屯門咖喱屋

營業中

休息中

上次同朋友去屯門睇戲，之後行行吓見到呢間幾有特色嘅印度餐廳，小女子醒起幾年前都食過，所以就決定同朋友去食多次今次叫咗2人餐$205個餐包咗是日餐湯印式串燒五香雞件2款咖哩(咖哩雞，咖哩牛脷)蒜茸炒椰菜白飯和烤餅2杯野飲(凍檸檬茶)一入去未叫野食就送咗個小食醫肚先，個餐湯係雞湯，入面有雞肉，亦有胡椒味，清得嚟幾好飲個五香雞件肉質都淋，但係就幾辣，辣過咖哩嘅主菜呢次咖哩就揀咗雞同牛脷，兩款咖哩味道同顏色都有少少唔同，但兩樣都唔會太辣，咖哩雞嘅咖哩色澤比較淡，雞肉唔算特別滑，不過都好淋同入味，咖哩牛脷嘅咖哩就比較深色dd，而且每塊牛脷都好厚身，又好淋，所以好有口感蒜茸炒椰菜就正常味道，除咗可以配白飯，烤餅都比較特別，值得一提係個烤餅好大塊，而且口感煙韌，點咖哩一齊食好夾，好好味呢個價錢仲包埋兩杯飲品，而且唔洗加一，性價比都幾高，加上正宗印度野都唔係周圍都有，如果入到屯門都可以試試呢間 

嚟到屯門緊喺要跟當地街坊試吓啲街坊餐廳，今日6:00pm嚟到，已經有兩檯客食緊，餐牌花多眼亂，最後都唔想煩，點咗個二人餐，轉咗手抓餅同拉茶。一來到上咗個雞湯先，真喺嘅甜同好岩香港人口味，胡椒味比較重Chicken Tikka作為前菜，普通不過不失喱個咖哩牛脷要大讚，大大舊厚切，炆到好軟身，個人比較喜歡喱種軟身嘅質感咖哩雞同牛脷都喺同一個咖哩底，喱個咖哩喺唔辣的，所以好岩送飯，食食下平時唔喺點食飯嘅都會食哂成碗炒雜菜就是普通的，甜甜地配埋咖哩好match手抓餅真喺要盡快食，凍咗個口感無咁好終於來到重頭戲，喺你臉前拉出超多泡泡嘅拉茶，打卡必點之選

一直未試過，放假就嚟試下。大概12點幾去都仲有位，但大部分都已經坐滿。店舖內環境比較簡陋，有少少似細個港式西餐廳既佈局。中午去食會有set lunch,餐會有跟湯同飲品。嗌左個咖哩牛脷同咖哩雞，2個都加錢轉左手抓餅。因為會跟烤餅同飯，所以其實都好飽肚！強力推介咖哩牛脷！啲牛好淋好好食😋食完大概1點幾左右，餐廳外已經有幾個人等緊位！會建議早少少去比較唔洗排隊。

位置方面:屯門置樂, 由v city/屯市行過去都有啲距離等待時間方面:12點幾到, 都仲有位, 即刻入得, 但去到1點幾開始多人.食物方面:今次嗌左2個餐.咖哩牛(腩) $53: 硬度岩岩好, 而且咖哩汁入晒味, 好好食.咖啡哩牛脷 $45: 煮得好淋, 好好食, 口感好好, 同樣地, 啲汁入晒味, 每咬一啖都有咖哩汁咖哩: 好好味, 同平時食到既咖哩唔同味, 好易送到飯, 同埋好多汁, 可以用黎點烤餅, 好好食.粟米雞湯 (包埋): 好想知佢係點煲, 因為真係好好飲環境方面:內外部裝修都幾特別, 地方唔算係好大, 但係舒適.員工方面:全部都係印度人, 佢地識識地中文, 仲會同啲客傾計, 有時會問好唔好食, 好nice!總結:果然, 係屯門最好食既餐廳之一!!! 價錢唔係貴!!!! 碟上既有牛﹑好多飯﹑薯條﹑雜菜﹑烤餅, 另上既有碗粟米雞湯, 仲包野飲! 60蚊有找! 好抵食!!! 食完所有食物真係好飽好飽好飽. 呢間屯門咖哩屋真係好好食好好食好好食XD 要講3次XD

平日lunch都帶開飯，見今日無帶要出街食，諗左兩秒就決定去食屯門咖哩屋，因為食過覺得好味又抵食！今日過左最多人既時間，不過點半入去都仲有唔少人，但就唔駛等位。一坐低都唔駛諗就叫牛脷，其實平日唔太鍾情牛脷，不過就係鍾情咖哩屋既牛脷，覺得佢質感同味道都幾好！唔會太腍有d口感！一黎就飲碗湯先！次次飲親都係熱辣辣，今次都係，有雞肉的足料湯！飲到尾聲既時候主菜就差唔多送到架喇！牛脷既咖哩汗汁同雞既咖哩汁唔同，牛脷橙d，雞肉黃d，不過個人就鍾意依隻橙d既咖哩多d！之前食無咁辣，不過今日食就覺得辣左d，唔知係今日重手左定調整左以後都咁辣呢？不過我本食都食得下辣所以依個味道仍舊「正」呀！$45包湯包野飲..仲要咁大碟，重點係味道夠正宗！我係唔鍾意d豆豆姐..同埋薯條有時新鮮但亦有試過係凍左架，但就今次黎講，薯條係新鮮架！開心開心😃送上午餐餐牌一個😂

屯門咖喱屋我都食過幾次都唔錯, 午餐都唔算貴 $30 一個午餐, 有湯有飯有烤餅凍飲唔洗加錢. 如果轉煎餅就加 $5.今次去見個餐牌多左牛脷, 咁就試下啦, 一向我都鐘意食牛脷, 佢今次真係整得好林, 如果鐘意食牛脷既 真係叫得過. 一定林過牛腩好多.今次去比我感覺d 野細份左, 唔知係唔係食物貴左關係, 定係 D 野太好食唔係好夠呢...想知有幾好味, 睇下下面張相你就會 Feel 到架啦...