阿拉丁咖喱屋

營業中

休息中

三個女人一個墟 最安靜時莫過於企係時代廣場諗爆頭晚餐想食咩 一轉頭望見大大個招牌 阿拉丁咖哩屋好在我地都屬於率性而行 咁就食咖哩啦～位置：時代廣場斜對面 羅素街嘅唐樓上2樓 方便同容易揾餐廳：星期日夜晚我地無訂枱 主餐廳就滿座 不過佢地係對面開多個鋪位 新裝修 乾淨又遠離廚房 食完包唔會成身油煙味服務：雖然係分鋪坐 但店員都會定期過嚟睇下 而且上菜都算快 食物質素：我地唔係叫咗好多 但烤包一定要食 第一次叫咗蒜味烤包 熱辣辣包質鬆軟 唔乾身 配上咖哩魚 但第二次叫嘅係洋蔥味 洋蔥粒太大粒 令到個包餡分離 而且洋蔥味淡 個咖哩魚本身已經唔夠香濃 當堂失色晒飲品：我係乳酪怪 當然要叫Lassi 一嚟可以中和番咖哩嘅濃味 同開胃食多幾樣菜總體：坐得舒服 食物質素唔錯 價錢親民 回頭指數

在香港食印度野，想起的都係重慶大廈那堆，如果係銅鑼灣，要食印度野，這裡是我的選擇。有一段時間無黎過，而家有唔同既套餐，D餐都幾豐富，今次就要了二人餐。頭盤係咖哩角，炸得香脆，餡料係一堆濃郁香料味既野菜。主菜係燒雞同咖哩魚。燒雞掩得很不錯，小小辣，唔會太強香料味，蓋過本身肉味，雞肉都煮得剛好，唔會老哂，係幾唔錯的。咖哩魚柳，魚柳就好普通，咖哩就好唔錯，用黎配薄餅真係無得頂。薄餅可以加錢轉味轉左蒜味同牛油，薄餅軟身帶有薄薄既蒜味，係做得唔錯的，唯一就係好快凍哂，影響本身味道。個餐其實仲有個飯，炒得乾身，正正常常。餐飲要芒果滑冰，唔係芒果水，係真滑冰。這裡的食物依然做得唔錯，希望仲做得住，唔會俾人迫遷就好了。

放完一天中秋假, 又到happy Friday, 我同admin 妹妹都想起很久沒去阿拉丁那兒吃curry, 所以不用想便走向神燈的入口記得之前逢1時上去都會人頭擁擁, 今次卻幸運地不用等位便有靠窗位置恭候麻辣小瑪's choice : 咖哩羊肉配飯admin妹妹's choice : 咖哩魚配烤餅另外我們加了10元要了一份兩件的去骨燒烤雞 (tandoori chicken)<<評語>>阿拉丁咖哩仍然維持水準;去骨燒烤雞非常好味, 熱辣辣的上碟, 香味撲鼻, 已去骨的雞烤得夠乾身但入面仍然很滑很juicy咖哩羊肉夠香辣, 帶點輕微的騷味的羊肉很嫩口不會黏牙, 飯來得有點遲, 不夠熱, 幸好配小咖哩汁還可咖哩魚味道比起羊肉的咖哩沒有那麼濃, 魚是雪藏魚塊, 不過沒有什麼雪藏味, 應該是有咖哩的幫忙吧, 烤餅跟飯一樣不夠新鮮熱辣費用平均每人42元麻辣小瑪的翻吃指數: * * * 1/2