金鶴拉麵 (九龍城道) (已結業)

屯馬線開通，身為一個香港人當然要遊一遊「地鐵河」，去到左盼右盼終於盼有地鐵站既土瓜灣行左一個圈，之後搵到一間叫「金鶴拉麵」的日式料理，餐廳外有非常日式既佈置，入到去見到有類似吧檯的日式餐檯，侍應帶我同朋友上樓上空間較大的座位。我地叫了一個set menu，我就選擇左「慢煮日本雞胸飯(200g)」，首先「溏心蛋」好好食，d汁將漏不漏果下個質感真係食過返尋味。另外就係呢個飯最大賣點「200g慢煮日本雞胸」，出乎意料地，雞胸竟然係冰涼的，原本以為點低溫極都會有d暖暖地，咁我就抱住一試無壞既心情咬左一啖，咦？咁滑既？完全唔粗糙仲有少少汁喎，而且出奇的是，一連食左幾舊都冇濟既感覺，認真不錯。朋友則加了$20叫了「極濃雞白湯拉麵」，「極濃雞白湯拉麵」入面有炸牛蒡、日式叉燒、溫泉蛋同埋濃雞湯，係好濃好濃果隻，一飲不得了，唔單止口感濃，味道都好濃，拉麵爽口彈牙，當沾麵咁食簡直一流，飽肚之選。小食「唐揚炸雞」都頗大舊，炸雞外脆內軟，有肉汁，味道亦幾好，如果配埋沙律醬更好。「炸日式餃子」有點鍋貼既feel，個底脆脆地皮薄料多。總體黎講，呢間拉麵店環境闊落，侍應會主動加茶，態度好好，食物又出色，下次一定再黎

行到土瓜灣見到喱間金鶴拉麵就入去試下入到去就覺得喱到裝橫好靚比想像中大 有條小梯級上一層就有好多座位 仲坐得好舒服😍我地係晚飯時段食佢地有套餐set選一款主食-拉麵一款小食同飲品主食方面，我地就選左以下喱兩款拉麵：金鶴雞白湯拉麵（走蔥）個湯底幾清甜，食落口感比較結🙈 鍾意食沾麵類嘅人就岩晒了😽除左溏心蛋外，仲有幾條炸咗嘅牛蒡平時好少食到咁整法🤔幾特別👍🏻黑蒜醬油湯拉麵（走蔥）一送上黎就蒜香撲鼻🤩聞到好香嘅黑蒜醬油味😋雖然係黑蒜醬油湯底 但湯底一啲都唔油膩 有兩大塊脆紫菜 半隻糖心🥚一大塊叉燒 同三大舊雞胸肉入面仲有唔少木耳做配料麵質爽口彈牙而最推介係好好食嘅肥美叉燒👍🏻小食方面，我地2人分別選左唐揚炸雞&炸日式餃子🥟而唐揚炸雞最有驚喜🤩真係炸得脆而肉質嫩唐揚炸雞炸日式餃子之後我地仲叫左一份燒雞泡魚乾燒雞泡魚乾燒得岩岩好 唔會乾身點埋沙律醬好match😽燒雞泡魚乾非常豐富嘅拉麵餐👍🏻

位於土瓜灣li間日本拉麵店都食過好幾次lu, 水準都係非常平穩, 所以喺li區食都係金鶴, 今晚外賣eat@home, 外賣自取有優惠成件事抵食左.🍜金鶴雞白湯沾麵 (HKD138)未食過店家嘅沾麵, 係唔錯呢😋, dip拉麵喺勁濃嘅雞白湯, 條條掛哂湯ga, 好似啖啖都係雞肉嘅精華, 麵質good, 麵嘅份量勁大👏🏻, 拎到返屋企半個鐘都唔會chi埋一餅👍🏻.🍜雞白湯拉麵 (HKD98)分湯返到去倒入碗就食得, 慢煮雞肉同店食一樣juicy, 白色雞肉口感嫩滑, 又ok厚切, 份量good, 雖然係少咁兩條炸牛蒡, 但變左爽脆紫菜都好夾, 紫菜仲要細心到分開以保鮮紙包好, 可見店家真係有唸過人地拎到返屋企仲係唔係在店食嘅質素而微調下食材, 溏心蛋yummy, li個外賣係encore-able嘅.🍜唐揚炸雞 (HKD38)好味! 大件又juicy! 🍜溏心蛋 (HKD12)蛋黃好深色口感滑, 高質日本蛋.

食過返尋味指數：🌕🌕🌕🌘🌑餐廳位於土瓜灣上道，係街市附近，都好易搵。隔離左右冇太多餐廳，不過一睇個門面就覺得同餐廳名一樣，鶴立雞群。大約夜晚7:30點到達，雖然位置唔係好旺，不過差唔多坐左大半。好彩都唔洗點排隊就有得入座。係有feel嘅，入面嘅壁畫、燈光、檯凳其實都有和風feel。位置都好闊落，隔離左右傾偈都唔會覺得嘈。湯底好濃，雞湯好甜，而且飲完都唔覺得有好勁味精之後口乾乾嘅難頂。掛住打卡，搞到D麵凍曬，好彩都係覺得幾好味！值得一提，炸牛蒡好好味！好特別，脆有脆好味，浸左湯都好特別。蒲燒鰻魚飯好厚肉，而且肥美多汁面頭有D焦焦地，脆脆地，外脆內軟個飯底都唔錯，整體黎講，對得住價錢唐揚炸雞都好嫩，配椒鹽之後味道啱啱好！雖然有D低能，不過我想講個廁所幾乾淨同闊落而且有電動廁板......對唔住，我低能服務態度方面，waiter 哥哥同 waitress 姐姐都非常友善，而且好細心仲會專登拎個籃仔過黎畀我地放袋價格方面都算合理，同其他舖頭食嘅拉麵差唔多。兩個人仔一共食左332如果我行開附近，都應該會返兜。推薦如果係附近住嘅朋友仔都可以過黎試試。