屯門咖喱屋

營業中

休息中

住屯門嘅應該都聽過呢間屯門咖喱屋，但我本身少去置樂，所以一直都無去過，不過朋友經常提起，都要嚟試一試！呢到嘅Lunch好抵食，$48包湯咖喱、蔬菜、薯條、烤餅、飯同飲品🤩 但今日嚟食晚餐，叫咗個2人餐，同樣超級豐富！•🥢 2人套餐 $1952人套餐有湯、白飯、烤餅同以下嘅餸，白飯偏硬啲啲，但預咗撈埋咖喱食，所以都ok，烤餅就有4塊，食落有啲煙韌～其實成個餐都幾多澱粉質，所以我哋最後都食淨咗啲飯🙊📸 印式串燒五香雞件本身以為係平時串燒咁，但呢個係錫紙兜上，冇咩焦香味，唔太似串燒，調味適合，比咖喱入面嘅雞肉滑啲～📸 咖喱雞 & 咖喱牛脷 (自選)咖喱都有好多款可以揀：雞、牛、魚、羊同蔬菜，我哋揀咗咖喱雞同牛脷，睇咖喱嘅顏色好似有啲唔同，咖喱牛脷嘅比咖喱雞嘅偏紅少少🤏🏻 都辣啲啲，但唔知係咪真係有分別啦😂 咖喱偏竭身，好濃香料味，配飯/點烤餅好正🤩 咖喱入面仲有啲薯仔，薯仔同咖喱都係絕配😌 雞肉就有啲嚡，牛脷好厚切，而且好淋，仲吸滿晒咖喱！📸 蒜茸炒椰菜因為跟餐有炒椰菜，咖喱就無叫到蔬菜，呢個係普通炒椰菜，有啲蒜蓉同豉油咁🤣•🥢 拉茶 +$10拉菜係現場喺你面前拉，張枱唔大，放滿晒野食，佢

屯門竟然有間印度餐廳,由印度人經營🌮座位唔多,晚餐時段爆滿,記住book位！______________________________🦁𝔐𝔦𝔰𝔰 𝔏𝔦𝔬𝔫𝔫🍛評分：8.2/10🤗好味推介🌟👍🏻拉茶十分出色,好好飲,又唔算好甜,好香錫蘭茶味,店員會係客人面前拉茶 ,仲會叫你「聞吓香唔香」,成為全間店嘅焦點,超好玩,好似做show 咁,超多奶泡,好香滑👍🏻雞肉印度餃子因為唔記得左影相,超好食😋好似上海小籠包好多肉汁,配埋特製咖喱醬汁,好辣但係超惹味,叫完一碟再一碟👍🏻咖喱角咖喱角同平時食開個種三角形嘅唔一樣超巨型超足料配埋青豆醬同酸酸地嘅調味,好正！👍🏻咖喱牛脷好濃嘅咖喱味,牛脷煮到好軟身👍🏻雞咖喱、牛咖喱配印度薄餅味道上,雞咖喱較淡較唔辣,奶嘅份量應該落得比較多,就咁食都唔錯牛就好濃味,少少羶,夾埋薄餅食就啱啱好薄餅好好味😋好鬆軟又好香！👎🏻烤羊串燒串燒好特別用鐵板上,一上枱好香,一陣羊羶味,因為用印尼香料醃製,都幾辣但偏向香料味濃,好似過左火,超重口味,外觀上顏色都偏紅回頭率：80%真心樣樣野都好食😋但都偏向重口味同咸如果想試正宗印度菜嘅朋友就可以嚟試吓_______________

由印度人開嘅咖哩屋🍛·午市套餐—咖喱牛脷($45)套餐包括雞湯,蔬菜,薯條,印度薄餅,飯,飲品,真係超扺食🥺cp值極高🔥🔥🔥佢個湯係一個超濃郁嘅雞湯 好好飲🐔印度薄餅我加咗$7轉印度煎手抓餅 手抓餅比普通薄餅會更加鬆脆咖哩牛脷嘅牛脷炆得好淋 好入味 而且個咖喱都好香 好濃郁最後飲品試左拉茶 拉茶係會即時係隔離拉俾你飲 不過其實覺得同普通奶茶差唔多 不過有好多泡泡🛁·呢間已經食過好多次 每次食都覺得好好食🥺

未去到咖喱屋，一踏入條街已經聞到好香嘅咖喱味。應該有成年冇嚟過食飯，記得之前一到放飯時間，附近啲學生都會坐滿晒！但係而家就有啲冷清了。唔肯定佢有冇加到價，不過一個lunch set來講都仲係好抵食！ $45包嘢飲同湯仲有飯、薄餅同埋薯條食，一次過滿足晒三個願望記得之前佢啲牛脷唔錯，所以今日決定照舊。果然冇令我失望，牛脷好「淋」跟住咖喱又好香，今日食嘅時候薄餅唔會話好燶正！如果硬係要講美中不足，覺得今日咖喱唔夠熱，不過呢一個價錢有齊晒咁多嘢食覺得已經好抵下次嚟就想試吓佢個咖喱羊！