約半個鐘到 除左蛋包飯好似仲有d burger 咁我地都係叫蛋包飯啦 叫左個咖哩吉列豬 同埋一個鰻魚 個蛋包飯真係好正 一刀𠝹落去就會分開鋪滿成個飯 份量都幾大 食晒成個真係好飽 加外我地有個加左餐 話有沙律同三件小食 不過就覺得有d 伏

呢間一直on my list好耐～ 今日終於有機會試下出名既蛋包飯～未夠七點半黎到⋯門外已經有七八個人等緊～先入去攞飛～ 等左十五分鐘到⋯由於前一個籌未齊人⋯益左我地入先😛😛 (一定要人齊先入得架!!)舖面勁細⋯只係坐到十五六人到⋯仲係好逼果隻～ 原來除左蛋包飯⋯仲有好多其他野食～焗飯⋯咖喱飯⋯pasta⋯all day breakfast等等～ 第一次黎梗係食蛋包飯！基本上個個都係食呢樣～ Dinner加12蚊可以有埋沙津同前菜～ 我冇食⋯所以comment唔到～ 我嗌左咖哩吉列豬扒蛋包飯～ 好似係最多人嗌既第2位～ 落單前偷窺到人地個蛋包飯係炒飯底⋯有洋蔥係入面⋯由於我唔食洋蔥⋯老闆娘就話可以轉白飯底～ 好大個蛋舖係飯上面😍😍😍 郁下隻碟隻蛋會震騰騰架！急不及待攞刀𠝹開佢～ 好薄好薄既蛋皮入面包住未熟透既滑蛋😍😍 試一啖先～ 好滑好滑～ 充滿蛋香～ 應該加左牛奶去煮⋯有微微既奶香～ 好食😋😋😋 咖哩甜而不辣～ 豬扒炸得表面香脆～ 肉質結實但唔鞋口～ 略嫌薄身左少少～ 朋友嗌左豚肉蛋包飯～店主有掛出最多人嗌既十大～ 呢道係榜上無名既🙈🙈🙈 但我覺得豚肉好食過吉列豬扒！豚肉煮得好稔！一

晚上加上有下雨，室內不會太熱。派籌等位，所以可以躲入屋簷下避雨。跟晚餐的沙津菜很新鮮，雞翼也很好味，反而薯角就沒特別了。餐沒有飲品，試了特飲，味道好，飲一半加水也不太淡。咖哩汁甜甜的，但很香及惹味，蛋包份量合理，是平時澳牛炒蛋的兩份，大滿足~~反而茄汁配蛋包反而味道一般，蝦也是一般。室內見已有數件小風扇夾在枱上備用，很窩心~