九記牛腩

營業中

休息中

有外地朋友黎到香港,指名話要食九記牛腩,就帶左佢黎啦。事先已經同佢講因為十一黃金周,多數要排好耐隊。果然不出我所料,條隊長到...朋友去左數人頭,聲稱話有100個人排緊隊喎...等左成一粒鐘先有得入去。咖哩牛筋腩伊麵 $48我自己就叫左個咖哩牛筋腩伊麵, 因為真係好惹味。不過一定要帶定紙巾,因為會辣到流鼻水,但啲咖哩汁真係好味道我會飲哂佢!啲牛腩都保持水準既,正如啲服務都保持'水準'2位朋友都唔食得辣,所以都係叫左清湯上湯牛腩伊麵 $48上湯牛腩河粉 $48朋友覺得好新奇,點解粉麵都分咁多種類,佢地就試左伊麵同埋河粉,都一致認為伊麵好食啲。至於牛腩都係得到外地朋友既肯定既。食完,條人龍依然係好長...

經常聽見友人提及的九記牛腩，今日終於前來品嚐。下班後，與友人一起搭「叮叮」去上環，心情輕鬆。九記地址雖是在中環，但由上環步行上去會較快。行了一段長長的斜路，6點半左右，門口已見少少人龍。店內坐滿客人，食客來去匆匆，所以等候大約十多分鐘便可入座。現場的環境氣氛不太適合聊天。蔡蘭推薦👍👍淨食肥牛、牛腩、牛筋腩索價百多元，價錢不太親民。湯麵大約價錢四十多元，撈麵則六十多元。罐裝氣水$13，啤酒$17，飲品價錢$13-28。一碗碗美味的牛腩麵就是在這小小的半開放式廚房內完成的。友人問道：「吃不吃辣，食唔食伊麵？」我說：「我食得辣，伊麵冇問題。」坐下後，不用看餐牌，友人己幫我點餐了。咖哩牛筋腩伊麵$46友人為我點的咖哩牛筋腩伊麵，顏色及味道看上去好濃似的。友人說：「要快食，麵吸湯的速度非常快。」聽完二話不說，喝口湯先，味道如視覺預期一樣够濃郁，正，辣度適中。伊麵煮得剛剛熟，帶點嚼勁及爽口，麵條索滿咖喱汁。一路食，一路忍唔住講：「好好味」。搭枱的台灣遊客都忍唔住問：「你吃的是哪一款面」。他也點了一碗，吃了第一口，他也用半咸淡的廣東話，說：「好好味」。不過如不能吃辣的要留意，湯底會有越吃越辣的後勁。

聖誕過後第一個工作天，由於歐美市場上星期五同是假期，今早工作量比平時小90%。是一早鼠出去搵食的好時機，12點正便離開坐位。雖然聖誕期間不停地大魚大肉，心血來潮下還是想吃點肉，正常時間去九記又要等好耐，今日就正正係好時機。由IFC走到九記，足足20mins，到步時門口已有十幾人在排隊。試過一次遲5分鐘，已經排到Homeless 門口。唔想排隊，可以在收工時段來，我試過一次來買外賣，坐位多的是。 做清湯腩其實很簡單，基本調味料離不開果皮、薑、蔥、紹興酒，如配上白蘿蔔必須放一小片冰糖，要決是飛水和文火煲三、四小時，那湯才會清。如果想牛腩肉味更加濃，可以將煮好的牛腩一整塊掛起風乾，像美式dried age牛肉令水份收乾，食前再放回鍋中煮一會。最重要還是要用上新鮮牛腩，自家做當然要找相熟肉檔留起。至於要吃那個部位，什麼爽腩、坑腩、蝴蝶腩，喜歡吃肥的、瘦的、淋的、有咬口的、有根、無根，實屬個人喜好，沒有特定一個部位最好吃。小弟最鐘意吃坑腩，貪其肥厚肉味濃，最欣賞九記反而是那個牛肉湯底，牛肉味濃郁。來九記食牛腩，正如以下很多食評所講，很多人為其名氣而來，來過一次的人，喜歡的便會再來，不喜歡不再來亦

由於收到 openrice 送既換票証，今日收工趁開場前有時間，一收工搭車落中上環決定一嘗九記的咖哩牛筋腩伊麵($26)去到六點三左右，一坐底即叫哩腩伊，很快熱辣辣的伊麵便端上來，外表幾精緻，夾起伊麵輕嘗一口，咖哩湯底帶辣，伊麵爽口有咬感，兩者確是相輔相成。整碗伊麵份量比想像中大，牛筋偏多，腍熟的牛筋確不錯，但腩就煮得比較碎，影響牛腩應有的質感，變相令主角是咖哩伊麵，牛腩成為大配角食麵期間，無意間見到清湯牛腩河的賣相比哩腩伊更好，看來要試出九記牛腩的真功夫，務必要試其清湯爽腩了值得一提的是，老闆九哥仔好似心情不大好似的，短短半個鐘一直見佢玄檀面口同員工訓話，收錢連多謝都無聲