金蘭花泰國菜館

營業中

休息中

每逢春季,口味總是變得很乾,特別愛吃香辣的東西。這次再次回到老牌泰國菜店,回味舊日的味道。這次推薦兩道菜,給大家參考。咖喱炒蟹這道菜可以說是全店最貴,但是這炒蟹可算是這店的招牌菜,不能不點。果然,佢無令我失望。濃郁的咖哩汁附上蟹肉上,與蟹肉的鮮甜完美融合。蟹膏不會太膩,只是份量有點少,很快就吃光。咖哩汁還可配上蒜蓉包來點綴,更添另一風味! 海南雞飯海南雞是我的最愛。呢次既海南雞真係啖啖肉,而且只有一條脾骨,d雞肉好白滑 加上份量剛剛好,唔會太多或唔夠喉,雞油味十分香。

每次去泰國旅行都要吃個夠、吃個瘋狂，因為當地美食實在正宗好味又經濟，好彩在港也能找到價廉物美又夠地道的泰國餐廳滿足口腹~在泰國必吃的當然是生蝦刺身，即剝即食特別爽口鮮甜，而這裡的生蝦刺身肉質緊實富彈性，配搭泰式醬汁更能提升虎蝦的甜味，認真食到lam lam脷~我每次食泰菜都必點串燒。呢度有豬、牛、雞肉、魷魚鬚、雞腎同雞軟骨揀。我地叫左6串，串燒嘅肉有彈性仲有肉汁，食得出好新鮮。而點串燒嘅沙嗲醬味道又香又濃厚，好有風味，極似泰國街邊食到嘅味道，係呢度值得一試既小食~這次還點了招牌菜咖喱炒蟹，螃蟹夠大隻肥美，味道香濃不會太辣，價錢亦相當經濟，難得難得~芋頭海鮮飯比人感覺好足料，面層嘅海鮮同冬菇舖得又厚又滿，個醬汁同d料都幾夾。底層係炒飯底加大大舊嘅芋頭粒，芋頭每舊都好香同好粉，食落夠晒飽肚， 呢個飯充滿唔同嘅味道，好有層次，食落滿足，抵食~泰式炒通菜入面有好咸香豆辦醬味，通菜食落夠嫩唔老，合格；而椰青夠大個，入面多水飲，形狀四正，靚過好多其他泰菜館嘅貨，28蚊個都算平~

每次同朋友或屋企人想食泰菜，就會諗到要去九龍城搵食，而試過好幾間之後，大家嘅結論係：呢間最好！店內的裝潢佈置好有泰式風情，而班服務員姐姐都係泰籍，加上一系列好正宗、好地道嘅菜式，令人好似身在泰國咁，即時relax晒~講返食物質素，今次我哋四個人order咗大圓法包椰皇咖喱雞，香脆大圓法包內有乾坤，一打開見到充滿香濃咖喱汁，即時令人食指大動，細睇入面有個椰殼裝住滿滿嘅咖喱雞，咖喱汁入口盡是椰香，刺激食慾，而咖喱雞既入味又嫩滑，越食越開胃；至於附送嘅椰皇水飲落好清新，一濃一淡非常夾~之後係咖喱炒蟹，大家都急不及待試試呢個極受歡迎嘅泰國名菜，切塊的紅蟹加入配菜、咖喱同香料炒香，完全能突出蟹肉嘅鮮味及彈性，獨特風味令人人都食到啜晒手指，回味無窮~而海鮮炒粉絲鑊氣十足，入面嘅海鮮份量多，有彈牙爽口嘅蝦球、魷魚同蜆肉，粉絲仲索晒海鮮嘅精華添！粉絲要炒得乾身、入口煙韌認真唔容易，呢度就有返咁上下水準喇~馬拉盞炒通菜幾乎係枱枱都會order嘅菜式，要將簡單嘅食材炮製到色香味俱全其實最考功夫，師傅就能夠保持到通菜的鮮綠，入口好惹味，鹹度適中，大家三扒兩撥就清晒成碟luu~蠔餅大家可能食得多，鐵板蠔仔蛋就

表姊妹好耐都未試過咁齊人喇！雖然唔係全部到齊，但LEE班算係細個玩得好多的一班了講番點解會黎LEE度食呢？因為我地細個時，阿姨成日都帶我地黎LEE度食架今日黎當大家回味下啦一早BOOK定位，咁就唔洗等喇我地一行十二人，所以就坐閣樓喇一坐低就睇下食咩先，人多可以叫多D無骨鳳爪，酸酸辣辣的好醒胃，之後仲要再ENCORE冬蔭公，一D都唔辣ARM哂我唔太食得辣的朋友呢生蝦刺身味道絶對冇問題，只係可能一早整定，D涼瓜同D冰痴住左囉炸蝦餅，VERY GOOD！一共叫左三碟明爐烏頭，NO GOOD，我唔LIKE食魚所以冇食，不過有食的人話D肉有D"梅"糯米釀雞翼，好香脆YUMMY咖喱炒蟹！正呀！配埋法包或者手抓餅真係正到暈呀其實邊止咁少野，只係掛住食冇影炸整體黎講，除了條魚外，其他都好好味