樓下冰室 (已結業)

我經常也會跟朋友在荃灣搵食，今次就要試試這間聽聞很有特色的港式冰室，就是這間樓下冰室了。我們到的時候，這間餐廳裏滿是客人。等了10分鐘後終於都可以入到餐廳內坐下了。我們看了一看餐牌，就分別點了他最出名的瑞士雞翼，之後就是免治牛肉飯及咖喱牛腩飯了。首先講講那個瑞士雞翼，他的醬汁的味道甜度適中，十分入味，雞翼也很大隻，瑞士雞翼來說他也算是很好味了。免治牛肉飯的賣相也比其他餐廳的好看，牛肉醬汁比例很多，加上那隻半生熟的蛋，整體來說也很好味。之後那個咖喱牛腩飯也算是不錯了，牛腩的份量不少，咖喱汁也十分濃郁。牛腩也不會太硬。

天氣咁凍，要食番啲熱氣野，所以去搵有熱湯既粉麵。黎到想食個蕃茄湯，搵位過程行過見到啲咖喱又好似唔錯喎！於是兩個人我地一份茄湯一份咖喱飯。蕃茄叉燒米線比想像中好，覺得都幾夾，雖然本身係想食米粉，但米線比米粉粗，反而唔會畀蕃茄浸過龍。配既豬仔包就因為遲左食凍左唔係咁好味，火腿冇咩特別，炒蛋就幾唔錯！咖喱牛腩就係偏港式咖喱，唔太香，不過牛腩同薯仔都唔錯，牛腩唔會韌呢，薯仔有炸過下。牛腩係午餐跟餐要左蕃茄湯唔要茶，湯正常稍為偏重dd口味，估係因為本身啲湯係用黎配飯麵。感覺全間餐廳菜式既味道都偏豐富，鍾意清淡既可能唔太岩。比較唔好係繁忙時間搭台兩個人坐一邊幾逼下，啲台本身較細張。

同屋企人去一田，經過食個晚餐先，要左個瑞士雞翼番茄通粉，咖哩牛腩飯。座位廣闊，坐得好舒服😌番茄通粉好濃嘅番茄🍅味，仲可以加辣！😋瑞士雞翼，唔錯！飯比較硬，一般。

成日聽朋友話荃灣好多野食，所以過開荃灣都or下有咩平靚正。發現有間樓下冰室好似幾出名，就算唔岩，都可以去隔離3條魚。此行目的為左食茄通加瑞士肶，竟然48蚊一個set，可以嘆齊樓下名物茄通炒蛋加瑞士雞肶，絕對值得街坊一試，而且就算遠道而來都會不枉此行。瑞士雞脾未食已經被瑞士汁香氣吸引，濃濃的蕃茄味加上香滑炒蛋，簡單得來但又好滿足。咖哩牛腩飯不算名物，但味道比大集團已經好，睇得出唔係交行貨。難怪樓下經常高朋滿座，實在不難理解。