Sedap Malaysian Delights (已結業)

今日收工去中環接個朋友放工，順便叫佢請我食飯，佢帶咗我嚟中環中心附近嘅SEDAP， 呢間餐廳主要係食馬來西亞野。海南雞 (半隻) $138 份量一d都唔少，雞肉嫩滑，皮又薄，無乜肥膏，真係好好味呀。兩個人share食，份量啱啱好。雞油飯 $18 食海南雞點少得雞油飯，當然要叫返個，咁先夠match！米紙脆春卷 $32 有兩條，開半，即係有四粒，粒粒都好脆卜卜，夠惹味，配合個酸酸地既醬，中和返油膩感，一流。馬來沙嗲雞串 $32燒得唔會乾身，雞肉仲好juicy，表面有好濃郁既沙嗲醬，仲可以配埋個餅食，正呀！馬來西亞肉骨茶 (皇帝骨) $93 肉骨茶味好濃郁，帶有比較強嘅藥材味，仲可以無限refill，抵飲呀！仲可以揀唔同部位嘅骨，我哋今次就試咗皇帝骨，都好多肉呀！咖央多士 $22 烤得幾脆，薄薄的多士，唔會heavy，咖央椰香味重，好有馬來風味。總結來講，呢個價錢係中環食飯都算經濟實惠，知道咁多野，埋單都係三百幾蚊，即係每人百零蚊，都幾抵食呀。

放工要幫公司到中環整野，經過見到Sedap這一間食馬來西亞的餐廳，記得之前到馬來西亞旅行的時候，就是飲肉骨茶，吃串燒和食海南雞飯。 一場來到都好想再食下馬來西亞菜， 所以就在這裏吃晚飯了。店內充滿了南洋風情， 餐牌上的食物款式有很多選擇。 原本想點肉骨茶的，但朋友不想吃，所以唯有下一次再來吃了。 之後我們點了馬來沙嗲羊串燒$46，愛他愛她$32，玻璃魷魚通菜$32，椰漿飯配巴東牛肉$76，怡保咖哩海鮮喇沙$70，紅豆沙冰$36，咖央多士$22。椰漿飯配巴東牛肉～ 巴東牛肉炆得很淋又惹味， 椰漿飯有香濃的椰漿味，帶有微甜。配菜還有花生，一片青瓜，半隻蛋和 一塊脆餅。玻璃魷魚通菜～ 配上自製的辣醬， 令到通菜更加有風味。 玻璃魷魚又爽口又新鮮，正！怡保咖哩海鮮喇沙～ 個人感覺屬於中辣程度， 有香濃的咖哩味道。 一碗入面有兩款不同的麵。馬來沙嗲羊串燒～ 肉汁豐富，鍾意吃羊的朋友一定要試下。愛他愛她～ 見個名咁得意所以就點了回來試一試， 但係食完都唔知點形容， 味道有點似麵粉加一些醬料， 口感是軟淋淋的， 馬來西亞特色小食， 有好奇心嘅朋友可以試下。咖央多士～ 這一件咖央多士都算是我在香港食過