Sol House Oyster Bar and Restaurant

聽過Sol 好好食好耐但價錢系高D，今日行過見到第二位5折，馬上去試下啦！發覺佢維持高質量，超抵食，抗疫強，抗疫強系大部分餐廳抗疫鬆懈，哩間非常好所有野做得好足-入門口時忘記用現在大部分餐廳改用的自助探熱器探熱，waiter馬上提醒。-檯上還保持放有口罩套-檯和檯之間距離非常夠，還有有部分檯是不招待客人。午餐由$98起，叫了兩個餐前菜-青豆湯好幼，好滑，好香，好熱-法國穀殼麵包皮脆有熱，食落好軟熟。-香煎龍脷魚陪北海道帶子（$108）5分 魚好厚好大，表面有薄薄得焦黃，食落是香脆的，魚肉好香滑，配菜有豆和薯蓉，薯蓉好幼好滑。-澳洲西冷配紅酒汁（$138）4分 叫了5成熟，但來到應該有6成半，有小小鞋，但肉味口感仲系幾好，紅酒汁帶點酸又真幾開胃咖，哩個仲好多種配菜，有矮瓜，豆，秋葵，豆角苗，每一種都有用汁煮過，好入味啊！難得。咖啡居然跟一杯熱辣辣杯裝的奶，高質餐廳表現，咖啡未加奶好香，加左奶好滑。整體真系超水準的餐廳。