叄瘋 (已結業)

平時無乜機會嚟鴨脷洲，咁啱有事過嚟呢邊一於嚟呢間人氣咖啡店食lunch。平日點幾嚟到都要等位，等咗大概20分鐘。餐牌上主食選擇多，有意粉、意大利飯同burger，亦有沙律、bagel、三文治之類嘅輕食。其中最吸引我哋嘅係台灣風fusion嘅菜式，我咃點咗咸蛋黃醬鹽酥雞扒竹炭漢堡伴蕃薯條、咸牛肉芝士蛋餅同兩杯咖啡。咸牛肉芝士蛋餅係古早味蛋餅，蛋餅皮食落軟嫩Q彈，內餡咸牛肉份量足，夾埋芝士好惹味。鹽酥雞平時就食得多，做成burger就真係第一次試，幾有新鮮感。竹炭麵包鬆軟，鹽酥雞扒表面炸得酥脆，內裡肉質嫩滑仍然有肉汁，而且調味剛好唔會過鹹。中間夾咗醃紅蘿蔔絲，味道微酸感覺清新解膩。咸蛋黃醬嘅咸蛋味雖然唔太明顯，但味道唔錯。蕃薯條新鮮炸起，食落香脆唔會過份油膩。雖然唔鍾意食蕃薯，但最後都食晒。呢度嘅咖啡都好有水準， 咖啡同牛奶味道好平衡，口感順滑細緻。Mocha朱古力味道比較溫和，可可苦味唔明顯。整體嚟講台灣風嘅主食好味道，估唔到咖啡店嘅食物都做得咁有心機，好有驚喜！第時嚟開呢頭都會再幫襯！

同行友人一直強調呢度啲嘢食好細份，可能唔夠飽，但唔知係咪因為食咗少少嘢嘅關係，我覺得份量啱啱好！呢度地方比較細，座位唔多，餐牌都係得兩頁，選擇亦唔算多，我哋叫咗兩個麵一份蛋餅，食食吓覺得好飽😂先講一下台式擔仔麵，分別叫咗紅燒牛肉🐮同蔥油雞🐥，個麵底本身都幾高質，好彈牙好爽口，我嫌唔夠多汁，不過可能太多汁都保持唔到個彈性，朋友話個雞好滑，但我個牛就有啲韌，太多筋腱位，如果叫都唔好叫牛肉🙅🏻‍♀️之前聽人講一定要叫蛋餅，但我哋試完都覺得麻麻，個蛋餅麵粉味有啲重，餡料都叫濃郁，不過稍嫌芝士味唔夠重。最後套餐奉送嘅冬瓜茶連本身唔飲嘅朋友都覺得好飲，唔會太甜👍🏻總體嚟講，不過不失，可以一試。

之前一路都覺得依間好吸引～去開梗係要朝聖😍咁岩等佐一陣就有位啦🙆🏼‍♀️我地坐佐係個好有camping feel既位🙈雖然坐得有少少辛苦😛裝潢以水泥牆同木系為bg 有啲文青復古feel既cafe😍店內有售自家制咖啡豆(有得經網上買!!)and寄賣手作😆除佐有台式料理之外～仲有沙律🥗薯條🍟手沖咖啡☕️.▫️叄瘋蔥油雞扒飯 $68😋👍🏻：👅👅👅👅.6/5分每個主食都會配滷豆干，滷蛋，野菜同自家醃青瓜～飯本身就有少少甜豉油，加埋啲葱油勁香😍不過最驚艷我係隻雞！！真係外脆內軟😳個皮一咬好脆而啲肉又好油嫩🤤仲要啖啖肉無骨咁～.▫️紅燒牛肉台式擔仔麵 $72😋👍🏻：👅👅👅.8/5分擔仔麵係拌麵黎😆紅燒帶點微辣所以拌起上黎都好夠味～～牛肉都好林好入味🙆🏼‍♀️醃料鹹甜適中醃得幾好🤤我鐘意豆乾！！好滑又有啲咬口～仲有紅蘿蔔調味所以食落會帶點甜😚.▫️咸牛肉芝士蛋餅 $45😋👍🏻：👅👅👅👅.3/5分點可以唔食蛋餅！！好少見到用咸牛肉做餡～～所以就想trytry佢😛蛋餅超大件🙈每件都爆晒餡！咸牛肉係有煎過所以食落更香～有啲似午餐肉咁😂大大pat夾埋芝士再帶點蛋香～～個口感好豐富😍邊個夠佢黎！！邪惡度up🙈伴碟仲有沙律

鴨脷洲呢間新開間嘅台式餐廳/咖啡店，有台式招牌蛋餅呀 😍😍 一定要即刻衝過去試呀 😁 出開黎咁遠，梗係帶埋 Dovy 去玩啦，所以呢到超級 #petfriendly 真係好岩我地呀～叁瘋滷肉飯 📍$68除咗有滷肉同埋蛋之外，仲有豆腐，青瓜，野菜 ，我地另外仲加咗香菇 (+$4) 幾多餸吓喎 🤭 滷肉都幾入味 咸牛肉芝士蛋餅 📍+$40好彩香港都有得食台灣嘅早餐咋，好耐無食過啦 🙈 蛋餅幾煙韌，配埋個咸牛肉，幾滋味 🌯 如果佢切嘅時候無砌得咁乾脆利落，留返啲拉絲俾我影就更好啦福灣巧克力 📍+$30朱古力係由台灣入口架，幾香濃幼滑，店主仲用咗平時飲 whiskey 個個冰球放係中間，好冰涼 😁手沖咖啡 📍+$45好少台式餐廳又有埋咖啡飲，難得呢到2樣都有，我地一於試吓佢 😊 呢杯手沖咖啡用咗洪多拉斯既single origin 咖啡豆，幾smooth, after taste 仲帶輕微嘅酸味