WM Café & Bar (海之戀商場)

營業中

休息中

竟然係海之戀商場搵到間咁舒適既cafe,唔會限時,服務又好，同朋友聚會一流！香草龍蝦汁大蝦扁意粉$108鋪左魚籽，大蝦同蟹肉，亦多蜆肉同洋蔥令意粉更滋味，見到隻色就知落足龍蝦🦞汁，濃味又好食😋啖啖肉薄餅$92食肉獸最岩，薄批得黎啖啖肉，蕃茄醬同肉丸永遠是最夾，配上微甜的咖啡，不能更chill~士多啤梨雪葩$40士多啤梨配上薄荷葉，夠曬fresh😌中和咸香的薄餅同龍蝦汁意粉的油膩～熱朱古力咖啡$30杯面鋪了cream,微甜飲落好舒服，是休閑咖啡廳的必選飲品😆

海之戀開左donki 之後得閒都會過去行下！順便去同朋友食下靚西餐！紅磚牆身裝修，好岩打卡☺️香草龍蝦汁大蝦扁意粉⭐️⭐️⭐️⭐️⭐️非常重蝦味，面頭加咗好多三文魚子，增加左海鮮味。意粉硬度適中而且非常掛汁！蝦仁彈牙！啖啖肉薄餅⭐️⭐️⭐️⭐️⭐️有肉丸、辣肉腸同吞拿魚肉！薄餅超薄超趣！而且芝士仲好香濃添！士多啤梨雪葩⭐️⭐️⭐️⭐️⭐️好香士多啤梨味，而且加咗士多啤梨做裝飾！熱朱古力咖啡⭐️⭐️⭐️⭐️⭐️濃濃朱古力味，淡淡咖啡香！互相配合！

➡️食盡荃灣之西餐 — WM Café & Bar (海之戀商場)—————————————————————荃灣有好多商場行街shopping，而今次行到攰，見到海之戀3樓有一間裝修幾靚既餐廳就入左去喇WM Café & Bar分左室內同户外2個區域，而且坐位夠寛闊，聚會拍拖唔錯架🔸 🍕啖啖肉薄餅 $92薄餅上面有肉丸同辣肉腸，而pizza中間有一層芝士，食落好襯，咬落Juicy，幾正而且因為size大，適合2-3人食~🔸芝士香煎珍寶帶子卡邦尼扁意粉 $98扁意粉軟身有彈性，食落creamy，而上面會有粒帶子，大粒有鮮味，推薦🔸 🍹芒果百香果青檸特飲 $26飲品外觀唔錯，飲落酸酸甜甜，果味足夠，大杯又好飲💭Other comment:依家加35蚊就可以有是日餐湯連餐包，同一個廚師沙律🥗 而今次我個是日餐湯就係一個龍蝦湯，餐包就上碟時暖暖地，幾好食～值得連set💛大家經過海之戀商場不妨試吓💛 食完仲可以落下一層行Donki啊，亦都可以去海邊吹下風💨

喺海之戀行完街，同fd想揾間坐下食下野傾下計咁，行到三樓見到呢間wm bar環境幾好價錢又唔貴wor，就試呢間。室內full左，原來仲有露台坐，啲位闊落好多，夜晚啲自然風又涼，坐係度傾計都幾愜意~ 如果想同fd飲下酒吹下水慢慢歎，呢度都係不錯嘅選擇。啖啖肉薄餅➕35蚊是日餐湯是日龍蝦湯好有龍蝦味，好飲嘅~個餐前包有啲驚喜，我必須讚下，個包有陣酒味，又軟身，口感不錯。炸蠔就正正常常，啲蠔係新鮮黎。我又要讚下個薄餅，推介大家試下，唔好見佢個樣普普通通，但係好好味，無得輸。勁多邪惡芝士，仲拉到絲添。肉丸好有豬肉味~中間成扎肉絲，好足料。安格斯牛肉漢堡$140漢堡包就正正常常，足料係真嘅~雙層安格斯牛肉餅食得勁飽肚。麵包口感好~粗身薯條同埋洋蔥圈炸得啱啱好，好味~ 兩條友300蚊都唔洗，抵食。下次來親海之戀會再黎食，想試意大利同埋意粉，仲有藍莓芝士蛋糕🍰堂食$28咋。